ខេត្តបាត់ដំបង៖ ពង្រឹងបន្ថែមផែនការប្រចាំខែផ្គត់ផ្គងស្បៀងអាហារ ត្រីសាច់ គ្រប់ប្រភេទ និងគ្រឿងទេស ដល់កងកម្លាំងទ័ពគ្រប់បណ្តាអង្គភាពទាំង២៣អង្គភាព មានខេត្តពោធិ៍សាត់បាត់ដំបង បន្ទាយមានជ័យ និងប៉ៃលិន បណ្តាកងពលចំណុះឲ្យយោធភូមិភាគទី៥បានប្រជុំត្រៀមបន្តទិសដៅឆ្នាំ២០១៩នេះ ជាបន្តទៅទៀត ក្រោមអធិបតីលោកឧត្តមសេនីយ៍ទោខាត់ ជន់ មេបញ្ជាការរងយោធភូមិភាគទី៥ ដោយមានការចូលរួមពីលោកឧត្តមសេនីយ៍ទោ អ៊ុង សុវណ្ណ នាយករង នាយកដ្ឋានផ្គត់ផ្គងស្បៀងក្រសួងការពារជាតិ ប្រចាំតំបន់១នៅក្នុងសាលប្រជុំ របស់យោធភូមិភាគទី៥ វេលាព្រឹកថ្ងៃទី២៦ ខែកុម្ភៈ ឆ្នាំ២០១៩ដោយមានសមាសភាពចូលរួមគ្រប់បណ្តាអង្គភាពចំនួន៥៥នាក់ ។
លោកឧត្តមសេនីយ៍ត្រីដួង សុខ សារិន នាយការិយាល័យទី៤ បានមានមតិស្វាគមន៍ និងរាយការណ៍អំពីការផ្គត់ផ្គង់កន្លងមកគឺធានាបានទាំងការហូបចុក ជម្រកស្នាក់នៅ ផ្ទះបាយសម្លៀកបំពាក់ ព្រមទាំងគ្រឿងបរិក្ខាទ័ពផ្សេងៗទៀត ដែលអាចឲ្យកម្លាំងទ័ពយើងមានសុខភាពនិងគុណភាពបានយ៉ាងល្អប្រសើរ ។
បន្ទាប់ពីគ្រប់តាមបណ្តាអង្គភាពទាំង២៣បានរាយការណ៍បន្ថែម លើកឡើងពីចំណុចខ្វះខាត និងចំណុចទទួលយកបានគ្រប់អង្គភាពរួចមកលោកឧត្តមសេនីយ៍ទោ អ៊ុង សុវណ្ណ នាយករង នាយកដ្ឋានផ្គត់ផ្គង់ស្បៀងក្រសួងការពារជាតិបានបញ្ជាក់ថា ក្រសួងការពារជាតិបានទំនុកបំរុងត្រៀមជាបន្តទៅទៀតសម្រាប់ពេលខាងមុខដោយបូកផ្សំ និងថវិកា របស់សម្តេចតេជោ ហ៊ុន សែន នាយករដ្ឋមន្ត្រីតែងតែជួយបន្ថែមទៀតលើការងារចិញ្ចឹមទ័ពកន្លងមកនេះ ហើយបានតាមដានជាប្រចាំក្នុងផ្នែកជីវភាពជម្រករស់នៅប្រចាំថ្ងៃ និងការថែទាំសុខភាព មិនឲ្យកម្លាំងទ័ពជួបការលំបាកឡើយ ៕
ចែករំលែកព័តមាននេះ