សហរដ្ឋអាមេរិក ះ ព្រឹទ្ធសភាអាមេរិកត្រួតត្រាដោយពួកអ្នកសាធារណរដ្ឋ កាលពីថ្ងៃទី១៣មីនា បានអនុម័តសេចក្ដីសម្រេចមួយដែលស្នើឲ្យប្រធានាធិបតីបញ្ឈប់រាល់ការជួយទ្រទ្រង់ខាងយោធា របស់សហរដ្ឋអាមេរិកដល់ក្រុមចម្រុះអារ៉ាប់ នាំមុខដោយអារ៉ាប៊ីសាអូឌីត ក្នុងសង្គ្រាមនៅយេម៉ែន លើកលែងតែក្នុងករណី មានការអនុញ្ញាតជាផ្លូវការរបស់សភា។ សេចក្ដីសម្រេចនោះអនុម័តដោយ៥៤សំឡេង…
សហរដ្ឋអាមេរិក ះ ព្រឹទ្ធសភាអាមេរិកត្រួតត្រាដោយពួកអ្នកសាធារណរដ្ឋ កាលពីថ្ងៃទី១៣មីនា បានអនុម័តសេចក្ដីសម្រេចមួយដែលស្នើឲ្យប្រធានាធិបតីបញ្ឈប់រាល់ការជួយទ្រទ្រង់ខាងយោធា របស់សហរដ្ឋអាមេរិកដល់ក្រុមចម្រុះអារ៉ាប់ នាំមុខដោយអារ៉ាប៊ីសាអូឌីត ក្នុងសង្គ្រាមនៅយេម៉ែន លើកលែងតែក្នុងករណី មានការអនុញ្ញាតជាផ្លូវការរបស់សភា។
សេចក្ដីសម្រេចនោះអនុម័តដោយ៥៤សំឡេង ទល់នឹង៤៦សំឡេងប្រឆាំង ជាមួយការជួយគាំទ្រពីសំណាក់ព្រឹទ្ធសមាជិកជាអ្នកសាធារណរដ្ឋ៧នាក់។ សេចក្ដីសម្រេចត្រូវដាក់ឲ្យសភាអនុម័តទៀត។ សភាត្រួតត្រាដោយពួកអ្នកប្រជាធិបតេយ្យពិតជាអនុម័ត។ ទោះបីយ៉ាងណាសេតវិមានដែលប្រកាសប្រឆាំងយ៉ាងមឺុងម៉ាត់ ចំពោះសេចក្ដីសម្រេចនោះគូសបញ្ជាក់ថា ប្រធានាធិបតីនឹងប្រើវេតូជំទាស់។ តែបើបែបនេះវានឹងជាការអាម៉ាស់មួយសម្រាប់ប្រធានាធិបតី ជាអ្នកសាធារណរដ្ឋបង្ខំចិត្តប្រើវេតូប្រធានាធិបតី ខណៈពួកអ្នកសាធារណរដ្ឋគ្រប់គ្រងព្រឹទ្ធសភា។
ជាមួយសេចក្ដីសម្រេចចិត្តនោះស្ដីពីយេម៉ែន សភាទាមទារឲ្យប្រធានាធិបតី ដកកងទាហានអាមេរិក ដែលជួយជ្រោមជ្រែងដល់សង្គ្រាមនៅយេម៉ែន លើកលែងតែប្រតិបត្តិការនានាដែលសំដៅប្រឆាំងពួកអាល់កៃដា និងពួកអ្នករួមដៃ ៣០ថ្ងៃក្រោយការអនុម័តគម្រោងច្បាប់នោះ។ គម្រោងច្បាប់ក៏គ្រោងដែរថាប្រធានាធិបតីអាចស្នើពន្យារកាលបរិច្ឆេទនេះដែលសភាត្រូវអនុម័ត។ សភាដែលពួកអ្នកប្រជាធិបតេយ្យមានសំឡេងភាគច្រើន នឹងជាអ្នកអនុម័តជាស្ថាពរ។ សភាបានអនុម័តរួចហើយគម្រោងច្បាប់មួយប្រហាក់ប្រហែលគ្នានោះដែរ កាលពីថ្ងៃទី១៣កុម្ភៈដោយ២៤៨សំឡេងគាំទ្រ និង១៧៧សំឡេងប្រឆាំង៕
ចែករំលែកព័តមាននេះ