យោងតាមទ្រឹស្តីព្រះពុទ្ធសាសនាសម្តែងថា កំណប់ទ្រព្យក្នុងទីនេះមិនមែនសំដៅយកសម្បត្តិមាស ពេជ្រ កែវ កង លុយ ឡាន ផ្ទះសម្បែង…នោះទេ កំណប់ទ្រព្យគឺបុណកុសល ដែលបុរសស្ត្រីបានសន្សំកប់ទុកល្អហើយដោយការសង្រួមកាយ…
យោងតាមទ្រឹស្តីព្រះពុទ្ធសាសនាសម្តែងថា កំណប់ទ្រព្យក្នុងទីនេះមិនមែនសំដៅយកសម្បត្តិមាស ពេជ្រ កែវ កង លុយ ឡាន ផ្ទះសម្បែង…នោះទេ កំណប់ទ្រព្យគឺបុណកុសល ដែលបុរសស្ត្រីបានសន្សំកប់ទុកល្អហើយដោយការសង្រួមកាយ វាចា ចិត្ត ការទូន្មានខ្លួន គោរពក្នុងព្រះសង្ឃ បម្រើមាតាបិតា ទាំងនេះចាត់ថាជាកំណប់ទ្រព្យដ៏ប្រពៃ ដែលកប់ទុកល្អហើយ នរណាមិនគប្បីបំផ្លាញបានឡើយ ។កំណប់ទ្រព្យគឺសេចក្តីល្អដែលបុគ្គលបានសន្សំទុកល្អហើយ កាលបើជីវិតត្រូវលះលោកនេះទៅហើយ ខ្លួនរមែងកាន់យកនូវកំណប់ទ្រព្យ គឺបុណ្យនោះទៅជាមួយ ។
កំណប់ទ្រព្យគឺកុសលកម្មមិនទូទៅដល់ពួកជនដទៃ ជារបស់ដែលចោរលួចទៅមិនបាន ភ្លើងឆេះមិនរលាយ។ កំណប់ទ្រព្យគឺបុណ្យណាជាប់តាមខ្លួនទៅបាន បុគ្គលគួរសន្សំនូវកំណប់ទ្រព្យនោះដោយប្រពៃចុះ ។
កំណប់ទ្រព្យគឺបុណ្យនោះឲ្យនូវសេចក្តីប្រាថ្នាគ្រប់យ៉ាងដល់ទេវតានិងមនុស្សទាំងឡាយ ពួកទេវតានិងមនុស្សទាំងឡាយប្រាថ្នានូវផលណាៗ ផលទាំងពួងនោះ រមែងសម្រេចដូចក្តីបំណង ។
បុរសស្ត្រីជាអ្នកមានសម្បុរផូរផង់ មានសំឡេងពីរោះ ទ្រង់ទ្រាយល្អ រូបល្អ ជាអធិបតី មានយសបរិវារ ផលទាំងអស់រមែងបានដោយកំណប់ទ្រព្យ គឺបុណ្យនោះឯង ។
បុញ្ញសម្បទាទាំងអស់នេះឲ្យសម្រេចប្រយោជន៍ដ៏ធំ ដោយប្រការដូច្នេះ ព្រោះហេតុនោះ អ្នកប្រាជ្ញទាំងឡាយ លោកសរសើរនូវភាពនៃបុគ្គលជាអ្នកមានបុណ្យធ្វើទុកមកហើយ ។
ចែករំលែកព័តមាននេះ