ប្រសិនបើអ្នកប្រើ iPhone ហើយវាឆាប់អស់ថ្មនោះ អ្នកប្រហែលជាត្រូវពិនិត្យមើលថា មានកម្មវិធីអ្វីដែលបង្កឲ្យមានបញ្ហានេះហើយ ។ កម្មវិធីលើទូរស័ព្ទរបស់អ្នកអាចប្រើថ្មច្រើន ដូច្នេះការដែលលុបកម្មវិធីទាំងនេះចេញអាចឲ្យអ្នកប្រើទូរស័ព្ទបានយូរជាងមុន ។ ក្នុងស្មាតហ្វូនរបស់អ្នកមានឈីបតូចៗដែលមានឈ្មោះថា…
ប្រសិនបើអ្នកប្រើ iPhone ហើយវាឆាប់អស់ថ្មនោះ អ្នកប្រហែលជាត្រូវពិនិត្យមើលថា មានកម្មវិធីអ្វីដែលបង្កឲ្យមានបញ្ហានេះហើយ ។ កម្មវិធីលើទូរស័ព្ទរបស់អ្នកអាចប្រើថ្មច្រើន ដូច្នេះការដែលលុបកម្មវិធីទាំងនេះចេញអាចឲ្យអ្នកប្រើទូរស័ព្ទបានយូរជាងមុន ។ ក្នុងស្មាតហ្វូនរបស់អ្នកមានឈីបតូចៗដែលមានឈ្មោះថា Processor ដែលអនុញ្ញាតឲ្យអ្នកប្រើកាមេរ៉ា ឬមើលវីឌីអូបានជាដើម ។
កម្មវិធីដែលមិនល្អ ឬកម្មវិធីដែលត្រូវប្រើកម្លាំងម៉ាស៊ីនច្រើនក៏ត្រូវការប្រើថ្មទូរស័ព្ទច្រើនដែរដើម្បីអាចដំណើរការបាន ហើយកម្មវិធីខ្លះតែងតែដំណើរការជាប់រហូតបើទោះជាអ្នកមិនបានបើកវាក៏ពិតមែនក្តី ដូចជាការស្វែងរកទីតាំងណាមួយសម្រាប់កម្មវិធី Google Map ឬកម្មវិធីហ្វេសប៊ុកដែលតែងតែឆែករក Notification ជាដើម ។
iPhone របស់អ្នកមានឧបករណ៍ដែលអនុញ្ញាតឲ្យអ្នកដឹងថា កម្មវិធីណាមួយកំពុងតែប្រើថ្មីច្រើនជាងគេ ។ អ្នកអាចដឹងបានដោយគ្រាន់តែចូលទៅកាន់ Settings រួចចុចលើ Battery និងរងចាំរហូតដល់វាដំណើរការ ។
បន្ទាប់មកសូមចុចលើ Last 10 Days ដែលបង្ហាញពីការប្រើប្រាស់ថ្មទូរស័ព្ទសម្រាប់កម្មវិធីខុសៗគ្នាក្នុងកំឡុងពេលមួយសប្តាហ៍កន្លះកន្លងមក ។
ដូច្នេះប្រសិនបើអ្នកមើលឃើញតួលេខ ២០%នៅជាប់នឹងឈ្មោះកម្មវិធីណាមួយនោះវាមានន័យថា កម្មវិធីនោះប្រើថ្មភាគច្រើនរបស់ទូរស័ព្ទអ្នក ។
ប្រសិនបើអ្នកមិនចំណាយពេលច្រើនក្នុងការប្រើកម្មវិធីនេះទេ ប៉ុន្តែវាប្រើថ្មទូរស័ព្ទរបស់អ្នកច្រើននោះមានន័យថាវាជាកម្មវិធីដែលធ្វើឲ្យទូរស័ព្ទរបស់អ្នកឆាប់អស់ថ្មីហើយ ។ ដោយហេតុដូច្នេះអ្នកគួរពិចារណាថា លុបវាចោល ឬអត់ ។
វិធីមួយទៀតគឺការប្រើប្រាស់ Low Power Mode ដែលអនុញ្ញាតឲ្យទូរស័ព្ទអ្នកកាត់បន្ថយកម្មវិធីដែលដំណើរការមិនឈប់ឈរបើទោះជាអ្នកមិនបើកដំណើរការវារហូតដល់ទូរស័ព្ទរបស់អ្នកមានថ្មពេញវិញ ៕
ចែករំលែកព័តមាននេះ