ការ​សិក្សា​៖​ឆ្នាំ​2030 ពលរដ្ឋ​រស់នៅ​ភ្នំ​ុ​ពេញ​កើន​ដល់​7​លាន​នាក់

Sponsored

រាជធានី​ភ្នំពេញ ៖ យោង​តាម​ការ​សិក្សា​ថ្មី​មួយ​ដែល​ធ្វើ​ឡើង​ដោយ​ក្រសួង​រៀបចំ​ដែនដី នគរូបនីយកម្ម និង​សំណង់ បាន​រក​ឃើញ​ថា ប្រជាជន​រស់នៅ​ទីក្រុង និង​តាម​ទីប្រជុំជន​នានា​នឹង​កើន​ដល់​៧​លាន​នាក់​នៅ​ឆ្នាំ​២០៣០​ខាងមុខ ។

របាយការណ៍​របស់​ក្រសួង​រៀបចំ​ដែន​បាន​ឲ្យ​ដឹង​ថា បើ​គិត​ចាប់ពី​ឆ្នាំ​២០១៥​ដល់​ឆ្នាំ​២០៣០​ចំនួន​ប្រជាជន​នៅ​តាម​ទីប្រជុំជន និង​ទីក្រុង​ធំ​ៗ និង​កើន​ពី​៤​ទៅ​៧​លាន​នាក់ ។ កំណើន​ប្រជាសាស្ត្រ​នេះ នឹង​ទាមទារ​ឲ្យ​មានការ​ផ្ត​ត់​ផ្គង់​លំនៅ​ឋាន​ដ៏​ច្រើន​រហូត​ដល់​៨៥​ម៉ឺន​ខ្នង​ដល់​ឆ្នាំ​២០៣០ ពោល​គឺ​ការ​ផ្គត់ផ្គង់​ប្រចាំឆ្នាំ​ត្រូវ​មាន​ប្រមាណ​ជាង​៥​ម៉ឺន​ខ្នង ។

ជាមួយ​គ្នា​នេះ យោង​តាម​ការ​សិក្សា​របស់​ក្រុមហ៊ុន Urban Living Solution កាលពី​ឆ្នាំ​២០១៨ ក៏​បាន​រក​ឃើញ​ផង​ដែរ​ថា នៅ​ឆ្នាំ​២០២៥ ប្រជាពលរដ្ឋ​រស់នៅ​ក្រុងភ្នំពេញ​នឹង​កើន​ដល់​៤,៥​លាន​នាក់ ជា​ពេលវេលា​ដែល​ធ្វើ​ឲ្យ​ប្រជាជន​កាន់តែ​ច្រើន នឹង​រស់នៅ​តាម​ខុន​ដូ ដោយសារ ៖ ១- កំណើន​ប្រជាសាស្ត្រ​ធ្វើ​ឲ្យ​មានការ​កកស្ទះ​ចរាចរណ៍​ខ្លាំង ។ ២- តម្លៃ​អចលនទ្រព្យ ពិសេស​លំនៅ​ឋាន​នឹង​មាន​តម្លៃ​ខ្ពស់ ដែល​ប្រជាពលរដ្ឋ​ថ្នាក់​កណ្តាល​មិន​មាន​លទ្ធភាព​ទិញ​នៅ​ក្នុង​ទីក្រុង​បាន តែ​ពួក​គេ​អាច​ទិញ​នៅ​ជាយក្រុង​ដែល​លំបាក​ក្នុង​ការ​ធ្វើ​ដំណើរ ។ ៣- ការ​រីក​ចម្រើន​បច្ចេកវិទ្យា​នឹង​ធ្វើ​ឲ្យ​គុណភាព​ជីវិត​កាន់តែ​ប្រសើរ​ឡើង ដោយ​អ្នក​រស់នៅ​តាម​ខុន​ដូ ឬ​លំនៅ​ឋាន​នានា​អាច​កុម្ម​ង់​អាហារ​ទទួលទាន​កាន់តែ​ងាយស្រួល ។
៤- លក្ខខណ្ឌ​កន្លែង​ការងារ ដែល​ប្រជាពលរដ្ឋ​មិន​ចង់​រស់នៅ​ឆ្ងាយ​ការិយាល័យ ហើយ​ពួក​គេ​ងាក​មក​រស់នៅ​ខុន​ដូ ដែល​ស្ថិត​នៅ​ជិត​កន្លែង​ការងារ​របស់​ពួក​គេ ។

អ្នក​នាង អាន សុធី​តា នាយិកា​ប្រចាំ​ប្រទេស​នៃ​ក្រុមហ៊ុន CBRE Cambodia បាន​មាន​ប្រសាសន៍​ថា ប្រជាពលរដ្ឋ​រស់នៅ​ក្រុងភ្នំពេញ មិន​មាន​ចំនួន​ច្រើន​នោះ​ទេ គឺ​មួយ​គីឡូម៉ែត្រ​មាន​ដង់ស៊ីតេ​ត្រឹម​ជាង​២​ពាន់​នាក់​ប៉ុណ្ណោះ ប៉ុន្តែ​បញ្ហា​កកស្ទះ​ចរាចរណ៍​មានការ​កើនឡើង​ខ្ពស់ ខុស​ពី​បណ្តា​ប្រទេស​ក្នុង​តំបន់​ដូច​ជា ទីក្រុង​បាងកក ប្រទេស​ថៃ​, ទីក្រុង​ហូ​ជី​ម៉ិ​ញ ប្រទេស​វៀតណាម ដែល​មាន​ប្រជាជន​រស់នៅ​ចន្លោះ​៤​ពាន់​ទៅ​៥​ពាន់​នាក់​ក្នុង​១​គីឡូម៉ែត្រ តែ​បញ្ហា​ចរាចរណ៍​ហាក់​មិនអាក្រក់​ណាស់ណា​នោះ ទេ ។ អ្នក​នាង​បន្ត​ថា ៖« រាជរដ្ឋាភិបាល​គួរ​ចាត់វិធានការ​ទៅ​លើ​បញ្ហា​សណ្តាប់ធ្នាប់​ចរាចរណ៍ តាម​រយៈ​ការ​ដាក់​ចេញ​វិធានការ​អប់រំ និង​ជំរុញ​ឲ្យ​អ្នកបើកបរ​គោរព​ច្បាប់ ធ្វើ​យ៉ាងណា​ឲ្យ​ពួក​គេ​យល់​ដឹង​ពី​ច្បាប់ » ៕

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ