ADផ្ទាំងផ្សព្វផ្សាយពាណិជ្ជកម្ម

Picture

ឃើញ​នារី​ជនជាតិ​អា​មេ​រិ​កាំ​ង​ម្នាក់​…​ភ្លាត់ស្នៀត​ក៏​ក្របួច​បាន​ម្នាក់

5 ឆ្នាំ មុន
  • ភ្នំពេញ

រាជធានី​ភ្នំពេញ ៖ យុវជន​ជា​ជនសង្ស័យ​ម្នាក់​ក្នុង​ចំណោម​បក្សពួក​គ្នា​២​នាក់​ត្រូវ​បាន​កម្លាំង​សមត្ថកិច្ច​ចាប់​ឃាត់ខ្លួន​ក្រោយ​ពី​រូបគេ និង​បក្សពួក​ម្នាក់​ទៀត​នាំ​គ្នា​ធ្វើ​សកម្មភាព​ឆក់​ទូរស័ព្ទ​ដៃ​ម៉ាក HUAWEI មួយ​គ្រឿង​ពី​នារី​វ័យក្មេង​ជនជាតិ​អា​មេ​រិ​កាំ​ង​ម្នាក់ កំពុង​តែ​ដើរ​កាន់​នៅ​ក្នុង​ដៃ​មិន​បាន​សម្រេច ភ្លាត់ស្នៀត​ដួល​ម៉ូតូ ហើយ​ត្រូវ​បាន​កម្លាំង​មាន​សមត្ថកិច្ច​ក្របួច​បាន​ម្នាក់ និង…

រាជធានី​ភ្នំពេញ ៖ យុវជន​ជា​ជនសង្ស័យ​ម្នាក់​ក្នុង​ចំណោម​បក្សពួក​គ្នា​២​នាក់​ត្រូវ​បាន​កម្លាំង​សមត្ថកិច្ច​ចាប់​ឃាត់ខ្លួន​ក្រោយ​ពី​រូបគេ និង​បក្សពួក​ម្នាក់​ទៀត​នាំ​គ្នា​ធ្វើ​សកម្មភាព​ឆក់​ទូរស័ព្ទ​ដៃ​ម៉ាក HUAWEI មួយ​គ្រឿង​ពី​នារី​វ័យក្មេង​ជនជាតិ​អា​មេ​រិ​កាំ​ង​ម្នាក់ កំពុង​តែ​ដើរ​កាន់​នៅ​ក្នុង​ដៃ​មិន​បាន​សម្រេច ភ្លាត់ស្នៀត​ដួល​ម៉ូតូ ហើយ​ត្រូវ​បាន​កម្លាំង​មាន​សមត្ថកិច្ច​ក្របួច​បាន​ម្នាក់ និង ម្នាក់​ទៀត​រត់គេច​ខ្លួន​បាត់​ស្រមោល​នោះ ។

ករណី​នេះ​ដែរ​បាន​កើតឡើង កាលពី​វេលា​ម៉ោង​១១​និង​១៥​នាទី​ព្រឹក​ថ្ងៃ​ទី​០៦ ខែកុម្ភៈ ឆ្នាំ ២០១៩ នៅ​ចំណុច​ផ្លូវ​លេខ​១១៣​កែង​ផ្លូវ​៣៤៨ (​ក្បែរ​សារមន្ទីរ​គុក​ទួល​ស្លែង​) ក្នុង​សង្កាត់​បឹង​កេងកង​ទី​៣ ខណ្ឌចំការមន ។

តាម​ប្រភព​ព័ត៌មាន​ពី​នគរបាល​បាន​ប្រាប់​ឱ្យ​ដឹង​ថា យុវជន​ជា​ជនសង្ស័យ​ដែល​បាន​ចាប់​ឃាត់ខ្លួន​នេះ​មានឈ្មោះ ហេង តុង ភេទ​ប្រុស អាយុ​១៥​ឆ្នាំ ជា​សិស្ស​រៀន​ថ្នាក់​ទី​៧ សាលា​ឯកជន​មួយ មាន​ទីលំនៅ​ក្បែរ​អង់​តែ​ន​ទួល​គោក ក្នុង​សង្កាត់​បឹង កក់​ទី​២ ខណ្ឌទួលគោក រាជធានី​ភ្នំពេញ​។

មុន​ពេល​កើតហេតុ​នារី​វ័យក្មេង​រង​គ្រោះជា​ជនជាតិ​ជាតិ​អា​មេ​រិ​កាំ​ង​ម្នាក់ បាន​ដើរ​កាន់​ទូរស័ព្ទ​ដៃ​ម៉ាក HUAWEI ពណ៌​ខ្មៅ របស់​ខ្លួន​មួយ​គ្រឿង នៅ​ក្នុង​ដៃ លុះ​មក​ដល់​ចំណុច​ខាងលើ​ក៏​ស្រាប់តែ​មាន​ក្រុម​ជនសង្ស័យ​ចំនួន​២​នាក់ ជិះ​ម៉ូតូ​ម៉ាក nex ពណ៌​សលាយ​ក្រហម ស៊េរី​ឆ្នាំ ២០១៩ ពាក់​ស្លាក​លេខ​ភ្នំពេញ ១HF-០៩៥៩ មួយ​គ្រឿង​ទៅ​ក្បែរ ។

តាម​ប្រភព​ដដែល​បាន​ប្រាប់​បន្ត​ទៀត​ថា ពេល​នោះ​ជនសង្ស័យ​ម្នាក់​ក្នុង​ចំណោម​បក្សពួក​គ្នា​២​នាក់​នោះ​បាន​ធ្វើ​សកម្មភាព​ឆក់​យក​ទូរស័ព្ទ​ដៃ​មួយ​គ្រឿង​ពី​នារី​រង​គ្រោះជា​ជនជាតិ​អា​មេ​រិ​កាំ​ង​ម្នាក់​ខាងលើ តែ​មិន​បាន​សម្រេច​ក៏​ភ្លាត់ស្នៀត​ដួល​ម៉ូតូ ហើយ​ក៏​ត្រូវ​បាន​កម្លាំង​មាន​សមត្ថកិច្ច​ចាប់​ឃាត់ខ្លួន​បាន​ម្នាក់​ភ្លាម ។ ចំណែកឯ​ជនសង្ស័យ​ម្នាក់​ទៀត​បាន​រត់គេច​ខ្លួន​បាត់​ស្រមោល ។

ក្រោយ​ពេល​កើតហេតុ​កម្លាំង​មាន​សមត្ថកិច្ច​ក៏​ធ្វើការ​ប្រគល់​ទូរស័ព្ទ​ដៃ​ម៉ាក HUAWEI មួយ​គ្រឿង​នោះ​ទៅ​អោយ​នារី​រង​គ្រោះជា​ជនជាតិ​អា​មេ​រិ​កាំ​ង​ខាងលើ​វិញ ចំណែកឯ​យុវជន​ជា​សង្ស័យ​បាន​នាំ​មក​កាន់​នគរបាល​ប៉ុស្តិ៍​បឹង​កេងកង​ទី​៣ ដើម្បី​ធ្វើ​កំណត់ហេតុ និង​បញ្ជូន​ខ្លួន​ទៅ​កាន់​អធិការដ្ឋាន​ខណ្ឌចំការមន​ចាត់ការ​ទៅ​តាម​នីតិវិធី​ច្បាប់​ជា​បន្ត​ទៅ​ទៀត ៕

អត្ថបទសរសេរ ដោយ

កែសម្រួលដោយ