រាជធានីភ្នំពេញ ៖ ស្ត្រីចំណាស់ម្នាក់ស្លាប់ភ្លាមៗនៅនឹងកន្លែងយ៉ាងអាណោចអាធមុ្ម ខណៈដែលកំពុងដើរហាត់ប្រាណតាមផ្លូវត្រូវបានម៉ូតូកង់បីឥណ្ឌាបើកមកបុកពីក្រោយ ហើយម៉ូតូបង្កបើករត់គេចទៅបាត់បន្សល់ទុកសពនៅកន្លែងផ្អើលប្រជាពលរដ្ឋ សមត្ថកិច្ច កាលពីវេលាម៉ោង៥និង១០នាទីព្រឹកថ្ងៃទី២១ ខែមីនា ឆ្នាំ២០១៩ នៅតាមបណ្ដោយផ្លូវបេតុង…
រាជធានីភ្នំពេញ ៖ ស្ត្រីចំណាស់ម្នាក់ស្លាប់ភ្លាមៗនៅនឹងកន្លែងយ៉ាងអាណោចអាធមុ្ម ខណៈដែលកំពុងដើរហាត់ប្រាណតាមផ្លូវត្រូវបានម៉ូតូកង់បីឥណ្ឌាបើកមកបុកពីក្រោយ ហើយម៉ូតូបង្កបើករត់គេចទៅបាត់បន្សល់ទុកសពនៅកន្លែងផ្អើលប្រជាពលរដ្ឋ សមត្ថកិច្ច កាលពីវេលាម៉ោង៥និង១០នាទីព្រឹកថ្ងៃទី២១ ខែមីនា ឆ្នាំ២០១៩ នៅតាមបណ្ដោយផ្លូវបេតុង ភូមិចំការឪឡឹក១ សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ ។
សពស្ត្រីរងគ្រោះក្រោយពីសមត្ថកិច្ចស្រាវជ្រាវភ្លាមៗត្រូវបានស្គាល់អត្តសញ្ញាណមានឈ្មោះ យ៉ែម សារី ហៅអូន អាយុ៦១ឆ្នាំ មុខរបរនៅផ្ទះ ស្នាក់នៅជាមួយកូននៅភូមិចំការឪឡឹក២ ខណ្ឌសង្កាត់កាកាបទី២ ខណ្ឌពោធិ៍សែនជ័យ ជួលស្នាក់នៅជាមួយកូនម្នាក់ទៀត នៅភូមិត្រពាំងត្នោត ឃុំម្កាក់ ស្រុកអង្គស្នួល ខេត្តកណ្តាល មានស្រុកកំណើតនៅស្រុកមុខកំពូល ខេត្តកណ្ដាល ។
តាមសម្តីក្រុមគ្រួសារបានឲ្យដឹងថា ស្ត្រីរងគ្រោះជួលស្នាក់នៅជាមួយកូននៅស្រុកអង្គស្នួល ជួនមកស្នាក់នៅជាមួកូននៅក្នុងភូមិចំការឪឡឹក២ សង្កាត់កាកាប២ ហើយជនរងគ្រោះ បន្ទាប់ពីមកស្នាក់នៅជាមួយកូននៅទីនេះជួយមើលថែចៅៗជារៀងរាល់ព្រឹក តែងតែដើរហាត់ប្រាណ ហើយនៅព្រឹកថ្ងៃកើតហេតុនេះជនរងគ្រោះ ដើរហាត់ប្រាណតាមផ្លូវដូចសព្វដង ស្រាប់តែជួបគ្រោះថ្នាក់បែបនេះតែម្តង ។
បើតាមប្រជាពលដ្ឋរស់នៅក្បែរកន្លែងកើតហេតុបានឲ្យដឹងថា មុនកើតហេតុជនរងគ្រោះ ដើរហាត់ប្រាណតាមផ្លូវបេតុងខាងលើ ពីជើងទៅត្បូងអស់មួយសន្ទុះ ក៏បានដើរវិលត្រឡប់មកវិញក្នុងទិសដៅពីត្បូងទៅជើង ហើយឆ្លៀតចូលទិញនំឆាខ្វៃចំនួន២គូរ កាន់នៅដៃផងលុះដើរដល់ចំណុចកើតហេតុ ស្រាប់តែមានម៉ូតូកង់បីឥណ្ឌា ពណ៌ស មួយគ្រឿង បើកពីត្បូងទៅជើងស្របទិសបុកពីក្រោយផ្លោងរមៀលជនរងគ្រោះ បោកស្លាប់ភ្លាមៗនៅកន្លែង ហើយម៉ូតូបង្កបន្ថែមល្បឿន បើករត់ទៅទិសខាងជើង បាត់ស្រមោល។
ក្រោយកើតហេតុបន្ទាប់ពីស្លាប់ស្ត្រីខាងលើហើយ សមត្ថកិច្ចចុះទៅពិនិត្យដល់កន្លែង ទើបរកអត្តសញ្ញាណក្រុមគ្រួសារ ឃើញជាពលរដ្ឋស្នាក់នៅកន្លែងកើតហេតុ ហើយភាគីបង្កបានគេចខ្លួនបាត់ សពស្ត្រីរងគ្រោះត្រូវបានសមត្ថកិច្ច ប្រគល់ជូនក្រុមគ្រួសារចាត់ចែងដឹកយកទៅធ្វើបុណ្យតាមប្រពៃណីឯស្រុកកំណើត ៕
ចែករំលែកព័តមាននេះ