រាជធានីភ្នំពេញ ៖ គម្រោងស្ថាបនាផ្លូវល្បឿនលឿន ភ្នំពេញ-ព្រះសីហនុ ដែលបានពន្យារបើកការដ្ឋានសាងសង់រហូតមកដល់ពេលនេះ ត្រូវបានប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន នាយករដ្ឋមន្ត្រី…
រាជធានីភ្នំពេញ ៖ គម្រោងស្ថាបនាផ្លូវល្បឿនលឿន ភ្នំពេញ-ព្រះសីហនុ ដែលបានពន្យារបើកការដ្ឋានសាងសង់រហូតមកដល់ពេលនេះ ត្រូវបានប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន នាយករដ្ឋមន្ត្រី បានជំរុញឲ្យក្រុមហ៊ុនសាជីវកម្មស្ពាន និងថ្នល់ចិន ឆាប់បើកគម្រោងឲ្យបានឆាប់ ខណៈដែលការដោះស្រាយផលប៉ះពាល់បានបញ្ចប់រួចរាល់ហើយ ។
ការជំរុញរបស់អ្នកដឹកនាំកម្ពុជានេះ ខណៈដែលសម្ដេចតេជោអញ្ជើញទៅបំពេញទស្សនកិច្ចផ្លូវការនៅទីក្រុងប៉េកាំង ដោយបានអនុញ្ញាតឲ្យក្រុមហ៊ុនវិនិយោគសាជីវកម្មស្ពាន និងថ្នល់ចិន ( China Road and Bridge Comrporation)ហៅកាត់ថា CRBC ចូលជួបសម្ដែងការគួរសម និងពិភាក្សាការងារនាព្រឹកថ្ងៃទី២១ ខែមករា ម្សិលមិញនេះ ។
ក្នុងជំនួបពិភាក្សានោះ ក្រុមហ៊ុនវិនិយោគចិនបានគោរពរាយការណ៍ជូនសម្តេចតេជោនាយករដ្ឋមន្ត្រី អំពីបច្ចុប្បន្នភាពនៃគម្រោងវិនិយោគរបស់ខ្លួននៅក្នុងប្រទេសកម្ពុជា និងផែនការសម្រាប់អនុវត្តនៅពេលខាងមុខ ដែលកន្លងមកក្រុមហ៊ុនវិនិយោគ សាជីវកម្មស្ពាន និងថ្នល់ចិន បានរួមចំណែកសាងសង់ផ្លូវ និងស្ពានជាច្រើនក្នុងប្រទេសកម្ពុជា ហើយសម្រាប់ពេលខាងមុខ ក្រុមហ៊ុននឹងសាងសង់ផ្លូវល្បឿនលឿនពីភ្នំពេញទៅកាន់ខេត្តព្រះសីហនុ ដែលគ្រោងនឹងបើកការដ្ឋានសាងសង់ក្នុងពេលដ៏ខ្លីខាងមុខនេះ ។ ជាមួយគ្នានេះ ក្រុមហ៊ុនក៏មានគម្រោងសាងសង់ផ្លូវល្បឿនលឿន ពីភ្នំពេញទៅកាន់ព្រំដែន កម្ពុជា-វៀតណាម (បាវិត) និងការស្ថាបនាផ្លូវលេខ១៥-៥១ ដែលតភ្ជាប់ខេត្តកោះកុង ពោធិ៍សាត់ និងខេត្តបាត់ដំបងផងដែរ ។
នៅក្នុងឱកាសនោះ សម្តេចតេជោនាយករដ្ឋមន្ត្រី បានណែនាំឲ្យក្រុមហ៊ុនបើកការដ្ឋានសាងសង់ឲ្យបានឆាប់នូវគម្រោងផ្លូវល្បឿនលឿនភ្នំពេញ-ខេត្តព្រះសីហនុ ដែលបានធ្វើការដោះស្រាយរួចរាល់មកហើយនោះ ។ ចំណែកពាក់ព័ន្ធនឹងផ្លូវដែលត្រូវតភ្ជាប់ចេញពីរាជធានីភ្នំពេញ ភ្ជាប់ជាមួយនឹងផ្លូវល្បឿនលឿន គឺយើងត្រូវសិក្សាជាបន្ទាន់ដើម្បីសាងសង់តភ្ជាប់។ដោយឡែកចំពោះផ្លូវល្បឿនលឿនភ្នំពេញ-បាវិត សម្តេចតេជោបានបញ្ជាក់ថា ក្រុមហ៊ុនត្រូវតែសិក្សា និងជជែកគ្នាបន្ថែមជាមួយស្ថាប័នពាក់ព័ន្ធ ដោយសារមានក្រុមហ៊ុនជាច្រើនបានសិក្សារួមមកហើយនោះ ។
បើតាមគម្រោង ផ្លូវល្បឿនលឿននេះមានប្រវែងជាង១៩០គីឡូម៉ែត្រ ដោយត្រូវស្ថាបនាមាន៤គន្លង, ទទឹងផ្លូវប្រវែង២៤ម៉ែត្រ ក្រាលដោយកៅស៊ូAC, មានសូនច្បារចំកណ្តាល និងមានរបងសងខាង ដែលគ្រោយចំណាយពេលសាងសង់ប្រហែល៤ឆ្នាំ ក្រោមទុនវិនិយោគជិត២ពាន់លានដុល្លារ ។ ផ្លូវនេះ មានស្ពានវែង និងមធ្យមចំនួន៥៦កន្លែង, ស្ពានខ្លី៣៣កន្លែង, ស្ពានរំលងឬផ្លោះផ្លូវ៣២១កន្លែង និងមានកន្លែងឈប់សម្រាកចំនួន៣កន្លែង ។
ផ្លូវល្បឿនលឿននេះ តាមគម្រោងនឹងចាកចេញពីតំបន់អូរដឹមនៃចំណុចប្រសព្វរវាងផ្លូវទៅទំនប់កប់ស្រូវ និងអូសកាត់ផ្នែកខាងស្តាំដៃនៃផ្លូវជាតិលេខ៤ ប្រវែងប្រមាណ៣០គីឡូម៉ែត្រ ទើបផ្លូវនេះងាកមកឆ្វេងដៃវិញរហូតដល់ស្រុកព្រៃនប់ ទើបងាកមកខាងស្តាំដៃវិញរហូតដល់ក្រុងព្រះសីហនុតែម្ដង ។
ក្នុងពិធីសន្និបាតបូកសរុបការងារឆ្នាំ២០១៨ និងលើកទិសដៅការងារ២០១៩ នៅទីស្តីការក្រសួង កាលពីដើមខែនេះ លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានប្រាប់ក្រុមអ្នកសារព័ត៌មានថា នៅខែកុម្ភៈ ឬដើមខែមីនា ការដ្ឋានសាងសង់ផ្លូវល្បឿនលឿនពីភ្នំពេញទៅក្រុងព្រះសីហនុ អាចនឹងដំណើរការហើយ ខណៈគ្រឿងចក្រដែលមានតម្លៃជាង១០០លានដុល្លារ អាចនឹងមកដល់កម្ពុជានៅចុងខែមករានេះ, អ្នកបច្ចេកទេស វិស្វកម្ម ជាង២០០នាក់បានមកដល់ហើយ ដើម្បីបើកការដ្ឋាន ។ លោកទេសរដ្ឋមន្ត្រីថ្លែងថា ៖« ការសាងសង់ផ្លូវល្បឿនលឿនភ្នំពេញ-ក្រុងព្រះសីហនុ នឹងអាចបើកការដ្ឋានសាងសង់នៅអំឡុងខែកុម្ភៈ ឬដើមខែមីនាខាងមុខនេះ » ។
លោកបណ្ឌិត ម៉ី កល្យាណ ប្រធានក្រុមប្រឹក្សាវិទ្យាស្ថានសិក្សាការអភិវឌ្ឍ បានថ្លែងកន្លងមកថា បញ្ហាហេដ្ឋារចនាសម្ព័ន្ធជារឿងប្រឈមមួយក្នុងការអភិវឌ្ឍសេដ្ឋកិច្ចកម្ពុជា ប៉ុន្តែរដ្ឋាភិបាលក្នុងរយៈពេលប៉ុន្មានឆ្នាំចុងក្រោយនេះបានរៀបចំគោលនយោបាយ និងវិនិយោគលើហេដ្ឋារចនាសម្ព័ន្ធយ៉ាងច្រើន ដើម្បីជំរុញកំណើនសេដ្ឋកិច្ចជាតិ ហើយអ្វីដែលរាជរដ្ឋាភិបាលបានធ្វើ គឺស្ថិតក្នុងទិសដៅត្រឹមត្រូវមួយហើយ ។ ទោះយ៉ាងនេះក្ដី លោកស្នើសុំឱ្យមានការពន្លឿនការវិនិយោគលើហេដ្ឋារចនាសម្ព័ន្ធបន្ថែមទៀត ដើម្បីកាត់បន្ថយតម្លៃដើមនៃការដឹកជញ្ជូន ។ លោកថ្លែងថា ៖« វាជារឿងចាំបាច់ដែលត្រូវកសាងហេដ្ឋារចនាសម្ព័ន្ធ ដើម្បីរុញសេដ្ឋកិច្ចកម្ពុជាទៅកាន់ដំណាក់កាលថ្មីមួយទៀត ព្រោះបើចង់ឲ្យសេដ្ឋកិច្ចកម្ពុជាកើនឡើង និងឈានទៅកាន់លំដាប់ថ្មី កម្ពុជាត្រូវការវិនិយោគលើហេដ្ឋារចនាសម្ព័ន្ធបន្ថែមទៀត »៕
នុងពិធីសន្និបាតបូកសរុបការងារឆ្នាំ២០១៨ និងលើកទិសដៅការងារ២០១៩ នៅទីស្តីការក្រសួង កាលពីដើមខែនេះ លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានប្រាប់ក្រុមអ្នកសារព័ត៌មានថា នៅខែកុម្ភៈ ឬដើមខែមីនា ការដ្ឋានសាងសង់ផ្លូវល្បឿនលឿនពីភ្នំពេញទៅក្រុងព្រះសីហនុ អាចនឹងដំណើរការហើយ ខណៈគ្រឿងចក្រដែលមានតម្លៃជាង១០០លានដុល្លារ អាចនឹងមកដល់កម្ពុជានៅចុងខែមករានេះ, អ្នកបច្ចេកទេស វិស្វកម្ម ជាង២០០នាក់បានមកដល់ហើយ ដើម្បីបើកការដ្ឋាន ។
លោកទេសរដ្ឋមន្ត្រីថ្លែងថា ៖« ការសាងសង់ផ្លូវល្បឿនលឿនភ្នំពេញ-ក្រុងព្រះសីហនុ នឹងអាចបើកការដ្ឋានសាងសង់នៅអំឡុងខែកុម្ភៈ ឬដើមខែមីនាខាងមុខនេះ » ។ លោកបណ្ឌិត ម៉ី កល្យាណ ប្រធានក្រុមប្រឹក្សាវិទ្យាស្ថានសិក្សាការអភិវឌ្ឍ បានថ្លែងកន្លងមកថា បញ្ហាហេដ្ឋារចនាសម្ព័ន្ធជារឿងប្រឈមមួយក្នុងការអភិវឌ្ឍសេដ្ឋកិច្ចកម្ពុជា ប៉ុន្តែរដ្ឋាភិបាលក្នុងរយៈពេលប៉ុន្មានឆ្នាំចុងក្រោយនេះបានរៀបចំគោលនយោបាយ និងវិនិយោគលើហេដ្ឋារចនាសម្ព័ន្ធយ៉ាងច្រើន ដើម្បីជំរុញកំណើនសេដ្ឋកិច្ចជាតិ ហើយអ្វីដែលរាជរដ្ឋាភិបាលបានធ្វើ គឺស្ថិតក្នុងទិសដៅត្រឹមត្រូវមួយហើយ ។ ទោះយ៉ាងនេះក្ដី លោកស្នើសុំឱ្យមានការពន្លឿនការវិនិយោគលើហេដ្ឋារចនាសម្ព័ន្ធបន្ថែមទៀត ដើម្បីកាត់បន្ថយតម្លៃដើមនៃការដឹក
ជញ្ជូន ។ លោកថ្លែងថា ៖« វាជារឿងចាំបាច់ដែលត្រូវកសាងហេដ្ឋារចនាសម្ព័ន្ធ ដើម្បីរុញសេដ្ឋកិច្ចកម្ពុជាទៅកាន់ដំណាក់កាលថ្មីមួយទៀត ព្រោះបើចង់ឲ្យសេដ្ឋកិច្ចកម្ពុជាកើនឡើង និងឈានទៅកាន់លំដាប់ថ្មី កម្ពុជាត្រូវការវិនិយោគលើហេដ្ឋារចនាសម្ព័ន្ធបន្ថែមទៀត »៕
ចែករំលែកព័តមាននេះ