«shanghai.ist» របស់ចិនផ្សាយកាលពីពេល ថ្មីៗកន្លងមកថា លោកចាង រៀបការជាមួយនារី៣នាក់ ក្នុងរយៈពេលតែ៣ឆ្នាំអំឡុងពីឆ្នាំ២០១៤ ដល់២០១៦ ។ ប្រពន្ធទាំងបីរស់នៅផ្ទះផ្សេងគ្នា ដោយលោកចាង ជាម្ចាស់ក្រុមហ៊ុនអចលនទ្រព្យ បានទិញផ្ទះឲ្យប្រពន្ធម្នាក់មួយនៅឃ្លាតពីគ្នាប្រហែល១គីឡូម៉ែត្រ ។
លោកចាង ជាមួយប្រពន្ធទាំងបីមានកូនម្នាក់រៀងៗ និងអាចចិញ្ចឹមបីបាច់បានទាំងអស់។ លោកអាចបំភាន់ភ្នែកប្រពន្ធដោយសារយកលេសថា ទៅធ្វើការនៅតាមខេត្ត ។
ក្នុងរយៈពេលមួយសប្ដាហ៍លោកចាង អាចធ្វើដំណើរទៅមកក្នុងផ្ទះទាំង៣បានជាច្រើនលើក។ ជាចុងក្រោយការណ៍សម្ងាត់របស់លោកត្រូវបែកធ្លាយកាលពីឆ្នាំ២០១៨ ធ្វើឲ្យប្រពន្ធទី២ ប្ដឹងប៉ូលិស និងទទួលការចោទប្រកាន់ថា មានប្រពន្ធច្រើននាក់ក្នុងពេលតែមួយជារឿងខុសច្បាប់ ។
ទោះបីជាលោកចាង ជាអ្នកបោកបញ្ឆោតក៏ដោយ ប៉ុន្តែប្រពន្ធទី២ និងទី៣ បានបញ្ជាក់ថា គេជាប្ដីដ៏ល្អ ដោយប្រពន្ធទី២ បានប្រាប់ថាគាត់ជាមនុស្សពូកែបារម្ភ និងយកចិត្តទុកដាក់ ។ មិនតែប៉ុណ្ណោះលោកលាងចានក្រោយពីទទួលទានបាយរួច ។ ចំណែកប្រពន្ធដើមបានដំណើរការលែងលះ និងនៅមិនទាន់ដឹងថាតើសម្ព័ន្ធភាពរបស់ពួកគេបែបណាទេ ?
លោកចាង បញ្ជាក់ថា «ក្រោយពីរឿងរ៉ាវកន្លងផុតខ្ញុំនឹងមើលថាបើនរណាម្នាក់យកចិត្តទុកដាក់លើ ខ្ញុំៗនឹងនៅជាមួយអ្នកនោះ» ៕
ចែករំលែកព័តមាននេះ