វីវរហើយ ព្រមានហើយ…ព្យុះភ្លៀងសេដ្ឋកិច្ចជុំវិញពិភពលោកអាចនឹងកើតមានឡើង !
អារ៉ាប៊ីសាអូឌីត ៖ យោងតាមភ្នាក់ងារសារព័ត៌មាន Bangkok Post កាលពីថ្ងៃចន្ទ កន្លងមកបានឲ្យដឹងថា អ្នកស្រី Christine Lagarde…
អារ៉ាប៊ីសាអូឌីត ៖ យោងតាមភ្នាក់ងារសារព័ត៌មាន Bangkok Post កាលពីថ្ងៃចន្ទ កន្លងមកបានឲ្យដឹងថា អ្នកស្រី Christine Lagarde…
អារ៉ាប៊ីសាអូឌីត ៖ យោងតាមភ្នាក់ងារសារព័ត៌មាន Bangkok Post កាលពីថ្ងៃចន្ទ កន្លងមកបានឲ្យដឹងថា អ្នកស្រី Christine Lagarde ដែលជាប្រធានគ្រប់គ្រងមូលនិធិរូបិយប័ណ្ណអន្តរជាតិ (IMF) បានព្រមានដល់រដ្ឋាភិបាលឲ្យត្រៀមខ្លួនសម្រាប់ព្យុះភ្លៀងសេដ្ឋកិច្ចដែលអាចនឹងកើតមានឡើងនាពេលខាងមុខនេះ ។
អ្នកស្រីបាននិយាយក្នុងកិច្ចប្រជុំមួយនៅទីក្រុងឌូបៃថា «ពួកយើងឃើញសេដ្ឋកិច្ចដែលកំពុងតែលូតលាស់កាន់តែយឺតជាងការដែលយើងបានគិតទុក»។ កាលពីខែមុន IMF បានបន្ទាបការព្យាករណ៍លើការលូតលាស់សេដ្ឋកិច្ចពិភលោកសម្រាប់ឆ្នាំនេះពី ៣.៧%មកស្មើ ៣.៥%វិញ ។ អ្នកស្រីបានលើកឡើងពីហានិភ័យធំៗចំនួនបួនដែលជាកត្តាប៉ះពាល់ដល់សេដ្ឋកិច្ចពិភពលោកខ្លាំងជាងគេ ។
ក្នុងនោះរួមមានភាពតានតឹងពាណិជ្ជកម្ម និងការតម្លើងពន្ធ ការរឹតបន្តឹងផ្នែកហិរញ្ញវត្ថុ ភាពមិនប្រាកដប្រជាទាក់ទិននឹងលទ្ធផលនៃការចាកចេញរបស់ចក្រភពអង់គ្លេសពីសហភាពអឺរ៉ុប និងផលប៉ះពាល់ដែលវាបង្កឡើង រួមជាមួយនឹងការអន់ថយនៃសេដ្ឋកិច្ចរបស់ប្រទេសចិនផងដែរ ។
អ្មកស្រី Lagarde បានបន្តទៀតថា ភាពតានតឹងពាណិជ្ជកម្មជាពិសេសរវាងសហរដ្ឋអាមេរិក និងប្រទេសចិនកំពុងតែបង្កផលប៉ះពាល់ជុំវិញពិភពលោកទៅហើយ ។
អ្មកស្រីបានបន្ថែមថា «ពួកយើងមិនដឹងច្បាស់ទេថាតើវានឹងចេញរូបរាងយ៉ាងដូចម្តេចតែអ្វីដែលពួកយើងដឹងគឺវាបានចាប់ផ្តើមបង្កផលប៉ះពាល់ដល់ការធ្វើពាណិជ្ជកម្ម ជំនឿចិត្ត និងទីផ្សារហើយ»។ អ្នកស្រីបានព្រមានដល់រដ្ឋាភិបាលផងដែរឲ្យជៀសវាងគោលនយោបាយការពារនិយមជាដើម ៕
ចែករំលែកព័តមាននេះ