រូបមន្ត​ធម្មជាតិ​ព្យាបាល​សរសៃឈាម​ក្រហម​ក្នុង​ភ្នែក


ការ​លេចឡើង​នូវ​ស​សៃ​ឈាមក្រហម​លើ​ផ្នែក​ពណ៌​ស​នៃ​ភ្នែក​បណ្ដាល​មក​ពី​មូលហេតុ​ជា​ច្រើន ផ្សេង​ៗ​ពី​គ្នា​ដូច​ជា កង្វះ​នៃ​ការ​គេង​, ភាព​អស់កម្លាំង​, ភាព​ស្ងួត​នៃ​ភ្នែក​, ការ​ប៉ះ​នឹង​ជាតិពុល ក៏​ដូច​ជា​ការ​រលាក​, អា​លែ​ក​ស៊ី និង​ការ​ប៉ះទង្គិច​ខ្លាំង​ណាមួយ ។ អ្នកជំនាញ​ផ្នែក​ភ្នែក​ជា​ច្រើន​និយាយ​ថា សរសៃឈាម​ក្រហម​នៅ​ក្នុង​ភ្នែក​អាច​លេចឡើង​ដោយសារ​បញ្ហា​វេជ្ជសាស្ត្រ​មួយ​ចំនួន​ផង​ដែរ ហើយ​ប៉ុន្មាន​ក្នុង​ចំណោម​នោះ គឺ​ជំងឺភ្នែកក្រហម​, ជំងឺ​ភ្នែក blepharitis, ជំងឺ​ដំបៅ​កញ្ចក់ភ្នែក​, ជំងឺ​ទឹក​ដក់​ក្នុង​ភ្នែក​, ជំងឺ​ភ្នែក iritis និង Grave’s disease​។

ប្រសិនបើ​ការ​ឡើង​សរសៃឈាម​ក្រហម​ក្នុង​ភ្នែក​របស់​អ្នក​បណ្ដាល​មក​ពី​ជំងឺ​នេះ ការ​ព្យាបាល​ជាមួយ​គ្រូពេទ្យ​ជំនាញ​ទើប​មាន​ប្រសិទ្ធភាព ។ ប៉ុន្តែ​ប្រសិនបើ​គ្រូពេទ្យ​ភ្នែក​និយាយ​ថា បញ្ហា​នៃ​ការ​ឡើង​សរសៃ​ឈាម​ក្រហម​ក្នុង​ភ្នែក​របស់​អ្នក​មិនមែន​បណ្ដាល​មក​ពី​ជំងឺ​ណាមួយ​ដូច​បាន​រៀបរាប់​ទេ​នោះ កុំ​បារម្ភ ! ក៏​ព្រោះ​សរសៃឈាម​ទាំងនោះ​អាច​ដោះស្រាយ​បាន​យ៉ាង​ងាយ​ជាមួយ​រូបមន្ត​បែប​ធម្មជាតិ​មួយ​ចំនួន ។
រូបមន្ត​បែប​ធម្មជាតិ​ព្យាបាល​អាការ​ឡើង​សរសៃឈាម​ក្រហម​ក្នុង​ភ្នែក ៖

១. កញ្ចប់​តែ តូច​ៗ ៖ អ្វី​ដែល​អ្នក​ត្រូវធ្វើ គឺ​គ្រាន់តែ​យក​កញ្ចប់​តែ​តូច​ៗ​ចំនួន​២​ទៅ​ឆុង​ក្នុង​ទឹក​ក្ដៅ ឧណ្ហ​ៗ​ចំនួន​កន្លះ​ពែង​សម្រាប់​រយៈពេល​២​ទៅ​៣​នាទី បន្ទាប់​មក​យក​ពែងតែ​ទៅ​ដាក់​ក្នុង​ទូរ​ទឹកកក​ឱ្យ​ត្រជាក់​។ នៅ​ពេល​ត្រជាក់​ហើយ​នោះ ចូរ​គេង​បិទ​ភ្នែក​ហើយ​ដាក់​កញ្ចប់​តែ​ពីលើ​ជា​ការ​ស្រេច ។

២. ស្លាបព្រា​ត្រជាក់ ៖ យក​ស្លាបព្រា​ចំនួន​៤ ក្នុង​ទឹកកក​ត្រជាក់ ១​កែវ ឬ​ក្នុង​ទូរ​ទឹកកក ហើយ​រង់ចាំ​សម្រាប់​​រយៈពេល​ប៉ុន្មាន​នាទី រហូត​ដល់​ស្លាបព្រា​ត្រជាក់​សិន សឹម​យក​ស្លាបព្រា​មួយគូ​មក​ដាក់​ភ្នែក​ដែល​កំពុង​បិទ ។ នៅ​ពេល​ស្លាបព្រា​អស់​ភាព​ត្រជាក់​ហើយ​នោះ ចូរ​ប្ដូរ​យក​មួយគូ​ទៀត​មក​ដាក់​ជា​ការ​ស្រេច ។

៣. ទឹកភ្នែក​សិប្បនិមិត្ត ៖ អ្វី​ដែល​អ្នក​ត្រូវធ្វើ គឺ​គ្រាន់តែ​បន្តក់​ទឹកភ្នែក​សិប្បនិមិត្ត​ប៉ុន្មាន​ដំណក់​ក្នុង​ភ្នែក ។ ជា​ធម្មតា​ផលិតផល​នេះ​អាច​ជួយ​បំបាត់​ភាព​ស្ងួត​នៃ​ភ្នែក​ដែល​ជា​ស្ថានភាព​មួយ​បង្ក​ឱ្យ​ស​សៃ​ឈាម​ក្រហម​លេចឡើង ។ ដើម្បី​ជា​ការ​ប្រសើរ ចូរ​ដាក់​ដប​ទឹកភ្នែក​សិប្បនិម្មិត​ក្នុង​កាបូប​, កា​តាប ឬ​ហោប៉ៅ ដូច្នេះ​អ្នក​នឹង​អាច​ប្រើប្រាស់​វា​នៅ​ពេល​ត្រូវការ (​ប្រភព​ពី​៖ Health.com.kh) ៕

Facebook Google Twitter Email

សុខភាព

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

ការស្ទង់មតិគេហទំព័រថ្មី




សូម​អរគុណ