ទូរស័ព្ទថ្មីៗត្រូវបានចេញលក់លើទីផ្សារជាប្រចាំ ប៉ុន្តែវាមិនមែនមានន័យថា ទូរស័ព្ទថ្មីៗទាំងនោះជាទូរស័ព្ទល្អដែលអ្នកគួរតែទិញយកមកប្រើទេ ។ ខាងក្រោមគឺជាចំណុចមួយចំនួនដែលអ្នកគួរមើលមុននឹងសម្រេចចិត្តទិញទូរស័ព្ទ ៖ ១-ការប្រើ Android ដែលមាន Version…
ទូរស័ព្ទថ្មីៗត្រូវបានចេញលក់លើទីផ្សារជាប្រចាំ ប៉ុន្តែវាមិនមែនមានន័យថា ទូរស័ព្ទថ្មីៗទាំងនោះជាទូរស័ព្ទល្អដែលអ្នកគួរតែទិញយកមកប្រើទេ ។ ខាងក្រោមគឺជាចំណុចមួយចំនួនដែលអ្នកគួរមើលមុននឹងសម្រេចចិត្តទិញទូរស័ព្ទ ៖
១-ការប្រើ Android ដែលមាន Version ចាស់
ទូរស័ព្ទដែលមិនល្អគឺជាទូរស័ព្ទដែលនៅប្រើ Androud 7.០ ព្រោះវាមានន័យថា ទូរស័ព្ទនេះត្រូវបានចេញលក់យូរ ឬក្រុមហ៊ុនមិនខ្វល់ខ្វាយក្នុងការ Update វា ។ ប្រព័ន្ធដំណើរការពិតជាសំខាន់ណាស់ព្រោះប្រសិនបើទូរស័ព្ទមិនទទួលបានការ Update ផ្នែកសន្តិសុខថ្មីៗទេនោះ ទូរស័ព្ទរបស់អ្នកអាចនឹងទទួលបានមេរោគផ្សេងៗ ។
២-គាំងៗឬយឺត
មុនពេលអ្នកសម្រេចចិត្តទិញទូរស័ព្ទ អ្នកគួរតែបើកសាកល្បងអូសចុះឡើងមកថាតើវាមានរអាក់រអួលកន្លែងណាឬទេ ហើយវាចំណាយពេលយូរឬទេពេលដែលអ្នកបើកដំណើរការកម្មវិធីណាមួយលើទូរស័ព្ទនោះ ។ ស្មាតហ្វូនដែលមិនល្អនឹងធ្វើឲ្យអ្នករងចាំប៉ុន្មានវិនាទីសិនមុននឹងដំណើរការកម្មវិធី ប៉ុន្តែស្មាតហ្វូនដែលល្អនឹងដំណើរការភ្លាមៗ ។
៣-យីហោដែលអ្នកមិនស្គាល់
ទូរស័ព្ទដែលមានយីហោទូរស័ព្ទដែលមិនល្បីមិនប្រាកដថា ទូរស័ព្ទនោះមិនល្អទេ ប៉ុន្តែអ្នកគួរតែប្រុងប្រយ័ត្នដែរ ។ យ៉ាងហោចណាស់អ្នកគួរដឹងថាតើក្រុមហ៊ុនទូរស័ព្ទនោះមានធនារ៉ាប់រង ឬផ្តល់ជាសេវាកម្មផ្សេងៗឬទេ ។ ឬពួកគេនឹងផ្តល់សំណងដល់អ្នកវិញទេប្រសិនបើទូរស័ព្ទមានបញ្ហា ។
៤-ការប្រើភាសាអង់គ្លេសមិនត្រឹមត្រូវ
សាកល្បងអានអក្សរលើប្រអប់ និងខិតប័ណ្ណផ្សេងៗដែលយកមកផ្សព្វផ្សាយពីទូរស័ព្ទនោះ និងសួរខ្លួនឯងថាតើការប្រើអង់គ្លេសមានត្រឹមត្រូវឬទេព្រោះប្រសិនបើមានការប្រើអង់គ្លេសមិនត្រឹមត្រូវនោះវាប្រៀបដូចមានន័យថាក្រុមហ៊ុនផលិតមិនមានថវិកាគ្រប់គ្រាន់ក្នុងការស្វែងរកអ្នកសរសេរដែលមានជំនាញត្រឹមត្រូវ ហើយវាអាចឆ្លុះបញ្ចាំងពីការធ្វើអាជីវកម្មរបស់ពួកគេផងដែរ ៕
ចែករំលែកព័តមាននេះ