ខេត្តតាកែវ ៖ បុរសម្នាក់បានស្លាប់ភ្លាមៗនៅនឹងកន្លែង ដោយឡែកម្នាក់ទៀតដែលរួមដំណើរខាងក្រោយបានរងរបួសធ្ងន់ ក្រោយពីបើកម៉ូតូទៅបុករថយន្តធុនធំចំពាក់កណ្តាល ខណៈដែលបើកម៉ូតូចេញពីផ្លូវលំចូលផ្លូវជាតិមិនប្រយ័ត្ន ។ ហេតុការណ៍នេះកើតឡើង កាលពីវេលាម៉ោង១៤និង៣០នាទីរសៀល ថ្ងៃទី១៨…
ខេត្តតាកែវ ៖ បុរសម្នាក់បានស្លាប់ភ្លាមៗនៅនឹងកន្លែង ដោយឡែកម្នាក់ទៀតដែលរួមដំណើរខាងក្រោយបានរងរបួសធ្ងន់ ក្រោយពីបើកម៉ូតូទៅបុករថយន្តធុនធំចំពាក់កណ្តាល ខណៈដែលបើកម៉ូតូចេញពីផ្លូវលំចូលផ្លូវជាតិមិនប្រយ័ត្ន ។
ហេតុការណ៍នេះកើតឡើង កាលពីវេលាម៉ោង១៤និង៣០នាទីរសៀល ថ្ងៃទី១៨ ខែកុម្ភៈ ឆ្នាំ២០១៩ នៅលើផ្លូវជាតិលេខ២ចន្លោះគីឡូម៉ែត្រ៩៤-៩៥ ស្ថិតនៅភូមិប្រាំបីមុំ ឃុំប្រាំបីមុំ ស្រុកទ្រាំង ខេត្តតាកែវ ។ ប៉ូលិសស្រុកទ្រាំងបានអោយដឹងថា ពិតជាមានករណីគ្រោះថ្នាក់ចរាចរណ៍បង្កឡើងដោយម៉ូតូ១គ្រឿងបុក និងរថយន្តប្រាកដមែន ដែលភាគីម៉ូតូបើកបរដោយឈ្មោះ ប្រាក់ ភឿន ភេទប្រុស រស់នៅភូមិ ឃុំកើតហេតុខាងលើ បានស្លាប់នៅកន្លែងកើតហេតុនិងអ្នករួមដំណើរម្នាក់ខាងក្រោយរងរបួសធ្ងន់ ត្រូវបានបញ្ជូនទៅមន្ទីរពេទ្យខេត្តតាកែវ ។
ចុះណែករថយន្តម៉ាកហ៊ីយ៉ាន់ដាយ ពាក់ស្លាកលេខ តាកែវ 3A- 2965 (អ្នកបើកបរគេចខ្លួនបាត់ក្រោយកើតហេតុ) ។ ក្រោយកើតហេតុប៉ូលិសស្រុកទ្រាំងបានចុះវាស់វែងធ្វើកំណត់ហេតុ និងបានយកវត្ថុតាងទាំង២មករក្សាទុកនៅអធិការដ្ឋាននគរបាលស្រុក ដើម្បីកសាងសំណុំរឿងតាមនីតិវិធី ចំណែកសពជនរងគ្រោះដែលស្លាប់បានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី ៕
ចែករំលែកព័តមាននេះ