រាជធានីភ្នំពេញ ៖ ស្ត្រីម្នាក់ជាអ្នកចងការលុយនៅចោមចៅ២ មានវិបត្តិចាញ់បោកបុរសម្នាក់នៅក្រៅប្រទេសអស់លុយ២០ម៉ឺនដុល្លារ ក៏សម្រេចចិត្តទៅលោតទឹកសម្លាប់ខ្លួននៅលើស្ពានជ្រោយចង្វារ ត្រូវសមត្ថកិច្ចជួយសង្គ្រោះទាន់ពេលវេលា បង្កឱ្យមានការភ្ញាក់ផ្អើលកាលពីម៉ោង12និង40នាទីរំលងអធាត្រឈានចូលថ្ងៃទី១ ខែកុម្ភៈ ឆ្នាំ២០១៩ តាមបណ្តោយផ្លូវព្រះស៊ីសុវត្ថិ…
រាជធានីភ្នំពេញ ៖ ស្ត្រីម្នាក់ជាអ្នកចងការលុយនៅចោមចៅ២ មានវិបត្តិចាញ់បោកបុរសម្នាក់នៅក្រៅប្រទេសអស់លុយ២០ម៉ឺនដុល្លារ ក៏សម្រេចចិត្តទៅលោតទឹកសម្លាប់ខ្លួននៅលើស្ពានជ្រោយចង្វារ ត្រូវសមត្ថកិច្ចជួយសង្គ្រោះទាន់ពេលវេលា បង្កឱ្យមានការភ្ញាក់ផ្អើលកាលពីម៉ោង12និង40នាទីរំលងអធាត្រឈានចូលថ្ងៃទី១ ខែកុម្ភៈ ឆ្នាំ២០១៩ តាមបណ្តោយផ្លូវព្រះស៊ីសុវត្ថិ នៅចំណុចលើស្ពានជ្រោយចង្វារ ស្ថិតក្នុងសង្កាត់ស្រះចក ខណ្ឌដូនពេញ។
ស្ត្រីប៉ុនប៉ងលោតទឹកសម្លាប់ខ្លួនខាងលើ ឈ្មោះ នួន វណ្ណារី អាយុ39ឆ្នាំ មុខរបរជាអ្នកចងការលុយនៅសង្កាត់ចោមចៅ២ ស្នាក់នៅផ្ទះ1C សង្កាត់ចោមចៅ២ ខណ្ឌពោធិ៍សែនជ័យ មានស្រុកកំណើតនៅភូមិសំបួរមាសខ ឃុំពាមជីកង ស្រុកកងមាស ខេត្តកំពង់ចាម ។
តាមប្រភពពីជនរងគ្រោះបានឱ្យដឹងថា មុនកើតហេតុគាត់បានចាញ់បោកបុរសម្នាក់នៅក្រៅប្រទេស ដោយធ្វើជាយករបស់មានតំលៃផ្ញើមកឱ្យរូបគាត់ ហើយលួងលោមគាត់ឱ្យផ្ញើលុយលើកទី១ ផ្ញើ500$ លើកទី២ ចំនួន1000$ លើកទី៣ 6000$ លើកទី៤ ចំនួន8000$ និងមានបន្តបន្ទាប់រហូតមករយៈពេល៤ខែ សរុបទឹកប្រាក់20ម៉ឺនដុល្លារធ្វើឲ្យគាត់លង់ខ្លួនគិតអីអត់ចេញ ។
ក្រោយមកសមត្ថកិច្ចឃើញជិះម៉ូតូកង់បីមកពីចោមចៅ ទៅលោតទឹកសម្លាប់ខ្លួនចោលកូន៣នាក់ តែសំណាងល្អហើយដែលមានសមត្ថកិច្ចប្រចាំគោលដៅទី៣ ចេញទូកទៅជួយសង្គ្រោះបានទាន់ពេលវេលាយកមកលើគោកវិញ ។
បើតាមការរៀបរាប់របស់សមត្ថកិច្ចប្រាប់ថា នៅម៉ោង៨ទៅ៩យប់ស្ត្រីខាងលើ បានទៅលោតទឹកម្តងរួចមកហើយ ប៉ុន្តែអត់បានសម្រេច គាត់ហៅកង់បីឱ្យជូនទៅផ្ទះ លុះដល់ម៉ោងកើតហេតុខាងលើនេះ ក៏ស្រាប់តែមកលោតម្តងទៀត ទើបគាត់ជួយទំនាក់ទំនងហៅសាច់ញាតិបងប្អូន និងកូនឱ្យមកយកត្រឡប់ទៅផ្ទះវិញ ។ ក្រោយពេលកើតហេតុកូនស្រីរបស់ជនរងគ្រោះបានមកទទួលម្តាយឱ្យយកត្រឡប់ទៅផ្ទះបាត់ទៅ ៕
ចែករំលែកព័តមាននេះ