ខេត្តស្ទឹងត្រែង ៖ ដំណាំចេកអំបូងប្រមាណ៦០ហិកតារបស់ក្រុមហ៊ុនអង្គរបាណាណា ស្ថិតក្នុងឃុំអូរស្វាយ ស្រុកបូរីអូរស្វាយសែនជ័យ ត្រូវបានដួលរលំអស់ ដែលបង្កឡើងដោយឥទ្ធិពលខ្យល់ភ្លៀងលាយខ្យល់ កន្ត្រាក់ បានបក់បោកយ៉ាងខ្លាំង កើតឡើងកាលពីពេលថ្មីៗនេះ…
ខេត្តស្ទឹងត្រែង ៖ ដំណាំចេកអំបូងប្រមាណ៦០ហិកតារបស់ក្រុមហ៊ុនអង្គរបាណាណា ស្ថិតក្នុងឃុំអូរស្វាយ ស្រុកបូរីអូរស្វាយសែនជ័យ ត្រូវបានដួលរលំអស់ ដែលបង្កឡើងដោយឥទ្ធិពលខ្យល់ភ្លៀងលាយខ្យល់ កន្ត្រាក់ បានបក់បោកយ៉ាងខ្លាំង កើតឡើងកាលពីពេលថ្មីៗនេះ ហើយធ្វើឱ្យក្រុមហ៊ុនខាតបង់ថវិកាអស់
១លានដុល្លារផងដែរ ។
លោកសូ មិត្ត តំណាងក្រុមហ៊ុនបានឱ្យដឹង នារសៀលថ្ងៃទី២៦ មីនា នេះថា ខ្យល់កន្ត្រាក់បានកើតឡើង កាលពីយប់ថ្ងៃទី២៣ មីនា ដោយវាយបំផ្លាញដើមចេកកំពុងមានផ្លែ និងបំផ្លាញផ្ទះស្នាក់នៅរបស់កម្មករអស់មួយចំនួនទៀត ។ លោកបន្តថា បានដំណាំចេកដាំចេញលើផ្ទៃដីចំនួន៦៥០ហិចតា ហើយកំពុង ប្រមូលផលជាបណ្តើរៗនាំចេញតាមច្រកវៀតណាមទៅកាន់ប្រទេសចិន ។
ដោយឡែក ចំពោះដើមចេកទាំង៦០ហិកតាដែលដួលរលំនោះ គឺក្រុមហ៊ុនត្រូវកាប់ដើមដែលបាក់ចេញ ហើយចេកនឹងដុះចេញមកដូចធម្មតាវិញ ខណៈផ្លែចេកដែលចាស់អាចប្រមូលផលបាន គឺប្រមូលផល ដើម្បីនាំចេញធម្មតា។
តាមការបញ្ជាក់ពីមន្ទីរកសិកម្ម រុក្ខាប្រមាញ់ និងនេសាទខេត្តស្ទឹងត្រែងឱ្យដឹងដែរថា ក្រុមហ៊ុនអង្គរបាណាណាខេត្តស្ទឹងត្រែង មានការអនុញ្ញាតពីរាជរដ្ឋាភិបាលកម្ពុជា ដើម្បីលើកស្ទួយការវិនិយោគវិស័យកសិកម្មដាំដំណាំចេកលើផ្ទៃដីសម្បទានសេដ្ឋកិច្ចចំនួន៣០០០ហិកតា ដើម្បីដាំចេកសម្រាប់នាំចេញទៅលក់នៅបណ្តាប្រទេសដូចជាកូរ៉េ ជប៉ុន អាឡឺម៉ង និងអារ៉ាប់ជាដើម ។
មកទល់ពេលនេះ ក្រុមហ៊ុនដាំចេកសម្រេចបាន៦៥០ហិកតា ហើយសព្វថ្ងៃ ក្រុមហ៊ុនចាប់ផ្តើមប្រមូលផល ដោយក្នុងមួយថ្ងៃ ក្រុមហ៊ុនអាចប្រមូលផលចាប់ពី៤០តោនឡើងទៅ ដើម្បីធ្វើការនាំចេញ ។
ចែករំលែកព័តមាននេះ