កម្មករសំណង់ជិះម៉ូតូឌុបគ្នា ស្រាប់តែជួបគ្រោះអកុសលទាំង២នាក់ ម្តុំស្តុបណតប្រ៊ីដ
- ភ្នំពេញ
រាជធានីភ្នំពេញ ៖ យុវជនពីរនាក់បានស្លា.ប់ភ្លាមៗនៅកន្លែងកើតហេតុ បន្ទាប់ពីជិះម៉ូតូឌុបគ្នាក្នុង
រាជធានីភ្នំពេញ ៖ យុវជនពីរនាក់បានស្លា.ប់ភ្លាមៗនៅកន្លែងកើតហេតុ បន្ទាប់ពីជិះម៉ូតូឌុបគ្នាក្នុងល្បឿនលឿនជ្រុលទៅបុករថយន្ដនីស្សាន់ បើកបរដោយនារីម្នាក់ នៅចំណុចស្ដុបផ្លូវបំបែកជាបួនបណ្តាលអោយខ្ទាតជនរងគ្រោះនិងម៉ូតូជាច្រើនម៉ែត្រ ។
ហេតុការណ៍ខាងលើនេះ បានកើតឡើងកាលពីវេលាម៉ោង២និង៣០នាទីរំលងអាធ្រាត្រឈានចូលថ្ងៃទី១៨ ខែ មេសា ឆ្នាំ២០២៤ តាមបណ្ដោយផ្លូវ២០០៤ ហៅផ្លូវម៉ៃដាកែងផ្លូវណតប្រីត ក្នុងសង្កាត់អូរបែកក្អម ខណ្ឌសែនសុខ រាជធានីភ្នំពេញ ។
ជនរងគ្រោះទាំង២នាក់ជាកម្មករសំណង់ ក្នុងនោះម្នាក់ឈ្មោះ មន ចាន់ថេង ភេទប្រុស អាយុ១៩ឆ្នាំ ស្នាក់នៅកន្លែងធ្វើការនៅភ្នំពេញ មានស្រុកកំណើតនៅឃុំស្វាយជ្រុំ ស្រុកមេសាង ខេត្តព្រៃវែង និងម្នាក់ទៀតឈ្មោះ តុលា បញ្ញា ភេទប្រុស អាយុ១៧ឆ្នាំ មានស្រុកំណើតនៅឃុំស្វាយជុំ ស្រុកមេសាង ខេត្តព្រៃវែង ។
តាមប្រភពព័ត៌មាននៅកន្លែងកើតហេតុបានអោយដឹងថា នៅមុនកើតហេតុ គេឃើញយុវជន២នាក់ជិះម៉ូតូមួយគ្រឿងម៉ាកហុងដាឌ្រីម ពណ៍ខ្មៅ ពាក់ស្លាកលេខ ភ្នំពេញ 2AV-3394 ធ្វើដំណើរតាមបណ្ដោយផ្លូវណតប្រីត ទិសដៅពីជើងទៅត្បូង ក្នុងល្បឿនលឿន លុះធ្វើដំណើរមកដល់ចំណុចស្ដុបណតប្រ៊ីដ ផ្លូវបំបែកជាបួនក៏ជ្រុលទៅបុករថយន្ដមួយគ្រឿង ម៉ាកនីស្សាន់ ពណ៍ស ពាក់ស្លាកលេខ ភ្នំពេញ 2BV-4371 បើកបរដោយនារីម្នាក់ ធ្វើដំណើរតាមបណ្ដោយផ្លូវ២០០៤ ក្នុងទិសដៅពីលិចទៅកើត បណ្ដាលអោយម៉ូតូហោះផ្លោងឆ្លងទៅផ្លូវម្ខាងទៀត រងការខូចខាតខ្ទេចស្ទើរទាំងស្រុង ចំណែកអ្នកបើកបរនឹងអ្នករួមដំណើរពីក្រោយ បានស្លា.ប់ភ្លាមៗទាំង២នាក់នៅនឹងកន្លែងកើតហេតុ ។ រីឯរថយន្ដរងការខូចខាត នឹងបែកកញ្ចក់មុខរងការខូចយ៉ាងធ្ងន់ធ្ងរ ចំណែកអ្នកបើកបរជានារី ត្រូវបានសមត្ថកិច្ចឃាត់ខ្លួនបញ្ជូនទៅកាន់ប៉ុស្តិ៍អូរបែកក្អមភ្លាមៗ។
ក្រោយពីកើតហេតុ ក៏មានវត្តមានសមត្ថកិច្ចចរាចរណ៍ខណ្ឌបានទាក់ទងទៅកំលាំងសមត្ថកិច្ចនគរបាលរាជធានីភ្នំពេញធ្វើការវ៉ាស់វែង រួចស្ទូចរថយន្ដនឹងម៉ូតូយកទៅរក្សាទុក ដើម្បីរង់ចាំការដោះស្រាយនៅពេលក្រោយ ។ ចំណែកសពជនរងគ្រោះត្រូវបានសមប្រគល់ជូនក្រុមគ្រួសារ ដឹកយកទៅធ្វើបុណ្យតាមប្រពៃណីនៅឯស្រុកកំណើត ៕
ចែករំលែកព័តមាននេះ