បុរសណាប្រើអំពើហិង្សា វាយតប់ ជេរប្រមាថ ស្រវឹងស្រាអួទីនួរាល់ថ្ងៃ រំលោភលើរូបរាងកាយប្រពន្ធដោយគ្មានចិត្តមេត្តា បុរសនោះនឹងបាននាមថាជាប្តីគម្រក់ ប្តីមិនប្រកបដោយធម៌ វាជារឿងអាក្រក់បំផុតចំពោះបុរស ។ រឿងនេះបើមិនទាន់ខ្លាំងក្លាទេ…
បុរសណាប្រើអំពើហិង្សា វាយតប់ ជេរប្រមាថ ស្រវឹងស្រាអួទីនួរាល់ថ្ងៃ រំលោភលើរូបរាងកាយប្រពន្ធដោយគ្មានចិត្តមេត្តា បុរសនោះនឹងបាននាមថាជាប្តីគម្រក់ ប្តីមិនប្រកបដោយធម៌ វាជារឿងអាក្រក់បំផុតចំពោះបុរស ។
រឿងនេះបើមិនទាន់ខ្លាំងក្លាទេ នៅអាចរកផ្លូវដោះស្រាយបាន ពួកញាតិក្តី អាជ្ញាធរក្តីអាចជួយនិយាយ ជួយណែនាំដោយផ្អែកលើគោលធម៌ខន្តី និងអប់រំចិត្តដោយបញ្ញា ព្រមដោយការឲ្យអភ័យមកទុកក្នុងជីវិត ។
តែបើបញ្ហាខ្លាំងក្លារហូតដល់ថ្នាក់មិនអាចដោះស្រាយបាន ព្រះពុទ្ធសាសនាក៏ឲ្យសិទ្ធិសេរីភាពក្នុងការរស់នៅ មិនមែនទ្រាំនៅឲ្យប្តីវាយស្លាប់ ហើយចាំទៅកើតឋានសួគ៌ដោយការអត់ធន់នោះឡើយ ។
ទ្រឹស្តីព្រះពុទ្ធសាសនា មានគោលធម៌សម្រាប់ធ្វើឲ្យមនុស្សល្អគឺធម៌ខន្តីពិតមែនហើយ ប៉ុន្តែជីវិតដែលរស់នៅបានប្រសើរថ្លៃថ្លា គឺការរស់នៅប្រកបដោយបញ្ញា ។
ចែករំលែកព័តមាននេះ