រាជធានីភ្នំពេញ ៖ គ្រោះថ្នាក់ចរាចរណ៍រវាងរថយន្តមួយគ្រឿងបុកជាមួយម៉ូតូមួយគ្រឿង ប្តាលឱ្យបុរសម្នាក់ស្លាប់យ៉ាងអាណោចអាធ័ម ហើយរថយន្តបានបើកគេចបាត់ស្រមោល។ ហេតុការណ៍នេះបង្កអោយមានការភ្ញាក់ផ្អើលកាលពីវេលាម៉ោងប្រមាណ៦និង១៥នាទីយប់ថ្ងៃទី៣០ ខែមករា នៅលើស្ពានព្រែកព្នៅត្រើយខាងកើត ក្នុងសង្កាត់ព្រែកតាសេក ខណ្ឌជ្រោយចង្វារ…
រាជធានីភ្នំពេញ ៖ គ្រោះថ្នាក់ចរាចរណ៍រវាងរថយន្តមួយគ្រឿងបុកជាមួយម៉ូតូមួយគ្រឿង ប្តាលឱ្យបុរសម្នាក់ស្លាប់យ៉ាងអាណោចអាធ័ម ហើយរថយន្តបានបើកគេចបាត់ស្រមោល។ ហេតុការណ៍នេះបង្កអោយមានការភ្ញាក់ផ្អើលកាលពីវេលាម៉ោងប្រមាណ៦និង១៥នាទីយប់ថ្ងៃទី៣០ ខែមករា នៅលើស្ពានព្រែកព្នៅត្រើយខាងកើត ក្នុងសង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ។
ជនរងគ្រោះដែលស្លាប់ឈ្មោះ ម៉ៅ បញ្ញា ភេទប្រុស អាយុ២៧ឆ្នាំ មុខរបរជាងឈើ ស្នាក់នៅភូមិ
ឌួង សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ មានស្រុកកំណើតនៅខេត្តកំពង់ចាម ជាអ្នកបើកបរម៉ូតូមួយគ្រឿងម៉ាកហុងដាឌ្រីម ធុនសេ១២៥ ស៊េរីឆ្នាំ២០១០ ពណ៌ខ្មៅ ពាក់ស្លាកលេខ សៀមរាប ១M-៤៨៨១។
តាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុ គេឃើញជនរងគ្រោះបើកបរម៉ូតូមួយគ្រឿងចេញពីកន្លែងធ្វើការនៅសង្កាត់កោះដាច់ ខណ្ឌជ្រោយចង្វារ ក្នុងគោលបំណងធ្វើដំណើរត្រឡប់ទៅផ្ទះរបស់ខ្លួននៅសង្កាត់ព្រែកព្នៅ ខណ្ឌព្រែកព្នៅ ដោយធ្វើដំណើរតាមមហាវិថីឈ្នះឈ្នះ ក្នុងទិសដៅពីកើតទៅលិច លុះមកដល់ចំណុចកើតហេតុ ស្រាប់តែត្រូវរថយន្តមួយគ្រឿងបុក បណ្តាលឱ្យអ្នកបើកបរម៉ូតូបែកក្បាលស្លាប់យ៉ាងអាណោយអាធ័មតែម្តង។
ប្រភពដដែលបានបន្តថា នៅកន្លែងកើតហេតុពុំមានសាក្សីណាម្នាក់ឃើញច្បាស់ឡើយ តែមានគេអះអាងថា ជនរងគ្រោះបានស្លាប់ដោយសាររថយន្តមួយគ្រឿងបុក ហើយរថយន្តបង្កនោះបើកគេចទៅបាត់ដោយពុំស្គាល់អត្តសញ្ញាណឡើយ។ ជនរងគ្រោះត្រូវគេដឹងថាទើបតែរៀបការប្រពន្ធបានពីរខែប៉ុណ្ណោះ។
ក្រោយពេលកើតហេតុ សមត្ថកិច្ចបានចុះទៅដល់កន្លែងកើតហេតុដើម្បីធ្វើការពិនិត្យ និងវាស់វែង និងប្រគល់សពជនរងគ្រោះទៅឲ្យក្រុមគ្រួសារយកទៅធ្វើបុណ្យតាមប្រពៃណី៕
ចែករំលែកព័តមាននេះ