រាជធានីភ្នំពេញ ៖ ស្ត្រីម្នាក់ជិះម៉ូតូឌុបពីម្តុំកាំកូស៊ីធីមកលោតទឹកប៉ងសម្លាប់ខ្លួនពីលើស្ពានជ្រោយចង្វា តែត្រូវបានសមត្ថកិច្ចឃាត់យកទៅសួរនាំ ។ លុះមិនទាន់បានប៉ុន្មាននាទីផង ស្រាប់តែមានស្ត្រីម្នាក់ទៀតខូចចិត្តរឿងប្តីក៏មកលោតទឹកដែរ តែមិនបានសម្រេចដូចគ្នា ហាក់បីដូចស្ពានជ្រោយចង្វាមានជើងកបអូសទាញអ្នកមានវិបត្តិឱ្យមកលោត ដើម្បីបញ្ចប់បញ្ហា…
រាជធានីភ្នំពេញ ៖ ស្ត្រីម្នាក់ជិះម៉ូតូឌុបពីម្តុំកាំកូស៊ីធីមកលោតទឹកប៉ងសម្លាប់ខ្លួនពីលើស្ពានជ្រោយចង្វា តែត្រូវបានសមត្ថកិច្ចឃាត់យកទៅសួរនាំ ។ លុះមិនទាន់បានប៉ុន្មាននាទីផង ស្រាប់តែមានស្ត្រីម្នាក់ទៀតខូចចិត្តរឿងប្តីក៏មកលោតទឹកដែរ តែមិនបានសម្រេចដូចគ្នា ហាក់បីដូចស្ពានជ្រោយចង្វាមានជើងកបអូសទាញអ្នកមានវិបត្តិឱ្យមកលោត ដើម្បីបញ្ចប់បញ្ហា ។
ហេតុការណ៍នេះ កើតឡើងកាលពីវេលាម៉ោង១១យប់ថ្ងៃទី១០ ខែកុម្ភៈ នៅលើស្ពានជ្រោយចង្វា ស្ថិតក្នុងសង្កាត់ជ្រោយចង្វា ខណ្ឌជ្រោយចង្វា ។ តាមអ្នកឃើញហេតុការណ៍និយាយថា ស្ត្រីម្នាក់ដែលគេមិនស្គាល់អត្តសញ្ញាណ អាយុប្រហែលជាង៣០ឆ្នាំ ជិះម៉ូតូឌុបពីម្តុំរង្វង់មូលកាំកូស៊ីធី មកដល់លើស្ពានជ្រោយចង្វាក៏ប៉ងលោតទឹកសម្លាប់ខ្លួនតែម្តង ។ ទោះជាយ៉ាងណា ការប៉ងធ្វើអត្តឃាតនេះមិនបានសម្រេចទេ ដោយត្រូវបានសមត្ថកិច្ចយាមនៅគោលដៅនោះឃាត់ទាន់រួចនាំយកទៅប៉ុស្តិ៍ដើម្បីសាកសួរ ។
លុះប្រមាណ៣០នាទីក្រោយមក ស្រាប់តែមានស្ត្រីម្នាក់ទៀត ដើរបណ្តើរយំបណ្តើរបម្រុងលោតទឹកសម្លាប់ខ្លួនពីលើស្ពានជ្រោយចង្វាដែរតែត្រូវបានអ្នកដំណើរលើស្ពានឃាត់ជាប់ ។ បន្ទាប់មក ក៏ទាក់ទងហៅប្តីឲ្យមកទទួលយកត្រឡប់ទៅផ្ទះវិញ ហើយប្រមាណ១០នាទីក្រោយមក ប្តីក៏មកដល់ដឹកប្រពន្ធយកទៅផ្ទះវិញបាត់ទៅ ។
ក្រោយពេលកើតហេតុ ក្រុមគ្រួសាររបស់ស្ត្រីទី១ ក៏បានមកទទួលយកស្ត្រីរូបនេះពីប៉ុស្តិ៍ជ្រោយចង្វាទៅផ្ទះវិញដែរ ។ តាមព័ត៌មានឲ្យដឹងថា ស្ត្រីទាំង២នាក់សុទ្ធតែខូចចិត្តដោយសាររឿងប្តី ប៉ុន្តែមិនត្រូវបានប្រាប់ថាជារឿងអ្វីនោះទេ ព្រោះសុទ្ធតែរឿងគួរឱ្យខ្មាស់គេណាស់ ។ ហេតុអ្វីក៏ស្ត្រីទាំង២នាក់ ជ្រើសរើសយកការសម្លាប់ខ្លួនបែបនេះទៅវិញ សួរថាតើគប្បីនឹងក្រុមគ្រួសារដែរឬទេ ?
ចែករំលែកព័តមាននេះ