ខេត្តបន្ទាយមានជ័យ ៖ គ្រោះថ្នាក់ចរាចរណ៍រវាងរថយន្តមួយគ្រឿងបុកជាមួយម៉ូតូមួយគ្រឿង បណ្តាលឱ្យយុវជន៣នាក់ស្លាប់ភ្លាមៗនៅនឹងកន្លែងហេតុ ។ ហេតុការណ៍គ្រោះថ្នាក់ចរាចរណ៍ដ៏រន្ធត់នេះបានកើតឡើងនៅវេលាម៉ោង៣និង៥០នាទីព្រឹកថ្ងៃទី២៩ ខែមីនា ឆ្នាំ២០១៩ នៅលេីកំណាត់ផ្លូវជាតិលេខ៥៦A នៅចំណុចមុខទី…
ខេត្តបន្ទាយមានជ័យ ៖ គ្រោះថ្នាក់ចរាចរណ៍រវាងរថយន្តមួយគ្រឿងបុកជាមួយម៉ូតូមួយគ្រឿង បណ្តាលឱ្យយុវជន៣នាក់ស្លាប់ភ្លាមៗនៅនឹងកន្លែងហេតុ ។ ហេតុការណ៍គ្រោះថ្នាក់ចរាចរណ៍ដ៏រន្ធត់នេះបានកើតឡើងនៅវេលាម៉ោង៣និង៥០នាទីព្រឹកថ្ងៃទី២៩ ខែមីនា ឆ្នាំ២០១៩ នៅលេីកំណាត់ផ្លូវជាតិលេខ៥៦A នៅចំណុចមុខទី ស្នាក់ការបក្សឃុំស្លក្រាម ស្ថិតនៅភូមិខ្លែងពណ៌ជើង ឃុំស្លក្រាម ស្រុកស្វាយចេក ខេត្តបន្ទាយមានជ័យ។
ភាគីខាងមូតូមួយគ្រឿងជិះគ្នា៣នាក់ម៉ាក MSX ពណ៌ខ្មៅ ពាក់ស្លាកលេខ ប.មានជ័យ ១R.៨០៦៣ បើកបរដោយឈ្មោះ អូក ហៀត ភេទប្រុស អាយុ១៧ឆ្នាំ បានស្លាប់នៅនឹងកន្លែងកើតហេតុ និងអ្នករួមដំណើរ២នាក់ទៀត ក្នុងនោះម្នាក់ឈ្មោះ ប៉ក់ សៀវភូ ភេទប្រុស អាយុ១៧ឆ្នាំ បានស្លាប់នៅនឹងកន្លែងកើតហេតុ និងម្នាក់ទៀតឈ្មោះ ដាន ឡៃសឿ ភេទប្រុស អាយុ១៧ឆ្នាំ បានស្លាប់នៅនឹងកន្លែងកើតហេតុ។ ជនរងគ្រោះទាំង៣នាក់ មានទីលំនៅក្នុងឃុំទ្រាស ស្រុកស្វាយចេក ខេត្តបន្ទាយមានជ័យ ។
ចំណែកភាគីខាងរថយន្តមួយគ្រឿងម៉ាក់កាមរីឆ្លាម ពណ៌ស្ករ ពាក់ស្លាកលេខ ភ្នំពេញ ២M-៧៣៧១ បើកបរដោយឈ្មោះ ជី ហឿយ ភេទប្រុស នៅស្រុកថ្មពួក បានរត់គេចខ្លួនបាត់ ។
លោកវរសេនីយ៍ឯកជា ស្លូញ អធិការនគរបាលស្រុកស្វាយចេក បានឲ្យដឹកថា មុនពេលកើតហេតុ មានយុវជន៣នាក់បានជិះមូតូមួយគ្រឿងម៉ាកMSX បានធ្វើដំណើរពីត្បូងទៅជើង លុះមកដល់ចំណុចកើតហេតុខាងលើ ស្រាប់តែមានរថយន្តមួយគ្រឿងម៉ាក់កាមរីឆ្លាម ធ្វើដំណើរបញ្ច្រាសទិសគ្នាពីជើងទៅត្បូង បានបុកម៉ូតូយ៉ាងពេញទំហឹង បណ្តាលឲ្យអ្នកបើកម៉ូតូនិងអ្នករួមដំណើរស្លាប់ទាំង៣នាក់ភ្លាមៗនៅកន្លែងកើតហេតុតែម្តង ។ ចំណែករថយន្តបានរេចង្កូតធ្លាក់ពីផ្លូវទៅបុកតូប និងបុករបងជាប់នៅក្បែរផ្លូវទៅមុខលែងរួច ។ ក្រោយពីកើតហេតុអ្នកបើកបររថយន្តបានរត់គេចខ្លួនបាត់ស្រមោល ។
លោកអធិការបានបញ្ជាក់ថា បន្ទាប់ពីធ្វើការវាស់វែងរួច សពជនរងគ្រោះត្រូវបានកម្លាំងនគរបាលជំនាញប្រគល់ជូនក្រុមគ្រួសារ ដើម្បីចាត់ចែងធ្វើបុណ្យតាមប្រពៃណីរៀងៗខ្លួន ។ រីឯរថយន្ត និងម៉ូតូដែលរងការខូចខាតយ៉ាងធ្ងន់ធ្ងរ ត្រូវបានសមត្ថកិច្ចយកទៅរក្សាទុកនៅអធិការដ្ឋាននគរបាលស្រុកស្វាយចេក រង់ចាំភាគីបង្កចូលខ្លួនដោះស្រាយគ្នាតាមផ្លូវច្បាប់ ។ ចំពោះមូលហេតុដែលបណ្តាលឲ្យកើតមានគ្រោះថ្នាក់ដ៏រន្ធត់នេះ គឺដោយសារភាគីខាងម៉ូតូបើកបរខ្វះការប្រុងប្រយ័ត្នមិនប្រកាន់ស្តាំ ៕
ចែករំលែកព័តមាននេះ