សម្ពាធឈាមចុះទាប អាចហាក់ដូចជាពិបាកនឹងកើតមានឡើង ។ ទោះជាយ៉ាងណា សម្រាប់មនុស្សជាច្រើន ការមានសម្ពាធឈាមចុះទាប អាចបណ្តាលឲ្យមានរោគសញ្ញានៃការវិលមុខ ឬអាចធ្វើឲ្យដួលសន្លប់បាន ។
ក្នុងករណីធ្ងន់សម្ពាធឈាមចុះទាប អាចជាការគំរាមកំហែងដល់អាយុជីវិត ។ ទោះបីជាយ៉ាងណាសម្ពាធឈាមអាចមានការប្រែប្រួលពីមនុស្សម្នាក់ទៅមនុស្សម្នាក់ ដែលជាទូទៅវាអាចនៅក្រោម៩០មីលី្លម៉ែត្របារ៉ត (mmHg) ចំពោះសម្ពាធឈាមស៊ីស្តូល (សម្ពាធឈាមខាងលើ) ឬតិចជាង៦០ មីលី្លម៉ែត្របារ៉ត ចំពោះសម្ពាធឈាមដ្យាស្តូល (សម្ពាធឈាមខាងក្រោម) អាចចាត់ទុកបានថាជាការមានសម្ពាធឈាមចុះទាប ។
មូលហេតុនៃការមានសម្ពាធឈាមចុះទាប អាចមានការប្រែប្រួលចាប់ពីការខ្វះជាតិទឹកទៅទល់នឹងបញ្ហាវេជ្ជសាស្ត្រ ឬការវះកាត់ធ្ងន់ណាមួយ ។ សម្ពាធឈាមចុះទាប គឺអាចព្យាបាលបាន តែវាគឺជារឿងសំខាន់ក្នុងការរកឲ្យឃើញនូវមូលហេតុដែលបានបណ្តាលឲ្យមានស្ថានភាពនេះ ដូច្នេះវាអាចឲ្យយើងធ្វើការព្យាបាលបានត្រឹមត្រូវ ។
លក្ខខណ្ឌដែលអាចបណ្តាលឲ្យសម្ពាធឈាមទាបអាចមានដូចជា ៖ •ការមានផ្ទៃពោះ •មានបញ្ហាបេះដូង •ការមានបញ្ហាក្រពេញអង់ដូគ្រីន •កង្វះជាតិទឹក •ការបាត់បង់ឈាម •ការបង្ករោគធ្ងន់ •ការមានប្រតិកម្មធ្ងន់ធ្ងរ (អាណាហ្វីឡាក់ទិច) និង•កង្វះសារធាតុចិញ្ចឹមនៅក្នុងរបបអាហារដែលអ្នកទទួលទាន (ប្រភពពី៖ Health.com.kh)៕
ចែករំលែកព័តមាននេះ