រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានព្រមានដល់មន្ត្រីទាំងអស់ត្រូវតែខិតខំបម្រើប្រជារាស្ត្រ មិនត្រូវធ្វើជាចៅហ្វាយរបស់រាស្ត្រនោះទេ ។ ថ្លែងក្នុងពិសេសក្នុងកិច្ចប្រជុំបូកសរុបលទ្ធផលការងារឆ្នាំ២០១៨ និងលើកទិសដៅការងារសម្រាប់ឆ្នាំ២០១៩ របស់ «ក្រុមប្រឹក្សាជាតិកម្ពុជា ដើម្បីស្ត្រី» ដែលធ្វើឡើងនៅវិមានសន្តិភាព នាព្រឹកថ្ងៃទី១៨ កុម្ភៈ សម្តេចតេជោបានមានប្រសាសន៍ថា ឥរិយាយបទរបស់មន្ត្រី បើគ្រាន់តែចេះតែពាក់ក្រវាត់ «ក»ដើម្បីគ្រាន់តែចូលធ្វើការ សាលាឃុំ ការិយាល័យនោះមិនកើតទេ ។
សម្តេចយើងជាខ្ញុំរបស់ប្រជាជនមិនមែនជាចៅហ្វាយរបស់រាស្ត្រនោះទេ ។ សម្តេចក៏បានលើកឡើងថា មានមន្ត្រីមួយចំនួនក៏មិនត្រូវបានការពេញចិត្តពីប្រជាជនផងដែរ ដោយសារតែទង្វើ និងអាកប្បកិរិយារបស់ខ្លួន ។ សម្តេចក៏ស្នើដល់មន្ត្រីទាំងអស់ត្រូវខិតខំបម្រើរាស្ត្រឲ្យអស់ពីកម្លាំងកាយចិត្ត ។ សម្តេចយើងជាមន្ត្រីជើងពីរមិនត្រូវធ្វើជាមន្ត្រីជើងដប់ទេ ។ ប៉ុន្តែក៏ត្រូវធ្វើម ន្ត្រីជើងដប់ដែរ ។ ជើងដប់ គឺជើងតុបួនជើងកៅអីបួន និងរបស់មន្ត្រីពីរទៀត គឺគ្រប់ដប់ ។
មន្ត្រីជើងពីរ គឺជាមន្ត្រីដែលចុះតាមមូលដ្ឋានសួរសុខទុក្ខប្រជារាស្ត្រ ដោយមិនត្រូវតែអង្គុយនៅ តែការិយាល័យនោះ ទេ ។ សូមជម្រាបថា កិច្ចប្រជុំប្រចាំឆ្នាំនេះ គឺត្រូវបានរៀបចំឡើង ដើម្បីតាមដាន និងត្រួតពិនិត្យរាល់សកម្មភាពការងារ និងការអនុវត្តរាល់អនុសាសន៍ទាំងឡាយលើការងាររបស់ «ក្រុមប្រឹក្សា ជាតិកម្ពុជាដើម្បីស្ត្រី» ក្នុងការចូលរួមចំណែកជាមួយរាជរដ្ឋាភិបាល ដើម្បីលើកកម្ពស់ សិទ្ធិសេរី ភាពឋានៈតួនាទី ជាពិសេសការចូលរួមដោះស្រាយរាល់ការងារជាអាទិភាពនានារបស់ស្ត្រី ៕
ចែករំលែកព័តមាននេះ