ក្នុងអំឡុងបុណ្យចូលឆ្នាំថ្មីប្រពៃណីចិនសូមបង្ហាញជូនអំពីអំបូរជនជាតិចិននៅកម្ពុជា និងដើមហេតុនៃការចាកចេញពីប្រទេសកំណើតមកនៅតំបន់អាស៊ីអាគ្នេយ៍ ក្នុងនោះមានកម្ពុជាយើងផងដែរ ។ យោងតាមឯកសារលោកបណ្ឌិតដៀប សុផល និងលោកបណ្ឌិតមីស្ហែល ត្រាណេ ឲ្យដឹងថា ជនជាតិចិនដែលមានវត្តមានលើទឹកដីកម្ពុជាតាំងពីយូរយារណាស់មកហើយនោះមាន៥ជនជាតិ…
ក្នុងអំឡុងបុណ្យចូលឆ្នាំថ្មីប្រពៃណីចិនសូមបង្ហាញជូនអំពីអំបូរជនជាតិចិននៅកម្ពុជា និងដើមហេតុនៃការចាកចេញពីប្រទេសកំណើតមកនៅតំបន់អាស៊ីអាគ្នេយ៍ ក្នុងនោះមានកម្ពុជាយើងផងដែរ ។
យោងតាមឯកសារលោកបណ្ឌិតដៀប សុផល និងលោកបណ្ឌិតមីស្ហែល ត្រាណេ ឲ្យដឹងថា ជនជាតិចិនដែលមានវត្តមានលើទឹកដីកម្ពុជាតាំងពីយូរយារណាស់មកហើយនោះមាន៥ជនជាតិ គឺ៖ ១-ចិនទៀជីវ
២-ចិនកាតាំង ៣-ចិនហៃណាំ ឬហៃណាន់ ៤-ចិនហុកគៀន និង ៥-ចិនហ្វ៊ូឌស៊ាន ឬចិនខិ ។
ចិនទៀជីវ ភាគច្រើនមានប្រភពចេញមកពីក្វាងទុង ឬគ័ងតុង ។ ចិនទៀជីវ ដែលមានចំនួនប្រមាណ៧០% ក្នុងចំណោមចិនទាំងអស់ គឺប្រកបរបរជាអ្នក ជំនួញ ។ ចិនកាតាំង ភាគច្រើន ចេញមកពីភាគខាងត្បូង នៃខេត្តក្វាងតុង ឬគ័ងតុង ។ ចិនកាតាំងភាគច្រើន មានជំនាញលើផ្នែកមេកានិច និងធ្វើជំនួញ ។ ចិនហៃណាំ ឬហៃណាន់មាន៨% និងមានប្រភពមកពីកោះហៃណាន់ដែលក្រុមនេះប្រកបរបរជាអ្នកបើក ឬគ្រប់គ្រងភោជនីយដ្ឋាន សណ្ឋាគារ និងធ្វើកសិកម្ម លើកសិដ្ឋានដំណាំម្រេចនៅកំពត ។
ដោយឡែកចិនហុកគៀន មានប្រមាណ៣%មកពីភាគឦសាននៃខេត្តក្វាងតុង និងភាគច្រើនប្រកបរបរជាអ្នកលក់ឱសថបុរាណ និងជាពេទ្យព្យាបាលធ្មេញ …។ ចំណែកចិនហ្វ៊ូឌស៊ាន ឬចិនខិ មានចំនួនប្រមាណ២% មកពីតំបន់ស្យាមិញ ខេត្តហ្វ៊ូឌស៊ាន ភាគច្រើនជាធនាគារិក និងជាពាណិជ្ជករដែរ ។ តាំងពីដើមរៀងមកគេតែងឲ្យតម្លៃ និងកោត សរសើរជនជាតិខ្មែរកាត់ចិន ឬចិនសុទ្ធថា មានប្រាជ្ញាឆ្លាតវៀងវៃ ពូកែរកស៊ីជាងជនជាតិខ្មែរ ដែលមានម្តាយឪពុកជាខ្មែរសុទ្ធ ។
មានប្រភពផ្សេងទៀតថាការចាកចេញរបស់ជនជាតិចិនមានកត្តា២ គឺការផ្លាស់ប្តូររាជវង្ស ពីមហាមីងទៅមហាឆេង ជនជាតិចិន ឬហានមិនសប្បាយចិត្តនឹងការឲ្យកាត់សក់ ក្រងសក់ និងមួយទៀតការធ្វើបដិវត្តន៍របស់ស៊ុន យ៉ាតសេន គ្រួសារសក្តិភូមិខ្លះមិនពេញចិត្ត ក៏នាំគ្នាចាកចេញទាំងហ្វូង និងគ្រួសារមកនៅអាស៊ីអាគ្នេយ៍ ៕
ចែករំលែកព័តមាននេះ