ព្រហ្មចរិយធម៌គឺជាយានជំនិះដ៏ប្រសើរ នាំសត្វលោកទៅកាន់ទីបំផុតនៃសេចក្តីទុក្ខ ដោយលះបង់ចោលនូវជីវិតដែលប្រកបដោយឧបាទានក្ខន្ធ ប្រព្ត្រឹត្តតែអំពើសុចរិត ។
ជីវិតនេះប្រៀបដូចជាភ្លើងចង្កៀងប្រេង តាមធម្មតាចង្កៀងអាចរលត់បានគ្រប់ពេលប្រសិនបើជាអស់ប្រេង ឬប្រឆេះអស់ ហើយសូម្បីនៅប្រេងនៅប្រឆេះ ក៏វាអាចរលត់បានដែរដោយខ្យល់បក់ ឬសត្វហើរបំបុកចំហេះនោះ។
ដូច្នេះភ្លើងចង្កៀងមិនអាចការពារអ្វីដល់ខ្លួនឯងបានឡើយ យ៉ាងណាមិញ ជីវិតសព្វសត្វក្នុងលោកនេះ ក៏ដូចភ្លើងចង្កៀងយ៉ាងនោះដែរ ។
ហេតុបច្ច័យតាក់តែងជីវិតមកមិនមែនឱ្យតែបាននៅរស់ប៉ុណ្ណោះទេ ជីវិតត្រូវរស់នៅយ៉ាងណាៗ ក៏សម្រេចទៅលើហេតុបច្ច័យផងដែរ ការមានបាននូវទ្រព្យសម្បត្តិ ការជួប ការព្រាត់ប្រាសចាកសត្វនិងសង្ខារ ឈឺ ជា សុខ ទុក្ខ ស្លាប់ពេលណាត្រូវសម្រេចនៅលើ ហេតុបច្ច័យជាអ្នកកំណត់ទាំងស្រុង ។
ចែករំលែកព័តមាននេះ