ផលប៉ះពាល់នៃការទទួលទានភេសជ្ជៈកំប៉ុង ឬសូដាចំពោះរាងកាយ គឺឆាប់រហ័ស និងគួរឱ្យព្រួយបារម្ភណាស់ ។ ត្រឹមប៉ុន្មាននាទីក្រោយពេលទទួលទានត្រឹមមួយក្រេប ក៏បញ្ហាមួយចំនួនចាប់ផ្ដើមកើតមានចំពោះរាងកាយបាត់ទៅហើយជាពិសេសបញ្ហាជាតិស្ករ ។ អ្វីដែលនឹងកើតឡើងចំពោះរាងកាយក្រោយទទួលទានភេសជ្ជៈកំប៉ុង ៖
១– ១០ នាទី ៖ ភេសជ្ជៈកំប៉ុងភាគច្រើនមានផ្ទុកស្ករដល់ទៅ១០ ស្លាបព្រាកាហ្វេក្នុងមួយកំប៉ុង ហើយប្រព័ន្ធរាងកាយនឹងជួបប្រទះបញ្ហាដោយសារបរិមាណនៃជាតិស្ករដ៏ច្រើននេះ ។ អ្នកមិនក្អួតភ្លាមៗ ក្រោយពេលទទួលទានផ្អែមខ្លាំងបែបនេះ ដោយសារតែជាតិអាស៊ីតផូស្វរិក និងគ្រឿងផ្សំបន្ថែមរសជាតិផ្សេងទៀតនៅក្នុងភេសជ្ជៈកំប៉ុងសម្រាលជាតិផ្អែមខ្លាំង ។ ទោះជាយ៉ាងណាអាស៊ីតផូស្វរិកអាចបំផ្លាញកាចាធ្មេញ និងរារាំងសមត្ថភាពនៃការស្រូបយកជាតិកាល់ស្យូមគួរឱ្យបារម្ភ។
២ – ២០ នាទី ៖ ភេសជ្ជៈកំប៉ុងឆ្លងកាត់យ៉ាងលឿនតាមរយៈពោះវៀន និងក្រពះ ហើយកម្រិតនៃជាតិស្ករក្នុងឈាមរបស់អ្នកនឹងឡើងខ្ពស់ ។ ថ្លើមធ្វើការឆ្លើយតបយ៉ាងឆាប់រហ័សទៅនឹងការកើនឡើងនៃកម្រិតជាតិស្ករក្នុងឈាម ដោយរក្សាទុកឱ្យបានច្រើនបំផុតតាមដែលអាចធ្វើទៅបាន ។ អ្វីដែលសំខាន់នោះ គឺជាតិស្ករភាគច្រើនត្រូវបានបំលែងទៅជាខ្លាញ់។
៣– ៣០នាទី ៖ ឥទ្ធិពលនៃជាតិកាហ្វេអុីនកំពុងកើតមានឡើង ។ ខណៈនោះរន្ធប្រស្រីភ្នែកនឹងរីកធំ ហើយសម្ពាធឈាមក៏ឡើងខ្ពស់ ដែលបណ្ដាលឱ្យថ្លើមបញ្ចេញជាតិស្ករកាន់តែច្រើនទៅក្នុងឈាម ក្រោយមកចង្វាក់បេះដូង និងដង្ហើមរបស់អ្នកនឹងប្រែជាកើនញាប់ជាងធម្មតា ។ ប្រសិនបើអ្នកកំពុងនឿយហត់អស់កម្លាំង អ្នកនឹងមិនជួបប្រទះអាការទាំងនោះឡើយ ខណៈដែលជាតិកាហ្វេអ៊ីនរាំងស្ទះអ័រម៉ូន adenosine របស់ខួរក្បាលដែលទទួលខុសត្រូវចំពោះការសម្រាក និងការអស់កម្លាំង ។
៣– ៤០ នាទី ៖ កម្រិតនៃសារធាតុ dopamine កើនឡើងខុសធម្មតាដែលធ្វើឱ្យអ្នកមានអារម្មណ៍សប្បាយខ្លាំងស្រដៀងទៅនឹងពេលប្រើប្រាស់ថ្នាំញៀនដូចជា កូកាអ៊ីន, amphetamines និងហេរ៉ូអ៊ីន។
៥– ៥០ នាទី ៖ លក្ខណៈសម្បត្តិបញ្ចុះទឹកនោមនៃជាតិកាហ្វេអ៊ីនចាប់ផ្ដើមឡើង ដោយធ្វើឱ្យអ្នកត្រូវតែនោម។ រាងកាយនឹងរបញ្ចេញសារធាតុ សំខាន់ៗដូចជា ម៉ាញ៉េស្យូម, ស័ង្កសី និងកាល់ស្យូមផុតពីក្នុងឆ្អឹង រួមទាំងជាតិអេឡិចត្រូលីត្រ, សូដ្យូម និងជាតិទឹកមកក្រៅតាមរយៈទឹកនោមផងដែរ ។
៦– ៦០ នាទី ៖ លំពែងចាប់ផ្ដើមបង្កើនការបញ្ចេញអាំងស៊ុយលីនដើម្បីកាត់បន្ថយកម្រិតនៃជាតិស្ករក្នុងឈាម។ ហើយក្នុងខណៈពេលនេះជាតិកាហ្វេអ៊ីនក៏បញ្ចេញឥទ្ធិពលឱ្យអ្នកឈឺនោមផងដែរ ។
៧– លើសពី ៦០ នាទី ៖ ជាតិស្ករចាប់ផ្ដើមបញ្ចេញឥទ្ធិពលយ៉ាងខ្លាំង! ក្រៅពីប្រឈមមុខនឹងហានិភ័យនៃជំងឺទឹកនោមផ្អេមខ្ពស់ហើយនោះ អ្នកក៏នឹងជួបប្រទះអាការអស់កម្លាំង, គ្មានថាមពលស្វាហាប់ ឬសកម្ម, អារម្មណ៍មិនល្អ និងស្រេកទឹក ចង់ទទួលទានភេសជ្ជៈកំប៉ុងថែមទៀត ជាពិសេសប្រសិនបើអ្នកទទួលទានភេសជ្ជៈកំប៉ុងគ្មានជាតិស្ករ (ប្រភពពី៖ Health.com.kh)៕
ចែករំលែកព័តមាននេះ