ខេត្តព្រះសីហនុ៖ ករណីស្ត្រី២នាក់ស្លាប់ដោយគ្រោះថ្នាក់ចរាចរណ៍រវាងរថយន្តដឹកទំនិញធុនធំជាមួយម៉ូតូនេះបើតាមរបាយការណ៍ពីនគរបាលអោយដឹងថា ហេតុការណ៍នេះកើតឡើងនៅល្ងាចថ្ងៃទី១៤ ខែកុម្ភៈ ឆ្នាំ២០១៩ វេលាម៉ោង១៧និង៣០នាទី លើផ្លូវជាតិលេខ៤ ចន្លោះគីឡូម៉ែត្រ ១៨៩-១៩០ ស្ថិតនៅក្នុងភូមិព្រៃនប់២…
ខេត្តព្រះសីហនុ៖ ករណីស្ត្រី២នាក់ស្លាប់ដោយគ្រោះថ្នាក់ចរាចរណ៍រវាងរថយន្តដឹកទំនិញធុនធំជាមួយម៉ូតូនេះបើតាមរបាយការណ៍ពីនគរបាលអោយដឹងថា ហេតុការណ៍នេះកើតឡើងនៅល្ងាចថ្ងៃទី១៤ ខែកុម្ភៈ ឆ្នាំ២០១៩ វេលាម៉ោង១៧និង៣០នាទី លើផ្លូវជាតិលេខ៤ ចន្លោះគីឡូម៉ែត្រ ១៨៩-១៩០ ស្ថិតនៅក្នុងភូមិព្រៃនប់២ ឃុំព្រៃនប់ ស្រុកព្រៃនប់ ខេត្តព្រះសីហនុ ។
រថយន្តម៉ាក HINO ពណ៌ក្រហម ពាក់ផ្លាកលេខភ្នំពេញ 3A- 2223 បើកបរដោយឈ្មោះ ជឿន សាមឌី ភេទប្រុស អាយុ២២ឆ្នាំ មុខរបរអ្នកបើកបររថយន្ត មានទីលំនៅភូមិអង្គក្លើ ឃុំត្បែង ស្រុកកណ្ដាលស្ទឹង ខេត្តកណ្ដាល មានទិសដៅពីភ្នំពេញឆ្ពោះមកខេត្តព្រះសីហនុ លុះដល់ចំណុចខាងលើរថយន្តបានបុកនឹងម៉ូតូ០១គ្រឿងម៉ាក WAVE ពណ៌ក្រហម គ្មានផ្លាកលេខ បើកបរដោយឈ្មោះ ថាច់ ញឹង ភេទស្រី អាយុ៦៨ឆ្នាំ មុខរបរនៅផ្ទះ មានអ្នករួមដំណើរម្នាក់ឈ្មោះ ថាច់ សៀន ភេទស្រី អាយុ៦៥ឆ្នាំ មុខរបរនៅផ្ទះ អ្នកទាំងពីរមានទីលំនៅភូមិបែកក្រុង ឃុំព្រៃនប់ ស្រុកព្រៃនប់ ខេត្តព្រះសីហនុ មានទិសដៅផ្ទុយគ្នា បណ្ដាលអោយជនរគ្រោះទី១ ឈ្មោះ ថាច់ ញឹង អ្នកបើកបរម៉ូតូ (ដំបូងរងរបួសធ្ងន់) និងក្រោយមកស្លាប់ពេលបញ្ជូនទៅសង្គ្រោះនៅគ្លីនិកវាលរេញ និងទី២ឈ្មោះ ថាច់ សៀន អ្នករួមដំណើរលើម៉ូតូស្លាប់នៅនឹងកន្លែងកើតហេតុ ។
បច្ចុប្បន្នសាកសពជនរងគ្រោះទាំងពីរបានប្រគល់ជូនទៅឲ្យក្រុមគ្រួសារយកទៅធ្វើបុណ្យតាមប្រពៃណី ។ ចំណែកអ្នកបើកបររថយន្តបាននាំទៅសាកសួរនៅអធិការដ្ឋាននគរបាលស្រុកព្រៃនប់ រីឯវត្ថុតាងរថយន្ត និងម៉ូតូបានយកមករក្សាទុកនៅអធិការដ្ឋាននគរបាលស្រុកព្រៃនប់ ៕
ចែករំលែកព័តមាននេះ