ខេត្តព្រះសីហនុ ៖ នៅព្រឹកថ្ងៃទី០៥ មីនានេះ នៅអធិការដ្ឋាននគរបាលស្រុកព្រៃនប់មានរៀបចំប្រជុំពង្រឹងកម្លាំងតាមបណ្តាប៉ុស្តិ៍រដ្ឋបាលទាំង១៥ក្នុងស្រុកព្រៃនប់ និងកម្លាំងជំនាញគ្រប់ផ្នែកក្នុងអធិការដ្ឋាន ដើម្បីកិច្ចការកាពារសន្តិសុខសណ្តាប់ធ្នាប់ជូនពលរដ្ឋក្នុងមូលដ្ឋាន ក្រោមការចូលរួមពីលោកវរសេនីយទោរ ហួ យ៉ៃ អធិការនគរបាលស្រុកព្រៃនប់ ។
នៅក្នុងឱកាសនោះក្រៅពីការពង្រឹងវិន័យកងកម្លាំងនគរបាលលោកអធិការក៏បានផ្តល់ជូនសម្ភារប្រើប្រាស់ដល់កងកម្លាំងក្នុងនោះ ឈុតសម្លៀកបំពាក់ជូនកម្លាំងអន្តរាគមន៍ ២២នាក់ក្នុងម្នាក់ៗទទួលបាន២សម្រាប់ ភ្លើងសញ្ញាចរាចរណ៍ប្រើសម្រាប់បំពាក់ដល់កម្លាំងចុះធ្វើសណ្តាប់ធ្នាប់ចរាចរណ៍ពេលយប់ជូនដល់ទាំង១៥ប៉ុស្តិ៍ក្នុង១ប៉ុស្តិ៍ៗទទួលបានចំនួន៣ ។
ឧបត្ថម្ភដល់ប្រជាកាពារឃុំទឹកល្អកចំនួន១២នាក់ ក្នុងម្នាក់ៗទទួលបានសម្លៀកបំពាក់ប្រជាកាពារចំនួន២សម្រាប់ និងវិទ្យុទាក់ទងចំនួន ។ នៅក្នុងឱកាសនោះដែរ ដើម្បីអបអរសាទរទិវាអន្តរជាតិ៨មីនា លោកអធិការក៏បានជូនកាដូរដល់កម្លាំងនគរបាលជានារីៗចំនួន៩នាក់ ក្នុងម្នាក់ទួលបានកាដូ១ និងថវិកា១០ម៉ឺនរៀល ហើយជាមួយគ្នានោះនាយប៉ុស្តិ៍ទាំង១៥ក៏បានជូនកាដូដល់នាទីទាំង៩នាក់នោះបន្ថែមទៀត ក្នុងបរិយាកាសសប្បាយរីករាយ និងស្និតស្នាល ៕
ចែករំលែកព័តមាននេះ