សុទ្ធក្តីមិនសុទ្ធក្តីយើងខ្លួនឯងជាអ្នកប្រព្រឹត្ត
សុទ្ធិ អសុទ្ធិ បច្ចត្តំ នាញ្ញោអញ្ញំ វិសោធយិ បុគ្គលបានបរិសុទ្ធក្តី មិនបានបរិសុទ្ធក្តី គឺអាស្រ័យលើខ្លួនឯងជាអ្នកសម្រេច ជាអ្នកប្រព្រឹត្តជាក់ស្តែង គ្មានទេវតា…
សុទ្ធិ អសុទ្ធិ បច្ចត្តំ នាញ្ញោអញ្ញំ វិសោធយិ បុគ្គលបានបរិសុទ្ធក្តី មិនបានបរិសុទ្ធក្តី គឺអាស្រ័យលើខ្លួនឯងជាអ្នកសម្រេច ជាអ្នកប្រព្រឹត្តជាក់ស្តែង គ្មានទេវតា…
សុទ្ធិ អសុទ្ធិ បច្ចត្តំ នាញ្ញោអញ្ញំ វិសោធយិ បុគ្គលបានបរិសុទ្ធក្តី មិនបានបរិសុទ្ធក្តី គឺអាស្រ័យលើខ្លួនឯងជាអ្នកសម្រេច ជាអ្នកប្រព្រឹត្តជាក់ស្តែង គ្មានទេវតា ព្រះឥន្ទ្រ ព្រះព្រហ្មឯណាផ្តល់ឱ្យ ឬធ្វើជំនួសក្រៅតែអំពីខ្លួនយើងដែលប្រឹងធ្វើប្រឹងសន្សំនោះឡើយ។ បើយើងប្រព្រឹត្តតែអំពើល្អប្រចាំជាប់ជានិច្ច ចិញ្ចឹមជីវិតតាមផ្លូវសុចរិតនោះ សិរីសួស្តី សុភមង្គលនៃជីវិតប្រាកដជាកើតមានដល់អ្នកជាក់ជាមិនខាន ។
ពិតណាស់គ្រួសារណាក៏ចង់សុខ មានសុភមង្គល រស់នៅយូរអង្វែងដែរ កាលបើបុគ្គលប្រព្រឹត្តតាមគន្លងធម៌ដូចព្រះពុទ្ធត្រាស់ថា បើយើងចង់បានអាយុវែង ចង់មានទ្រព្យស្តុកស្តម្ភ ចង់ឲ្យមានសេចក្តីសុខនៅក្នុងក្រុមគ្រួសារ ចង់ឲ្យគេមានភាពស្មោះត្រង់នឹងខ្លួន អ្នកត្រូវធ្វើតែអំពើសុចរិត ហើយត្រូវវៀរចាកអំពើអាក្រក់ចេញឱ្យអស់ នោះនឹងបានសុខហើយ ។
ពិសេសត្រូវវៀរអំពើអាក្រក់ទាំង៥ចេញឱ្យអស់ៈ
១-មិនបៀតបៀនជីវិតអ្នកដទៃគឺមិនសម្លាប់សត្វនាំឲ្យមានធម៌មេត្តាចិត្ត
២-មិនលួចទ្រព្យគេ នាំឲ្យមានធម៌សម្មាអាជីវៈការចិញ្ចឹមជីវិតត្រូវ
៣-មិនប្រព្រឹត្តខុសក្នុងកាម នាំឲ្យយើងមានសេចក្តីសន្តោស
៤-មិននិយាយកុហក នាំឲ្យមានធម៌ សច្ចៈ ពាក្យពិតត្រង់
៥-មិនផឹកនូវទឹកស្រវឹង មិនសេពគ្រឿងញៀននាំឲ្យមានធម៌សតិសម្បជញ្ជៈ ដឹងខ្លួនគ្រប់ពេលវេលា ។
កាលបើបុគ្គលលះអំពើអាក្រក់ទាំង៥នេះអស់ពីសន្តាន ជីវិតនឹងមានសុភមង្គលរស់នៅដោយសុខសាន្ត ។
ចែករំលែកព័តមាននេះ