យោងតាមការចុះផ្សាយពីប្រភពបរទេស ទឹកសណ្តែកខ្មៅគឺជាភេសជ្ជៈដ៏សាមញ្ញដែលមានសមត្ថភាពអស្ចារ្យក្នុងការការពារជំងឺដាច់សរសៃឈាមខួរក្បាល និងជំងឺបេះដូង តាមរយៈសារធាតុប្រឆាំងអុកស៊ីតកម្មដែលជួយបន្សាបជាតិពុល និងរារាំងជាតិខ្លាញ់អាក្រក់មិនឱ្យកកស្ទះក្នុងសរសៃឈាម។
ដើម្បីទទួលបានអត្ថប្រយោជន៍ខ្ពស់បំផុត អ្នកគួរយកគ្រាប់សណ្តែកខ្មៅលាងឱ្យស្អាត រួចលីងឱ្យឈ្ងុយលើភ្លើងតិចៗដើម្បីកាត់បន្ថយជាតិត្រជាក់ពីធម្មជាតិ បន្ទាប់មកដាំសណ្តែក ១០០ ក្រាមជាមួយទឹក ១ លីត្រឱ្យពុះរយៈពេល ១០ នាទី និងផ្អាប់ទុក ១៥ នាទីទៀតឱ្យសារធាតុចិញ្ចឹមរលាយចូលទឹកបានល្អ។
ចំពោះការទទួលទានឱ្យត្រូវតាមបច្ចេកទេសសុខភាព អ្នកគួរញ៉ាំក្នុងបរិមាណសមល្មមត្រឹម ២ ទៅ ៣ កែវក្នុងមួយសប្តាហ៍នៅពេលទឹកនៅក្តៅឧណ្ហៗ ដើម្បីឱ្យរាងកាយងាយស្រូបយកសារធាតុចិញ្ចឹមបានលឿន និងបង្កើនប្រសិទ្ធភាពរំលាយអាហារ។ ចំណុចសំខាន់បំផុតដែលមិនគួររំលងគឺការហាមបន្ថែមជាតិស្ករដាច់ខាត ព្រោះវាអាចបំផ្លាញប្រសិទ្ធភាពនៃភេសជ្ជៈ និងបង្កហានិភ័យដល់កម្រិតស្ករក្នុងឈាម ខណៈការអនុវត្តតាមវិធីសាស្ត្រធម្មជាតិនេះគឺជាគ្រឹះដ៏រឹងមាំក្នុងការការពារប្រព័ន្ធសរសៃឈាមបេះដូង និងខួរក្បាលឱ្យមានសុខភាពល្អយូរអង្វែង៕
ចែករំលែកព័តមាននេះ