ប្រទេសបង់ក្លាដែស ះ ប្រទេសបង់ក្លាដែសនឹងចាប់ផ្ដើមផ្ទេរក្នុងខែមេសាខាងមុខនេះ ជនភៀសខ្លួនអ៊ិស្លាមរ៉ូហុីងយ៉ា ច្រើនសិបពាន់នាក់ ពីជំរំជនភៀសខ្លួនដែលមានមនុស្ស ច្រើនណែនណាន់់តាន់តាប់នៅជិតព្រំដែនមីយ៉ាន់ម៉ា ឆ្ពោះទៅកាន់កោះដាច់ស្រយាលមួយ ក្នុងឈូងសមុទ្របឹងហ្គាល់គឹកោះ BHASAN CHAR ដែលឈ្មោះនេះមានន័យថាកោះបណ្ដែតទឹក។
នេះជាការអះអាងកាលពីថ្ងៃទី១៣មីនា របស់អ្នកទទួលខុសត្រូវម្នាក់នៃរដ្ឋាភិបាលបង់ក្លាដែសនៅក្រុងដាក់កា។ គម្រោងនោះពិតជាចំរូងចម្រាស់ខ្លាំងណាស់។
បណ្ដាជម្រកនិងហេដ្ឋារចនាសម្ព័ន្ធនានា ត្រូវបានកសាងនៅលើកោះនេះ ក្នុងគោលបំណងយកជនភៀសខ្លួនរ៉ូហីុងយ៉ាចំនួន១០០.០០០នាក់ទៅដាក់នៅទីនោះ។ បង់ក្លាដែសលើកពីគម្រោងនោះចាប់តាំងពីច្រើនឆ្នាំមកហើយ ប៉ុន្តែនៅពុំទាន់អាចអនុវត្តបាន។ គម្រោងនោះពុំត្រូវបានសហគមន៍ជនភៀសខ្លួនរ៉ូហីុងយ៉ា ស្វាគមន៍ឡើយ។ ពួកគេបានរិះគន់ហើយនិយាយថាមានការបារម្ភទាក់ទិននឹងសមត្ថភាពទទួលរបស់កោះនេះ ពិសេសបារម្ភចំពោះបណ្ដាខ្យល់ព្យុះសាហាវៗក្នុងរដូវភ្លៀង៕
ចែករំលែកព័តមាននេះ