០៩:៥៩ | ក្នុងស្រុក
- kspg websites
- info@kspg.co
- 023 987 118
រាជធានីភ្នំពេញ ៖ យោងទៅលើច្បាប់ថវិកាឆ្នាំ២០១៩ ដែលបានអនុម័តរួចហើយនោះ កម្ពុជាគ្រោងនឹងចំណាយ៦,៧ពាន់លានដុល្លារអាមេរិក ដែលមានកំណើន១១,៤% ធៀបនឹងច្បាប់ថវិកាឆ្នាំ២០១៨ ហើយក្នុងនោះដែរ កម្ពុជាមានថវិកាប្រមាណ៨០ភាគរយនៃការចំណាយ និងបានខ្ចីពីបរទេសប្រមាណតែ២០ភាគរយទៀតប៉ុណ្ណោះ ដើម្បីបង្គ្រប់សម្រាប់ការចំណាយប្រចាំឆ្នាំ ។
យោងតាមប្រសាសន៍លោក វង្សី វិស្សុត រដ្ឋលេខាធិការប្រចាំាការនៃក្រសួងសេដ្ឋកិច្ច និងហិរញ្ញវត្ថុ បានថ្លែងនៅក្នុងវេទិកាសាធារណៈស្ដី ពីការគ្រប់គ្រងម៉ាក្រូសេដ្ឋកិច្ច និងថវិកាឆ្នាំ ២០១៩ កាលពីព្រឹកថ្ងៃទី១៥ មករា ថា សម្រាប់ថវិកាដែលកម្ពុជាបានអនុម័តប្រមាណជាង៦,៧ពាន់លានដុល្លារក្នុងឆ្នាំ២០១៩នេះ កម្ពុជាមានថវិកាប្រមាណ៨០ភាគរយហើយ ហើយក៏បានត្រៀមរួចហើយក្នុងការទទួលកម្ចីពីបរទេសប្រមាណ២០ភាគរយទៀត ដើម្បីបង្គ្រប់នូវការខ្វះខាតរបស់ខ្លួន ។
លោកមានប្រសាសន៍ថា ៖« យើងបានត្រៀមខ្លួនរួចហើយ សម្រាប់ច្បាប់ថវិកាឆ្នាំ ២០១៩នេះ ដោយយើងបានខ្ចីពីបរទេស និងស្ថាប័នហិរញ្ញវត្ថុធំៗមកបង្គ្រប់ ដូចជាធនាគារ ពិភពលោក ធនាគារអភិវឌ្ឍន៍អាស៊ី ទីភ្នាក់ងារកិច្ចសហប្រតិបត្តិការជប៉ុន( JICA) និងពីប្រទេសសម្ព័ន្ធមិត្តជាច្រើនទៀត ដូចជាបារាំង ចិន ឥណ្ឌានិងថៃជាដើម » ។ លោកបន្តថា សម្រាប់កម្ចីដែលកម្ពុជាខ្ចីពីបណ្ដាស្ថាប័ន និងប្រទេសទាំងនោះរហូតមកដល់នេះសុទ្ធតែជាកម្ចីមានការអនុគ្រោះទាំងអស់ មិនទាន់មានកម្ចីជាលក្ខណៈពាណិជ្ជកម្មនោះទេ ។
យោងតាមច្បាប់ថវិកាសម្រាប់ឆ្នាំ២០១៩នេះ ចំណូលក្នុងប្រទេសថវិការដ្ឋ ឬថវិកាជាតិ ត្រូវបានគ្រោងប្រមាណ២១.១៨៦ពានលានរៀល ដែលប្រហាក់ប្រហែលនឹង១៩,២៨%នៃផលិតផលក្នុងស្រុកសរុប និងមានកំណើនប្រមាណ១៤% ធៀបនឹងច្បាប់ឆ្នាំ២០១៨ កន្លងទៅ ។ ចំណែកចំណាយសរុបថវិការដ្ឋ ឬថវិកាជាតិ ត្រូវបានគ្រោង ២៧.១៦៤ពាន់លានរៀល ឬប្រមាណ៦,៧ពាន់លានដុល្លារអាមេរិក ស្មើនឹង២៤,៧២% នៃផលិតផលក្នុងស្រុកសរុប និងមានកំណើនប្រមាណ១១,៤% ធៀបនឹងច្បាប់ថវិកាឆ្នាំ ២០១៨ ។
តាមតួលេខដែលធ្វើបទបង្ហាញដោយមន្ត្រីជំនាញនៃក្រសួងសេដ្ឋកិច្ចនិងហិរញ្ញវត្ថុ បានបង្ហាញថា ក្នុងឆ្នាំ២០១៩នេះ បំណុលសាធារណៈក្រៅប្រទេសរបស់កម្ពុជា ត្រូវបានព្យាករណ៍ថា នឹងមានចំនួន៧.៨៩៧,៥១លានដុល្លារ ខណៈឆ្នាំ២០១៨ បើតាមតួលេខចុងក្រោយបង្ហាញថា កម្ពុជាជំពាក់បរទេសមានចំនួន៦.៩០០លានដុល្លារអាមេរិក ។
ទោះយ៉ាងណាក្ដី មន្ត្រីជំនាញបញ្ជាក់ថា កម្ពុជានៅមានលទ្ធភាពគ្រប់គ្រាន់ក្នុងការខ្ចីប្រាក់ពីបរទេសមកអភិវឌ្ឍន៍ប្រទេសជាតិបន្ថែមទៀត ។
ដោយឡែកពាក់ព័ន្ធនឹងបញ្ហាEBA ដែលកំពុងមានការជជែកទាំងក្នុងនិងក្រៅប្រទេស និងជាប្រធានបទក្ដៅមួយសម្រាប់ហានិភ័យសេដ្ឋកិច្ច កម្ពុជា លោកវង្សី វិស្សុត បានលើកឡើងថា កម្ពុជាហាក់មិនមានព្រួយបារម្ភប៉ុណ្ណោះទេ ។ លោកមានប្រសាសន៍ថា ៖« ក្នុងរយៈពេលខ្លី វាអាចនឹងប៉ះពាល់ខ្លះ ក៏ប៉ុន្តែយូរៗទៅ វានឹងធ្វើឲ្យខិតខំបន្ថែម ដូច្នេះ វានឹងធ្វើសេដ្ឋកិច្ចយើងខ្លាំងទៅវិញ » ។ លោកបន្ថែមថា ទោះជាយ៉ាងណា យើងនៅតែបន្តចរចាជាមួយអឺរ៉ុបក្នុងការផ្ដល់ EBA មកកម្ពុជាបន្ថែម ទោះជោគជ័យ ឬមិនជោគជ័យក៏ដោយ ។ វាមិនមែនជារឿងស្លាប់រស់របស់កម្ពុជានោះទេ ទោះអត់វាក៏កម្ពុជាមិនស្លាប់ តែបើមានវា ធ្វើឲ្យកម្ពុជា កាន់តែចំណេញច្រើន ដូច្នេះកម្ពុជា នឹងនៅតែជំរុញការចរចាជាមួយភាគីនោះ ឲ្យអស់លទ្ធភាព ។
យោងតាមលោក លី សូដេត សេដ្ឋវិទូជាន់ខ្ពស់នៃធនាគារពិភពលោកប្រចាំកម្ពុជា បានផ្ដល់ជាទស្សនៈមួយថា កម្ពុជាគួរតែបង្កើនការសន្សំក្នុងស្រុក ដើម្បីវិនិយោគវិញ ប្រសើរជាយកការសន្សំពីការក្រៅប្រទេសមកវិនិយោគ។ ជាក់ស្ដែងបច្ចុប្បន្ននេះ បរទេសបានការសន្សំរបស់គេមកវិនិយោគនៅកម្ពុជា ដូចជាចិន និងកូរ៉េជាដើម។ ម្យ៉ាងទៀត សម្រាប់ឆ្នាំ២០១៩នេះ កម្ពុជាក៏គួរតែប្រយ័ត្នប្រយែងខ្ពស់ក្នុងហានិភ័យ សេដ្ឋកិច្ច ដូចជាប្រយ័ត្នប្រយែងក្នុងការផ្ដល់ហិរញ្ញវត្ថុ ទៅកាន់ប្រជាពលរដ្ឋ និងអ្នកវិនិយោគជាដើម ។
ធនាគារនៃកម្ពុជា ក៏បានចេញជារបាយការណ៍មួយផងដែរពីការប្រយ័ត្នក្នុងការផ្ដល់ហិរញ្ញវត្ថុដែលនាំឲ្យមានវិបត្តិហិរញ្ញវត្ថុ ហើយបណ្ដាប្រតិបត្តិការធនាគារក្នុងស្រុក ក៏បានយល់ស្របទៅនឹងរបាយការណ៍របស់ធនាគារនៃកម្ពុជាផងដែរ ដោយខ្លួននឹងបង្កើនការប្រយ័ត្នឲ្យបានខ្ពស់ក្នុងការផ្ដល់ឥណទានៅកាន់
អតិថិជន ៕
ការស្វែងរកអាហារចិញ្ចឹមជីវិតគឺជាទុក្ខធំមួយ ព្រោះការស្វែងរកអាហារមានការសម្ដែងនៅក្នុងគម្ពីរព្រះអភិធម្មថា សង្វេគវត្ថុមាន៨ប្រការ ១-ជាតិទុក្ខ ២- ជរាទុក្ខ ៣-...
រាជធានីភ្នំពេញ ៖ កម្លាំងនគរបាលនៃអធិការដ្ឋានខណ្ឌដង្កោសហការណ៍ជាមួយតំណាងក្រុមហ៊ុន «អៅវ័រ តិចស្តាយ» ដែលមានទីតាំងស្ថិតនៅក្នុងភូមិធម្មត្រ័យ សង្កាត់ព្រៃស...
ចិន ៖ អាកាសយានដ្ឋានអន្តរជាតិធំបំផុតនៅសៀងហៃ បានធ្លាក់ចូលក្នុងភាពច្របូកច្របល់ភ្លាមៗ នៅយប់ថ្ងៃអាទិត្យ បន្ទាប់ពីអាជ្ញាធរបញ្ជាឱ្យបើកការធ្វើតេស្តរកកូវីដទ្រង់ទ្រាយធំ...
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា បុរស៣នាក់ ក្នុងនោះ២នាក់ត្រូវជាបងប្អូនភ្លោះ និងម្នាក់ទៀតជាមេការសំណង់ បានចេញពីធ្វើការត្រឡប់មកបន្ទប់ជួល...
រាជធានីភ្នំពេញ ៖ សាយ ដែលមានឈ្មោះពិតប្រាកថា លោក អ៊ួន បឋម ជាសិល្បករវ័យក្មេងម្នាក់បានបង្កើតគម្រោងមួយគឺការរត់៩៩ថ្ងៃជុំវិញប្រទេសកម្ពុជា ដើម្បីរៃអង្គាសថវិកា ជួយដល់មន្ទីរពេទ្យ...
ពំនោលខាងលើនេះជាទ្រឹស្តីព្រះពុទ្ធសាសនាដែលនិយាយអំពីការធ្វើទាន ហើយផលដែលត្រូវទទួលអំពីការបំពេញទានប្រៀបបាននឹងកំណប់ទ្រព្យដែលកប់ទុកក្នុងព្រះពុទ្ធសាសនាដោយ...
សហរដ្ឋអាមេរិក ៖ លោកដូណាល់ ត្រាំ បានទទួលយកថា ការផ្លាស់ប្តូរជាផ្លូវការអាចចាប់ផ្តើមសម្រាប់ប្រធានាធិបតីជាប់ឆ្នោតអាមេរិកលោកចូ បៃដិន ចូលកាន់តំណែង។ លោក...
អង់គ្លេស ៖ វាបានក្លាយជាដំណឹងដ៏ល្អ សម្រាប់អ្នកគាំទ្រកីឡា ជាពិសេសកីឡាបាល់ទាត់នៅចក្រភពអង់គ្លេស បន្ទាប់ពីរដ្ឋាភិបាលបានអនុញ្ញាតបើកឱ្យមានអ្នកទស្សនាក្នុង...
រាជធានីភ្នំពេញ ៖ លោកឧត្តមសេនីយ៍ឯក ឡឹក វណ្ណៈ នាយកមន្ទីរប្រឆាំងគ្រឿងញៀន បានឲ្យដឹងថា កាលពីវេលាម៉ោង២និង៣៥នាទីរសៀលថ្ងៃទី២២ ខែវិច្ឆឹកា ឆ្នាំ២០២០ កម្លាំងសមត្ថ...
វិធីបដិបត្តិកម្ចាត់សេចក្តីក្រោធ ដោយអាស្រ័យការឲ្យទាន គឺត្រូវយកទ្រព្យសម្បត្តិរបស់ខ្លួន ឲ្យដល់មនុស្សដែលខឹងក្រោធ ឬស្អប់នោះ ក៏អាចរំសាយអារម្មណ៍ដែលធ្លាប់តែកង...
រាជធានីភ្នំពេញ ៖ នាថ្ងៃទី២៤ វិច្ឆិកា ឆ្នាំ២០២០ នេះ បានព្យាបាលជាសះស្បើយម្នាក់ និងគ្មានអ្នកឆ្លងជំងឺកូវីដថ្មីនោះទេ ។ ក្រសួងសុខាភិបាលបានបញ្ជាក់ឱ្យដឹង...
អេស្ប៉ាញ ៖ ប្រធានក្រុម Lionel Messi ត្រូវបានដកឈ្មោះចេញពីបញ្ជីក្រុម Barcelona ក្នុងដំណើរទៅកាន់ប្រទេសអ៊ុយក្រែន ដើម្បីត្រៀមប៉ះក្រុម Dynamo Kyiv នៅការប្រកួតវគ្គជម្រុះក្នុងពូលក្រប...
ខេត្តពោធិ៍សាត់ ៖ ព្រឹកថ្ងៃអាទិត្យ ទី២២ ខែវិច្ឆិកា ឆ្នាំ២០២០ ក្រុមការងារគ្រប់គ្រងនិស្សិតនៃសមាគមសិស្ស-និស្សិតអាហារូបករណ៍សម្តេចតេជោ ហ៊ុន សែន និងសម្ដេចកិត្តិព្រឹទ្ធ...
រាជធាណីភ្នំពេញ ៖ ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលរាជធានីភ្នំពេញ ពិនិត្យឃើញថា កាលពីថ្ងៃទី២១ ខែវិច្ឆិកា ឆ្នាំ២០២០ កន្លងទៅ មានករណីចោរកម្ម...
រាជធានីភ្នំពេញ ៖ បុរសម្នាក់មានជំងឺប្រចាំកាយមកសម្រាកផ្ទះបងបង្កើតដើម្បីព្យាបាលជំងឺ បែរជាសម្រេចចិត្តចងកសម្លាប់ខ្លួន បង្កឲ្យមានការភ្ញាក់ផ្អើលកាលពីវេលាម៉ោង៧...
ខេត្តតាកែវ ៖ ក្រោយពីមហាជនមានការចាប់អារម្មណ៍ និងគាំទ្រដែលកន្លងមកបានយកផ្លៃដូងមកកែច្នៃធ្វើជារបស់ប្រើប្រាស់ ដែលនៅក្នុងប្រទេសកម្ពុជាយើងមិនធ្លាប់មានរួចមក...
រាជធានីភ្នំពេញ ៖ បច្ចុប្បន្នសុខ ពិសី មិនលេចឮរឿងចង់ប្ដូរផលិតកម្មដូចគេទេ ខណៈនៅផលិតកម្មសាន់ដេ មានអ្នកចាកចេញជាបន្តបន្ទាប់ ។ សុខ ពិសី មិនចាកចេញ និងមានបទថ្មីជា...
សហរដ្ឋអាមេរិក ៖ ប្រធានាធិបតីជាប់ឆ្នោតអាមេរិកលោកចូបៃដិននឹងលាតត្រដាងមនុស្សដំបូងៗនៃរដ្ឋាភិបាលលោក ចាប់ពីថៃ្ងទី២៤ វិច្ឆិកា ទៅ ខណៈសល់ពេល២ខែទៀតលោកនឹង...
ខេត្តស្វាយរៀង ៖ មហាជនអបអរសាទរដែលសមត្ថកិច្ចឆ្មក់បង្ក្រាបល្បែង ជាពិសេសល្បែងកន្ទុយលេខ (កន្ទុយលេខវៀតណាម កន្ទុយលេខខ្មែរ) ជ្រកក្រោមស្លាកឆ្នោតជាតិជាច្រើនដែលមាន...
សហរដ្ឋអាមេរិក ៖ ស្តេចខ្មោច The Undertaker បានឈានជើងជាន់សង្វៀនកីឡាកាសជាលើកចុងក្រោយក្នុងពិធីលាអ្នកគាំទ្រ ដើម្បីបញ្ជាក់អំពីការចូលនិវត្តន៍ពីស្ថានប័ន WWE បន្ទាប់ពីរួមរស់...
