ភាពជ្រីវជ្រួញលើផ្ទៃមុខជាផ្នែកមួយដែលមនុស្សគ្រប់រូបមិនអាចចៀសផុតបាននៅពេលឈានចូលដល់វ័យចាស់ ។ ទោះជាដូច្នេះក្តី មនុស្សមួយភាគធំក្នុងសម័យបច្ចុប្បន្នបានជួបប្រទះភាពជ្រីវជ្រួញបែបនេះតាំងពីឈានចូលដល់វ័យកណ្តាលមកម្ល៉េះ ។ ខាងក្រោមនេះជាមធ្យោបាយមួយចំនួនដែលប្រហែលជាអាចជួយកាត់បន្ថយកង្វល់របស់លោកអ្នកបាន ៖
ភាពជ្រីវជ្រួញលើផ្ទៃមុខជាផ្នែកមួយដែលមនុស្សគ្រប់រូបមិនអាចចៀសផុតបាននៅពេលឈានចូលដល់វ័យចាស់ ។ ទោះជាដូច្នេះក្តី មនុស្សមួយភាគធំក្នុងសម័យបច្ចុប្បន្នបានជួបប្រទះភាពជ្រីវជ្រួញបែបនេះតាំងពីឈានចូលដល់វ័យកណ្តាលមកម្ល៉េះ ។ ខាងក្រោមនេះជាមធ្យោបាយមួយចំនួនដែលប្រហែលជាអាចជួយកាត់បន្ថយកង្វល់របស់លោកអ្នកបាន ៖
១- បន្ថែមការទទួលទានត្រីឱ្យបានច្រើន ៖
ជាពិសេសត្រីសូម៉ុងជាប្រភពដែលសម្បូរប្រូតេអុីន និងអាស៊ីដខ្លាញ់អូមេហ្គា-៣ ។ បណ្តាអ្នកជំនាញនិយាយថា អាស៊ីដខ្លាញ់អូមេហ្គា-៣មាននាទីសំខាន់បំផុតជួយចិញ្ចឹមស្បែកឱ្យមើលទៅភ្លឺថ្លា ក្មេងជាងវ័យ កាត់បន្ថយបាននូវភាពជ្រីវជ្រួញ ។
២- ប្រើប្រាស់ឡេលាបមុខប្រភេទ alpha-hydroxy acids( AHAS) ៈ
AHASមានសមត្ថភាពភាពលាងជម្រះចោលនូវស្រទាប់ខាងលើនៃកោសិកាស្បែកដែលងាប់ កាត់បន្ថយការលេចចេញស្នាមរន្ធញើស ស្នាមជ្រួញនានា ជាពិសេសនៅបរិវេណក្រោមភ្នែកនិងកន្ទុយភ្នែក ប៉ុន្តែត្រូវចងចាំថា ប្រើប្រភេទឡេ AHASនេះ អាចនាំឱ្យស្បែកងាយនឹងជាំខ្មៅពេលត្រូវពន្លឺថ្ងៃ ។ ដូច្នេះសូមប្រើប្រាស់ក្រេមការពារកម្ដៅថ្ងៃឱ្យបានច្រើនរៀងរាល់
ថ្ងៃ ។
៣- មិនត្រូវលុបលាងមុខច្រើនដងពេកទេ ៈ
ទឹកម៉ាស៊ីនមានសារធាតុមួយប្រភេទអាចលាងជម្រះសំណើមនិងប្រេងធម្មជាតិរបស់ស្បែកដែលមានតួនាទីប្រឆាំងនឹងភាពជ្រីវជ្រួញ ។ លុបលាងមុខញឹកញាប់មានន័យថា លាងវត្ថុការពាររបស់ស្បែកមុខ ។ ចូរប្រើប្រាស់ក្រេមការពារស្បែកមុខនៅពេលលុបលាងម្តងៗ ។
៤- ប្រើប្រាស់ផលិតផលថែរក្សាស្បែកមានផ្ទុកវីតាមីន C ៈ
ការសិក្សាមួយចំនួនបានរកឃើញថា ក្រេមដែលមានផ្ទុកវីតាមីន Cអាចជួយបង្កើនផលិតកម្មប្រូតេអុីនការពារស្បែកពីការបំផ្លាញដោយកាំរស្មី UVA/UVB ឈ្មោះ Collagen ។ ប្រភេទផលិតផលល្អបំផុតសម្រាប់ថែរក្សាស្បែកមិនឱ្យជ្រីវជ្រួញនិងមានផ្ទុកវីតាមីន Cគឺប្រភេទក្រេមដែលមានផ្ទុកសារធាតុ L-ascorbic acid។
៥- អនុវត្តវិធានការមួយចំនួនដូចជា ៈ
– ចៀសវាងត្រូវកម្ដៅថ្ងៃខ្លាំង
– ឡេការពារស្បែកពីកម្ដៅថ្ងៃ
– ពាក់ស្បៃការពារកម្ដៅថ្ងៃ
– កុំជក់បារី
– ប្រើប្រភេទក្រេមជួយឱ្យស្បែកមានសំណើម ៕
ចែករំលែកព័តមាននេះ