រាជធានីភ្នំពេញ ៖ ការស្រាវជ្រាវជាច្រើនដែលបង្ហាញថា ការឈឺក្បាលប្រកាំងអាចបង្កឡើង ដោយប្រភេទអាហារ, ភេសជ្ជៈ និងទម្លាប់នៃការញ៉ាំ។ អ្នកអាចនឹងឆ្ងល់ថា តើអ្វីដែលបណ្តាល ឱ្យមានការឈឺក្បាលប្រកាំងភ្លាមៗដែលអ្នកមាន?…
រាជធានីភ្នំពេញ ៖ ការស្រាវជ្រាវជាច្រើនដែលបង្ហាញថា ការឈឺក្បាលប្រកាំងអាចបង្កឡើង ដោយប្រភេទអាហារ, ភេសជ្ជៈ និងទម្លាប់នៃការញ៉ាំ។ អ្នកអាចនឹងឆ្ងល់ថា តើអ្វីដែលបណ្តាល ឱ្យមានការឈឺក្បាលប្រកាំងភ្លាមៗដែលអ្នកមាន? នេះគឺជាអាហារទូទៅ និងទម្លាប់ទទួល ទានអាហារដែលអាចជាមូលហេតុនៃការធ្វើឱ្យឈឺក្បាលប្រកាំង។
១- ធាតុផ្សំមួយចំនួនដែលនៅក្នុងសូកូឡាអាចធ្វើអោយឈឺក្បាលប្រកាំងបាន ៖ គ្រឿងផ្សំសំខាន់មួយដែលអាចបណ្តាលឱ្យឈឺក្បាលប្រកាំង បន្ទាប់ពីទទួលទានសូកូឡា គឺជាសារធាតុគីមីដែលមានឈ្មោះថា phenylethylamine ។ វាអាចផ្លាស់ប្តូរលំហូរឈាមនៅក្នុងខួរក្បាលដែលបណ្តាលឱ្យមានការបញ្ចេញសារធាតុគីមីផ្សេងទៀតនៅក្នុងខួរក្បាល។
Phenylethylamine និងការបញ្ចេញសារធាតុគីមីផ្សេងទៀតរួមគ្នាបណ្តាលឱ្យឈឺក្បាលប្រកាំង។ សូកូឡាក៏មានជាតិកាហ្វេអ៊ីន ដែលអាចផ្តល់ផលប៉ះពាល់ប្រព័ន្ធសរសៃប្រសាទកណ្តាល។
២- Monosodium glutamate សរសេរកាត់ជា MSG ៖ គឺជាសារធាតុបន្ថែមលើអាហារដែលត្រូវបានប្រើជាទូទៅដើម្បីបង្កើនរសជាតិនៃអាហារ។ វាភាគច្រើនត្រូវបានគេរកឃើញនៅក្នុងម្ហូបអាហារពីភោជនីយដ្ឋានចិន អាហារក្លាសេ អាហារកំប៉ុង ឬអាហារដែលបានវេចខ្ចប់ស្រេច សាច់កែច្នៃ ទឹកគ្រឿងដាក់សាឡាត់ និងភោជនីយដ្ឋានភាគច្រើននៅអាស៊ី។ MSG គឺជាសារធាតុបញ្ជូនសរសៃប្រសាទដែលអាចបង្កឱ្យមានការឈឺក្បាលប្រកាំងដោយធ្វើឱ្យសរសៃឈាមក្លាយរួមតូច និងកន្ទ្រាក់។ ការវាយប្រហារជាមធ្យមចាប់ផ្តើមប្រហែល 20 ទៅ 25 នាទីបន្ទាប់ពីការទទួលទាន MSG ។
៣ – អាហារហឹរ៖ ក្នុងចំនោមម្ហូបអាហារដែលមានរសជាតិហឹរទាំងអស់ម្ទេស គឺជាប្រភេទគ្រឿងទេសដែលអាចបង្កឱ្យមានការឈឺក្បាលប្រកាំង។ មូលហេតុមកពីម្ទេសមានប្រតិកម្មទៅប្រព័ន្ធរំញោចដែលតបនឹងការឈឺចាប់និងកម្តៅ ហៅថា trasient receptor potential (TRP) ។ ការសិក្សាមួយដែលបង្ហាញថា ម្ទេសអាចដាស់សរសៃប្រសាទ TRP ដើម្បីជម្រុញការឈឺចាប់និងអារម្មណ៍រលាក។
៤- ផ្លែឈើដែលមានជាតិជូរ និងអាហារដែលមានជាតិប្រូតេអីុនខ្ពស់មានសារធាតុ tyramine ៖ សារធាតុនេះ គឺជាសារធាតុគីមីមួយដែលត្រូវបានគេស្គាល់ថា អាចធ្វើឱ្យរាងកាយរបស់មនុស្សផលិត norepinephrine (អ័រម៉ូន) ។ Norepinephrine ជាធម្មតាបញ្ចេញអំឡុងពេលនៃភាពតានតឹងដែលធ្វើឪ្យកើនឡើងនៃចង្វាក់បេះដូង និងលំហូរឈាម។ នេះហើយដែលនាំឱ្យមានការឈឺក្បាលប្រកាំង។ ជាទូទៅ នៅពេលដែលយើងទុកអាហារដែលមានជាតិប្រូតេអ៊ីនខ្ពស់កាន់តែយូរ កម្រិតនៃធាតុ tyramine កាន់តែខ្ពស់។
៥- ជួនកាលការឈឺក្បាលបែបប្រកាំងនោះក៏អាចបណ្តាលមកពីទម្លាប់នៃការញ៉ាំ ៖ ការផ្លាស់ប្តូរសំខាន់មួយដែលធ្វើឱ្យប្រកាំងគឺការផ្តាច់ជាតិកាហ្វេអីុន។ ការទទួលទានជាតិកាហ្វេអ៊ីនតិចអាចកាត់បន្ថយការឈឺចាប់ពីជំងឺឈឺក្បាលប្រកាំងបាន ប៉ុន្តែប្រសិនបើការទទួលជាតិកាហ្វេអ៊ីនលើសពី 200មីលីក្រាមក្នុងមួយថ្ងៃ ឬការផ្តាច់ជាតិកាហ្វេអ៊ីនភ្លាមៗអាចនាំឱ្យមានការឈឺក្បាលប្រកាំង។ អ្នកគួរព្យាយាមបន្ថយជាតិកាហ្វេអ៊ីនយឺត ៗ ប្រហែល25% ក្នុងមួយដងដើម្បីជៀសវាងការឈឺក្បាលប្រកាំង។
ការផ្តាច់ញ៉ាំចំណីអាហារក៏អាចបណ្តាលឱ្យឈឺក្បាលប្រកាំងផងដែរ ដោយសារតែការដកភ្លាមៗនៃសារធាតុជាច្រើនក្នុងពេលតែមួយ។ ម្យ៉ាងទៀតខួរក្បាលបញ្ចេញអ័រម៉ូនស្ត្រេសដែលបង្កឱ្យមានជំងឺឈឺក្បាលប្រកាំងនៅពេលដែលទម្លាប់ទទួលទានមិនទៀងទាត់ ពន្យារពេលទទួលទានអាហារ ឬមិនទទួលទានអាហារសោះ។ ពីការសិក្សាមួយចំនួន ពាក់កណ្តាលនៃអ្នកចូលរួមធ្វើតេ្តសមានការឈឺក្បាលប្រកាំងបន្ទាប់ពីការតមអាហារ 16 ម៉ោង។
សម្រាប់ព័ត៌មានបន្ថែមអំពីការប្រើថ្នាំប៉ារ៉ាសេតាមុល សូមចូល និងតាមដានទំព័រហ្វេសប៊ុករបស់យើងនៅទីនេះ។ ដោយសហការ
ចែករំលែកព័តមាននេះ