រាជធានីភ្នំពេញ ៖ នគរបាលការិយាល័យព្រហ្មទណ្ឌកម្រិតស្រាលរាជធានីភ្នំពេញ បានបញ្ជូនខ្លួនប្រធានក្រុមហ៊ុន និងប្រធានទីផ្សារ២នាក់ទៅតុលាការ កាលពីវេលាម៉ោង៣និង៣០នាទីរសៀលថ្ងៃទី៦ កញ្ញា ២០១៣ ដោយជាប់ពាក់ព័ន្ធពីបទឆបោកជាក្រុមមានការចាត់តាំង ។
ការបញ្ជូនខ្លួននេះធ្វើឡើង តាមដីកាកោះរបស់លោកខៀវ ផល្លា ព្រះរាជអាជ្ញារង តំណាងអយ្យការសាលាដំបូងរាជធានី និងយោងលើពាក្យបណ្តឹងរបស់លោកថាន ថាវរៈ មេធាវីតំណាងឱ្យអាណត្តិរបស់ក្រសួងការងារ និងបណ្តុះបណ្តាលវិជ្ជាជីវៈ ។
ជនជាប់ចោទទាំង២នាក់ម្នាក់ឈ្មោះអ៊ួន សារ៉ាត់ ភេទប្រុស អាយុ៣០ឆ្នាំ ជាប្រធានក្រុមហ៊ុនយូខេនវិនគ្រុប ដែលមានស្នាក់ការផ្ទះលេខ១៦បេ ផ្លូវលេខ២៣០ សង្កាត់ទឹកល្អក់៣ ខណ្ឌទួលគោក និងម្នាក់ទៀតឈ្មោះគឹម សុផាត ភេទប្រុស អាយុ២៩ឆ្នាំ ជាប្រធានផ្នែកទីផ្សារ ៕
ចែករំលែកព័តមាននេះ