មេរោគ​នៅ​ក្នុង​ឈាម​មក​ពី​កត្តា​មួយ​ចំនួន


ការ​ឆ្លង​មេរោគ​បាក់តេរី គឺជា​មូលហេតុ​ទូទៅ​បំផុត ។ ទោះជា​យ៉ាងណា​ក៏​ដោយ ការ​មាន​មេរោគ​នៅ​ក្នុង​ឈាម ក៏​អាច​ត្រូវ​បាន​បង្ក​ឡើង​ដោយ​ការ​ឆ្លង​មេរោគ​ដទៃ​ទៀត​ផង​ដែរ ។ ការ​ឆ្លង​មេរោគ​អាច​ចាប់ផ្តើម​គ្រប់កន្លែង​ដែល​បាក់តេរី និង​មេរោគ​ដទៃ​ទៀត​អាច​ចូល​ទៅ​ក្នុង​ខ្លួន​បាន ។ វា​អាច​បណ្តាល​មក​ពី​រឿង​ដទៃ​ទៀត​ដូច​ជា​ជំងឺ​រលាក​ខ្នែងពោះវៀន ជំងឺ​រលាក​សួត ជំងឺរលាកស្រោមខួរ​ក្បាល ឬ​ការ​ឆ្លង​មេ​រោក​នៅ​នឹង​ផ្លូវ​បង្ហូរទឹក​ម៉ូ​ត្រ​ជាដើម ។

ការ​ឆ្លង​មេរោគ​នៅ​ក្នុង​ឈាម អាច​មាន​មក​ជាមួយនឹង​ការ​ឆ្លង​មេរោគ​នៅ​នឹង​ឆ្អឹង ។ ចំពោះ​អ្នកជំងឺ​ដែល​សម្រាក​នៅ​ក្នុង​មន្ទីរពេទ្យ កន្លែង​ទូទៅ​បំផុត​នៃ​ការ​ឆ្លង​មេរោគ​ដំបូង គឺ​ការ​ចាក់​សរសៃ​ឈាមវ៉ែន មុខរបួស​នៃ​ការ​វះកាត់ សុង​ទឹកនោម និង​ដំបៅ​ខ្នង ។ ទោះបីជា​មនុស្ស​គ្រប់​រូប​អាច​មាន​មេរោគ​នៅ​ក្នុង​ឈាម​ក៏​ដោយ ប៉ុន្តែ​ក្រុម​មនុស្ស​មួយ​ចំនួន​មាន​ហានិភ័យ​ខ្ពស់ ។ ពួក​គេ​អាច​រួម​មាន ៖

១-​អ្នក​ដែល​ប្រព័ន្ធ​ភាពស៊ាំ​មិន​ធ្វើការ​បាន​ល្អ ដូច​ជា​អ្នក​ជំងឺអេដស៍ ឬ​អ្នកជំងឺ​មហារីក ឬ​អ្នក​ប្រើ​ថ្នាំ​ដែល​បន្ថយ​ប្រព័ន្ធ​ភាពស៊ាំ​ជាដើម ។

២-​កុមារ តូច​ៗ

៣-​មនុស្ស​វ័យ​ចំណាស់ ជា​ពិសេស​ប្រសិនបើ​ពួក​គេ​មាន​ជំងឺ​ប្រចាំ​កាយ ។

៤-​អ្នក​ដែល​ធ្លាប់​សម្រាក​នៅ​ក្នុង​មន្ទីរពេទ្យ​ថ្មី​ៗ​នេះ ។

៥-​អ្នក​ដែល​មាន​ជំងឺ​ទឹកនោមផ្អែម (​ប្រភព​ពី​៖ Health.com.kh) ៕

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

សុខភាព

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ