រាជធានីភ្នំពេញ ៖ សមត្ថកិច្ចខណ្ឌចំការមនបានឆ្មក់ចូលបង្ក្រាបទីតាំងកន្លែងហ្គេមបាញ់ត្រីមួយកន្លែង ឃាត់ខ្លួនបានជនសង្ស័យចំនួន៨នាក់ ក្នុងនោះមានមេការប្រុសស្រីចំនួន២នាក់ កាលពីវេលាម៉ោង១និង៣០នាទីរំលងអធ្រាត្រឈានចូលថ្ងៃទី១៦ ខែមិនា ឆ្នាំ២០១៩ នៅទីតាំងហ្គេមបាញ់នៅមួយកន្លែងនៅផ្លូវ៩៧ សង្កាត់ផ្សារដើមថ្កូវ…
រាជធានីភ្នំពេញ ៖ សមត្ថកិច្ចខណ្ឌចំការមនបានឆ្មក់ចូលបង្ក្រាបទីតាំងកន្លែងហ្គេមបាញ់ត្រីមួយកន្លែង ឃាត់ខ្លួនបានជនសង្ស័យចំនួន៨នាក់ ក្នុងនោះមានមេការប្រុសស្រីចំនួន២នាក់ កាលពីវេលាម៉ោង១និង៣០នាទីរំលងអធ្រាត្រឈានចូលថ្ងៃទី១៦ ខែមិនា ឆ្នាំ២០១៩ នៅទីតាំងហ្គេមបាញ់នៅមួយកន្លែងនៅផ្លូវ៩៧ សង្កាត់ផ្សារដើមថ្កូវ ខណ្ឌចំការមន ។
តាមប្រភពពីសមត្ថកិច្ចបានអោយដឹងថា មុនពេលឈានទៅដល់ការបង្ក្រាបទីតាំងខាងលើ គឺកម្លាំងសមត្ថកិច្ចប៉ុស្តិ៍នគរបាលផ្សារដើមថ្កូវបានធ្វើការល្បាតក្នុងមូលដ្ឋាន ដើម្បីទប់ស្កាត់បទល្មើសផ្សេងក្នុងមូលដ្ឋាន លុះមកដល់ចំណុចខាងលើ ក៏បានប្រទះឃើញក្រុមក្មេងស្ទាវចេញចូលពពាក់ពពូនគ្នានៅចំណុចខាងលើ ដោយមានការសង្ស័យ កម្លាំងសមត្ថកិច្ចបានចូលមើលក៍ឃើញមានការពពាក់ពពួននាំគ្នាលេងល្បែងស៊ីសងហ្គេមបាញ់ត្រី ពេលនោះសមត្ថកិច្ចមូលដ្ឋានបានសហការជាមួយកម្លាំងខណ្ឌចំការមនបានចុះធ្វើការឃាត់ខ្លួនមនុស្សចំនួន៨នាក់ ក្នុងនោះមានមេការប្រុសស្រីចំនួន២នាក់ ព្រមទាំងដកហូតម៉ូតូចំនួន៣គ្រឿងផងដែរ ។
ក្រោយពេលកើតហេតុ ជនសង្ស័យទាំង៨នាក់ខាងលើ ព្រមទាំងម៉ូតូចំនួន៣គ្រឿង ត្រូវបានសមត្ថកិច្ចនាំយកទៅសាកសួរនៅអធិការដ្ឋានខណ្ឌចំការមន ចំណែកទីតាំងខាងលើ ត្រូវបានសមត្ថកិច្ចបិទទ្វារជាបណ្តោះអាសន្នសិន តែមិនទាន់យកទូហ្គេមបាញ់ត្រីចេញនោះទេ ៕
ចែករំលែកព័តមាននេះ