រាជធានីភ្នំពេញ ៖ ប្រទេសតួកគីបានសម្រេចផ្តល់កប៉ាល់ដែលបន្ទុកដោយអគ្គិសនីដែលមានកម្លាំង២០០មេហ្គាវ៉ាត់មកដល់កម្ពុជា ។ នេះបើតាមការឲ្យដឹងពីសម្តេចតេជោ ហ៊ុន សែន នាយករដ្ឋមន្ត្រី ។ មានប្រសាសន៍ក្នុងវេទិការាជរដ្ឋាភិបាល-ផ្នែកឯកជនលើកទី១៨…
រាជធានីភ្នំពេញ ៖ ប្រទេសតួកគីបានសម្រេចផ្តល់កប៉ាល់ដែលបន្ទុកដោយអគ្គិសនីដែលមានកម្លាំង២០០មេហ្គាវ៉ាត់មកដល់កម្ពុជា ។ នេះបើតាមការឲ្យដឹងពីសម្តេចតេជោ ហ៊ុន សែន នាយករដ្ឋមន្ត្រី ។ មានប្រសាសន៍ក្នុងវេទិការាជរដ្ឋាភិបាល-ផ្នែកឯកជនលើកទី១៨ នាព្រឹកថ្ងៃទី២៩ ខែមីនា ឆ្នាំ២០១៩ នៅវិមានសន្តិភាពសម្តេចតេជោ ហ៊ុនសែន បានឲ្យដឹងថា មានក្រុមហ៊ុន របស់តួកគី មួយបានសម្រេចផ្តល់កប៉ាល់មួយគ្រឿង ដែលកម្លាំងអគ្គិសនី២០០មេហ្គាវ៉ាត់ដើម្បីជួយផ្តត់ផ្គង់នៅក្នុងប្រទេសកម្ពុជា តែមានរយៈពេលមិនតិចជាង៣ឆ្នាំ ។
នៅក្នុងវេទិកានេះដែរសម្តេចក៏បានចុះហត្ថលេខាលើឯកពាក់ព័ន្ធនឹងការទិញអគ្គិសនី ដើម្បីដាក់ជួននាយករដ្ឋមន្ត្រីតួគីផងដែរ ។ សម្តេចក៏បានអគុណដែលឯកអគ្គរដ្ឋទូតតូកគីដែលខិតខំធ្វើការពាក់ព័ន្ធនឹងបញ្ហាអគ្គិសនី ដើម្បីយកមកផ្កត់ផ្គង់នៅកម្ពុជា ។
សូមជម្រាបថា ក្នុងពិធីបិទសន្និបាតក្រសួងអប់រំយុវជន និងកីឡានា រសៀលថ្ងៃទី២៧ មីនានេះសម្តេចតេជោ ហ៊ុន សែន បានលើកឡើងថា មុននេះដោយសារមានការជាប់ពិភាក្សាជាមួយនឹងភាគីថៃពាក់ព័ន្ធនឹងការចុះហត្ថលេខាផ្គត់ផ្គង់បន្ថែមទៅលើអគ្គិសនីមកកម្ពុជា ។ សម្ដេចក៏បានជំរុញឲ្យភាគីថៃធ្វើយ៉ាងណាខិតខំបញ្ជូនអគ្គិសនី គឺមកឲ្យកម្ពុជាឲ្យបានមុនកំណត់កាន់តែប្រសើរ ។ ខាងប្រទេសឡាវក៏បានចុះហត្ថលេខារួចហើយប្រសិនបើបញ្ជូនឲ្យបានកាន់តែលឿនកាន់តែល្អ ។
សម្តេចបញ្ជាក់ថា«អំម្បាញមិញនេះខ្ញុំបានចុះហត្ថលេខាទៅឲ្យនាយករដ្ឋមន្ត្រីវៀតណាម ដើម្បីស្នើសុំឲ្យមានការផ្គត់ផ្គង់បន្ថែម ក្នុងចន្លោះពី៥០ទៅ១០០ មេហ្គាវ៉ាត់បន្ថែមទៀត» ។ ជាមួយគ្នានោះដែរសម្តេចក៏បានឱ្យដឹងថា ភាគីកម្ពុជាក៏បានកំពុងពិភាក្សាជាមួយនឹងប្រទេសតួកគីប្រហែលជាយើងជៀសមិនផុតទេ ពីការត្រូវអូសអគ្គិសនីពីនាវារបស់តួកគីដែលផ្ទុកដោយអគ្គិសនីដើរដោយប្រេងខ្មៅចូលមកកាន់រាជធានីភ្នំពេញតែម្ដងប្រមាណជា ២០០ មេហ្គាវ៉ាត់បន្ថែម ។
សម្តេចតេជោក៏បានគូសបញ្ជាក់ថា រឿងនេះ គឺជារឿងអកុសលសម្រាប់យើង ។ ឆ្នាំនេះគឺជាឆ្នាំដែលមានការហួតហែង រាំងខ្លាំង ដែលធ្វើឲ្យអគ្គិសនីរបស់យើងជួបកង្វះប្រមាណជា ៤០០ មេហ្គាវ៉ាត់ឯណោះ ។ តែនេះ គឺជារឿងដែលយើងមិនធ្លាប់មាន» ។ សម្ដេចក៏បានលើកឡើងទៀតថា រឿងមួយទៀតសំណង់បានកើតឡើងខ្លាំងណាស់ ដែលធ្វើឲ្យការវាយតម្លៃកាលពីលើកមុន វាអត់ត្រូវទេ ។ យើងធ្វើការផ្គត់ផ្គង់អគ្គិសនីបន្ថែម តែមុននឹងបន្ថែមហ្នឹង គឺមានតម្រូវការយកនាវារបស់ប្រទេសតួកគីមកដាក់ប្រមាណជាបីឆ្នាំសិន ហើយស្នើឲ្យវៀតណាមថៃ និងឡាវ ជួយផ្គត់ផ្គង់បន្ថែម ។
សម្តេចក៏បានលើកឡើងទៀតថា ជាមួយនឹងការពន្យល់បន្ថែមដែលនឹងត្រូវពិភាក្សាគ្នានៅសប្តាហ៍ក្រោយនេះ យើងមិនហ៊ានវិនិយោគធំទេ ពីព្រោះថា កាលណាវិនិយោគអគ្គិសនី តើប្រើមិនអស់វាមិនរួចយើងត្រូវតែសងថ្លៃគេតែម្តង ។ ប៉ុន្តែចំពោះវិស័យសំណង់ខ្ញុំគ្រាន់តែខ្ញុំវាថា រយៈពេល២ខែដើមឆ្នាំ២០១៩មានកំណើន៧០០ភាគរយប្រៀបជាមួយនឹងឆ្នាំ២០១៨អញ្ចឹងការកើនឡើងវិស័យសំណង់នេះ ត្រូវការអគ្គិសនីក៏ត្រូវការកើនឡើងធំណាស់ ។
សម្តេចបញ្ជាក់ថា«អញ្ចឹងអ្វីដែលយើងជាក៏កាលពីមុន គឺខុសស្រឡះ ។ ដូច្នេះហើយបានជាយើងត្រូវរកវិធីដោះស្រាយជាបន្ទាន់ ហើយសង្ឃឹមថា ប្រជាពលរដ្ឋរបស់យើងគ្រប់ទីកន្លែងមេត្តាយោគយល់ថា ឆ្នាំនេះ គឺជាឆ្នាំដែលដាច់ភ្លើងច្រើន ។ ជាមួយគ្នានោះសម្ដេចក៏បានស្នើឱ្យអ្នកដែលលក់ម៉ាស៊ីនភ្លើង ដើម្បីចែកចាយដល់ប្រជាពលរដ្ឋប្រើប្រាស់នៅពេលដាច់ភ្លើងក៏គួរកុំដំឡើងថ្លៃហួសហេតុពេក ។ សម្តេចបញ្ជាក់ថា«សូមមេត្តាក្រុមហ៊ុនដែលលក់ម៉ាស៊ីនភ្លើងទៅឲ្យប្រជាពលរដ្ឋកុំលក់ថ្លៃពេក ។ នេះគ្រាន់តែជាការអំពាវនាវ ដើម្បីឲ្យមានការយោគយល់ពីការលំបាកដោយសារអាកាសធាតុផង ហើយមួយផ្នែកទៀតក៏វាទាក់ទងនឹងដំណើរការវិនិយោគយ៉ាងកំហុកផងដែររបស់យើង» ៕
ចែករំលែកព័តមាននេះ