ទីក្រុងញូយ៉ក៖ យន្តហោះរបស់ក្រុមហ៊ុនអាកាសចរណ៍អ៊ែរកាណាដា (Air Canada) បានបើកទៅបុករថយន្តមួយគ្រឿងដែលចតនៅស្ងៀមបណ្ដាលឱ្យស្លាប់មនុស្ស២នាក់ ម្នាក់ជាអាកាសយានិក និងម្នាក់ទៀតជាអាកាសយានិករង។ ហេតុការណ៍នេះកើតឡើងនៅអាកាសយានដ្ឋានអន្តរជាតិឡាហ្កាឌា (LaGuarida) នៃទីក្រុងញូយ៉ក…
ទីក្រុងញូយ៉ក៖ យន្តហោះរបស់ក្រុមហ៊ុនអាកាសចរណ៍អ៊ែរកាណាដា (Air Canada) បានបើកទៅបុករថយន្តមួយគ្រឿងដែលចតនៅស្ងៀមបណ្ដាលឱ្យស្លាប់មនុស្ស២នាក់ ម្នាក់ជាអាកាសយានិក និងម្នាក់ទៀតជាអាកាសយានិករង។ ហេតុការណ៍នេះកើតឡើងនៅអាកាសយានដ្ឋានអន្តរជាតិឡាហ្កាឌា (LaGuarida) នៃទីក្រុងញូយ៉ក ប្រទេសអាមេរិក។ យន្តហោះនោះចាកចេញដំណើរទីក្រុងម៉ុងរ៉េអាល់ (Montreal) ប្រទេសកាណាដា និងបានទៅដល់ញូយ៉កនៅវេលាម៉ោង១១:៤០យប់។
គ្រាន់តែទៅដល់ភ្លាម យន្តហោះក៏រត់ទៅបុករថយន្តសង្គ្រោះបន្ទាន់មួយគ្រៀងដែលចតនៅលើផ្លូវសម្រាប់យន្តហោះឡើង-ចុះ។ ប្រភពជាច្រើនបានប្រាប់ទូរទស្សន៍អឹនប៊ីស៊ី (NBC) ថាអាកាសយានិកទាំង២នាក់ស្លាប់នៅក្នុងហេតុការណ៍នោះ ខណៈដែលមនុស្សជាច្រើននាក់ទៀតរងរបួស។ មុនពេលកើតហេតុ រថយន្តកំពុងចេញប្រតិបត្តិការជួយសង្គ្រោះមនុស្សដែលជួបប្រទះនឹងឧបទ្ទវហេតុដាច់ដោយឡែកមួយទៀត។
នេះបើតាមការបញ្ជាក់របស់អ្នកនាំពាក្យអាកាសយានដ្ឋានកើតហេតុខាងលើ។ គេឃើញយន្តហោះចតនៅស្ងៀមក្រោយហេតុការណ៍នោះ និងឃើញផ្នែកខាងមុខរបស់យន្តហោះកំពិតកំពៀវយ៉ាងធ្ងន់ធ្ងរ។ «អាជ្ញាធរជាតិខាងសុវត្ថិភាពក្នុងការដឹកជញ្ជូន» ចាប់ផ្ដើមបើកការស៊ើបអង្កេតទៅលើសំណុំរឿងនេះហើយ។ ព្រលានយន្តហោះខាងលើបានចេញសេចក្ដីព្រមានថាអាចនឹងមានបញ្ហារអាក់រអួលដោយសារអាកាសធាតុមិនអំណោយផលព្រោះទីក្រុងញូយ៉កមានភ្លៀងធ្លាក់ខ្លាំងខ្លាំង។
គួរកត់សម្គាល់ថាឧបទ្ទវហេតុខាងលើនេះកើតឡើងចំពេលដែលអាកាសយានដ្ឋាននានាកំពុងប្រឈមនឹងសម្ពាធកាន់តែខ្លាំងឡើងៗដោយសារក្រសួងសន្តិសុខមាតុភូមិកំពុងតែកកស្ទះថវិកា។ ព្រលានយន្តហោះឡាហ្កាឌា (LaGuardia) ដែលជួបប្រទះនឹងឧបទ្ទវហេតុនេះក៏កំពុងទទួលរងសម្ពាធខ្លាំងដូចគ្នា។ បុគ្គលិកត្រូវតែធ្វើការអត់ប្រាក់ឈ្នួលជាបណ្ដោះអាសន្ន។ អ្នកដំណើរត្រូវតម្រង់ជួរគ្នាយ៉ាងវែងអន្លាយដើម្បីឆ្លងកាត់ការត្រួតពិនិត្យ៕ ប្រភព៖ ដេលីមែល (Daily Mail) និងប្រភពដទៃទៀត
ចែករំលែកព័តមាននេះ