មានអ្នកខ្លះនិយាយថា សម័យនេះមនុស្សលែងស្គាល់បុណ្យបាបអស់ហើយ ជាក់ស្តែងនៅក្នុងកម្មវិធីបុណ្យទាំងឡាយមាន បុណ្យសព បុណ្យទក្ខិណានុប្បទាន បុណ្យកតញ្ញូជាដើមគេសង្កេតឃើញក្រុមមនុស្សខ្លះកំពុងប្រមាទហ៊ានសេពគ្រឿងស្រវឹងយ៉ាងសប្បាយអឺងកង ភ្លេចអស់បុណ្យបាប ។ អំពើប្រមាទនេះប្រហែលជាពួកគេយល់ថា នឹងធ្វើឲ្យខ្លួនគេទៅជាមនុស្សទាន់សម័យ…
មានអ្នកខ្លះនិយាយថា សម័យនេះមនុស្សលែងស្គាល់បុណ្យបាបអស់ហើយ ជាក់ស្តែងនៅក្នុងកម្មវិធីបុណ្យទាំងឡាយមាន បុណ្យសព បុណ្យទក្ខិណានុប្បទាន បុណ្យកតញ្ញូជាដើមគេសង្កេតឃើញក្រុមមនុស្សខ្លះកំពុងប្រមាទហ៊ានសេពគ្រឿងស្រវឹងយ៉ាងសប្បាយអឺងកង ភ្លេចអស់បុណ្យបាប ។
អំពើប្រមាទនេះប្រហែលជាពួកគេយល់ថា នឹងធ្វើឲ្យខ្លួនគេទៅជាមនុស្សទាន់សម័យ មនុស្សទំនើប មនុស្សឡូយឆាយបានការសរសើរពីអ្នកស្រុក ។
ប៉ុន្តែបើពិចារណាឲ្យជ្រៅបន្តិចនឹងឃើញថា ទង្វើបែបនេះមិនមែនជាសកម្មភាពនៃ អ្នកកាន់ព្រះពុទ្ធសាសនាឬអ្នកទាន់សម័យទេ ព្រោះអ្នកទាំងនោះគ្មានបានទទួលផលប្រយោជន៍អ្វី សូម្បីតែបន្តិចបន្តួចពីទង្វើទាំងនោះក៏គ្មានឡើយ ។
ពួកគេបានត្រឹមតែងងុយដេក ស្រវឹងអួទីនួនាំឱ្យរង្កៀសចិត្តនៃអ្នកផងទាំងពួង នាំឱ្យខាតពេលវេលា ខាតការងារ បង់ទាំងទ្រព្យសម្បត្តិ បាត់ទាំងឱកាសបំពេញបុណ្យកុសលទៀតផង។ ឯអ្នកដែលចំណេញពីទង្វើទាំងអស់នេះ គឺម្ចាស់អាជីវកម្មអ្នកលក់ដូរឯណោះទៅវិញទេ ។
ចំណែកអ្នកវិទ្យាសាស្ត្រ ដែលជាអ្នកផលិតនូវគ្រឿងស្រវឹងផ្សេងៗនោះ ខ្លួនគេផ្ទាល់មិនបានងប់ងល់វង្វេងដោយទឹកស្រវឹងទាំងនេះឡើយ គឺគេខិតខំធ្វើយ៉ាងណាដើម្បីបង្កើនរស់ជាតិបែបថ្មីៗទៀត ដើម្បីយកលុយពីក្រុមមនុស្សដែលកំពុងវង្វេងនឹងសុរាទាំងនោះឲ្យបានច្រើន ។
ចែករំលែកព័តមាននេះ