ខេត្តបាត់ដំបង ៖ កងការពារព្រំដែនគោកលេខ៥០៣ បូកសរុបប្រចាំឆ្នាំ២០១៨ បន្តឆ្នាំ២០១៩ បន្ទាប់ពីបានបំពេញការងារអស់រយៈពេល១ឆ្នាំកន្លងមក នាព្រឹកថ្ងៃទី២០ ខែមករា ឆ្នាំ២០១៩ អង្គភាពកងព្រំដែនគោកលេខ៥០៣…
ខេត្តបាត់ដំបង ៖ កងការពារព្រំដែនគោកលេខ៥០៣ បូកសរុបប្រចាំឆ្នាំ២០១៨ បន្តឆ្នាំ២០១៩ បន្ទាប់ពីបានបំពេញការងារអស់រយៈពេល១ឆ្នាំកន្លងមក នាព្រឹកថ្ងៃទី២០ ខែមករា ឆ្នាំ២០១៩ អង្គភាពកងព្រំដែនគោកលេខ៥០៣ ស្ថិតនៅភូមិចក់ពួក ឃុំស្លក្រាម ស្រុកអូរជ្រៅ ខេត្តបន្ទាយមានជ័យ ចំណុះឲ្យយោធភូមិភាគទី៥ បានធ្វើការប្រជុំបូកសរុបលទ្ឋផល ការងារយោធា សន្តិសុខឆ្នាំ២០១៨ និងទិសដៅការងារយោធាសន្តិសុខឆ្នាំ២០១៩ ។
ពិធីនេះបានប្រព្រឹត្តទៅក្រោមអធិបតីភាពរបស់លោកឧត្តមសេនីយ៍ទោ អេង ហុង មេបញ្ជាការរងយោធភូមិភាគទី៥ តំណាងលោកឧត្តមសេនីយ៍ឯក ប៊ុន សេង មេបញ្ជាការរងកងទ័ពជើងគោក មេបញ្ជាការយោធភូមិភាគទី៥ នឹងវត្តមានចូលរួមផងដែរ មានលោកឧត្តមសេនីយ៍ត្រី ឃួន ជឿន មេបញ្ជាការកងព្រំដែនលេខ៥០៣ លោកឧត្តមសេនីយ៍ត្រីឈិន រ៉ន មេបញ្ជាការរងតំបន់១ ខេត្តបន្ទាយមានជយ័ លោកឧត្តមសេនីយ៍ត្រី មូល សូភី សេនាធិការរងយោធភូមិភាគទី៥ នឹងអស់លោកមេបញ្ជាការរងកងព្រំដែន មេបញ្ជាការ មេបញ្ជាការរងកងល្បាត អាជ្ញាធរ ស្រុកអូរជ្រៅ ស្រុកថ្មពួក មន្ត្រីនគរបាលព្រំដែន តំណាងអធិការស្រុកអូរជ្រៅ នឹង នាយទាហានជាច្រើនរូបផងដែរ ។
នៅក្នុងមតិស្វាគមន៍ និងរបាយការណ៍បូកសរុបការងារប្រចាំឆ្នាំ២០១៨ ទិសដៅបន្តឆ្នាំ២០១៩ លោកវរសេនីយ៍ទោ ហុង បូផល មេបញ្ជាការរងកងព្រំដែនគោកលេខ៥០៣ បានបញ្ជាក់អោយដឹងថា អង្គភាពកងការពារព្រំដែនគោកលេខ៥០៣ បានយកចិត្តទុកដាក់លើការងារ ពង្រឹងប្រៀបការពារជាតិ កសាង ពង្រឹងអង្គភាព លើគ្រប់វិស័យ ស្វ័យត្រួតពិនិត្យ កំលាំងតាមបណ្តាកងចំណុះ និងជំរុញការកែច្នៃលើកកំពស់ជីវភាពរស់នៅរបស់កងទ័ពឲ្យបានសមរម្យ ។
ក្នុងនោះកងការពារព្រំដែនគោកលេខ៥០៣បានអនុវត្តន៍ជាប្រចាំនូវភារកិច្ច ការពារតាមគោលដៅ ជួរមុខនៃខ្សែបន្ទាត់ព្រំដែន ដែលមានប្រវែង៣៨គីឡូម៉ែត្រ ទទួលខុសត្រូវ និងមាន៦ កងអនុសេនាធំល្បាត និង១កងអនុសេនាធំ ការពារ ទីបញ្ជាការកងព្រំដែនគោកលេខ៥០៣ ។ ព័ត៌មានពិស្តារមានផ្សាយនៅកាសែតកោះសន្តិភាព ៕
ចែករំលែកព័តមាននេះ