តាមទីភ្នាក់ងារព័ត៌មាន«អេ អេហ្វ ភី រីលេកញូវ» បានផ្សាយកាលពីថ្ងៃអង្គារកន្លងមកឱ្យដឹងថា លទ្ធផលនៃការធ្វើអង្កេតពីវ៉េបសាយ ifeng.com របស់ហុងកុងបង្ហាញថា ក្រុង
សៀងហៃជាកំពូលទីក្រុងដ៏ទំនើបបំផុតនៅក្នុងប្រទេសចិន គឺជាទីក្រុងមានការអភិវឌ្ឍន៍ដ៏ទំនើប និងទាន់សម័យធ្វើការរៀបចំពិធីតាំងពិព័រណ៍ពិភពលោក២០១០ ទទួលបានសំលេងនាំមុខ១៧,៣% ។
ចំណែកលំដាប់ទី២ គឺក្រុងហុងកុង ជាទីក្រុងដែលមានតារាសំដែងបង្ហាញរូបសម្ផស្សជាញឹកញាប់មានសំលេងគាំទ្រ៨,៤% ។ លំដាប់ទី៣ មានសំលេងគាំទ្រ៤,៧% បានទៅទីក្រុងឈុងជីង ដែលជាទីកន្លែងសំបូរដោយនារីស្រស់ស្អាត និងអាហារឆ្ងាញ់ពិសា ។ ចំណែកទីក្រុងប៉េកាំងជារាជធានីរបស់ប្រទេសវិញស្ថិតនៅលំដាប់ទី៤ មានសំលេងគាំទ្រ ៤,៦% ព្រោះមានទីប្រជុំជនប្រមូលផ្តុំដោយវប្បធម៌ និងប្រវត្តិសាស្ត្រ។ រីឯលំដាប់ទី៥ គឺទីក្រុងក្វាងចូវ ។
ខាងក្រោមនេះ ជាលំដាប់ទីក្រុងទំនើប និងទាន់សម័យនៅប្រទេសចិនដូចជា៖ ១-ក្រុងសៀងហៃ មានសំលេងគាំទ្រ ១៧,៣%, ២-ក្រុងហុងកុង មានសំលេងគាំទ្រ ៨,៤%, ៣-ក្រុងឈុងជីង មានសំលេងគាំទ្រ ៤,៧%, ៤-ក្រុងប៉េកាំងមានសំលេងគាំទ្រ ៤,៦%, ៥-ក្រុងក្វាងចូវមានសំឡេងគាំទ្រ ៤,៦%, ៦-ក្រុងសឺនចើនមានសំលេងគាំទ្រ ៣,១%, ៧-ក្រុងហាងចូវមានសំលេងគាំទ្រ ២,៦%, ៨-ក្រុង សាន់យ៉ា មានសំលេងគាំទ្រ ២,៤%,៩-ក្រុងតាលៀង មានសំលេងគាំទ្រ ១,៨%, ១០-ក្រុងម៉ាកាវ មានសំលេងគាំទ្រ ១,៦% ៕
ចែករំលែកព័តមាននេះ