ក្រសួងការពារជាតិ និងអ.ស.ប បំពាក់មេដាយដល់កងកម្លាំងមួកខៀវកម្ពុជា១៨៤នាក់
- ភ្នំពេញ
រាជធានីភ្នំពេញ ៖ នាព្រឹកថ្ងៃទី២១ ខែមីនា ឆ្នាំ២០១៩ នៅវិមានមិត្តភាពទីស្តីការគណៈរដ្ឋមន្ត្រី សម្តេចពិជ័យសេនា ទៀ បាញ់ ឧបនាយករដ្ឋមន្ត្រី…
រាជធានីភ្នំពេញ ៖ នាព្រឹកថ្ងៃទី២១ ខែមីនា ឆ្នាំ២០១៩ នៅវិមានមិត្តភាពទីស្តីការគណៈរដ្ឋមន្ត្រី សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ តំណាងដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវ ប៉ូលីន តាមេស៊ីស (Pauline Timesis) តំណាងអ្នកសម្របសម្រួលអង្គការសហប្រជាជាតិប្រចាំនៅព្រះរាជាណាក្រកម្ពុជា បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីទទួលដំណើរមាតុភូមិនិវត្តន៏ របស់កងវិស្វកម្មលេខ៩៦៣ ពីសាធារណរដ្ឋលីបង់ ។
សូមបញ្ជាក់ថា ពិធីនេះត្រូវបានរៀបចំឡើងជាកិច្ចស្វាគមន៍ និងអបអរសាទរចំពោះ ការវិលត្រឡប់វិញរបស់កងវិស្វកម្មលេខ៩៦៣ ចំនួន១៨៤នាក់ ក្នុងនោះរួមទាំងនារី១៣នាក់ផងដែរ បន្ទាប់ពីបានសម្រេចភារកិច្ច ក្នុងការបំពេញ បេសកកម្មរក្សាសន្តិភាពរបស់អង្គការសហប្រជាជាតិ (អ.ស.ប) អាណត្តិមួយឆ្នាំ នៅសាធារណរដ្ឋលីបង់ និងបានធ្វើមាតុភូមិនិវត្តន៍មកដល់ព្រះរាជាណាចក្រកម្ពុជាវិញ ដោយសុវត្ថិភាព កាលពីថ្ងៃទី២៩ ខែមករា ឆ្នាំ២០១៩កន្លងទៅ និងមានពិធីបំពាក់មេដាយផងដែរ ៕
ចែករំលែកព័តមាននេះ