ខេត្តតាកែវ ៖ ដំណាំកញ្ឆាជាច្រើនដើមត្រូវបានកំលាំងនគរបាលស្រុកគីរីបើកយុទ្ធនាការកាប់ និងដុតបំផ្លាញចោលកាលពីវេលាម៉ោង៧និង៣០នាទីព្រឹកថ្ងៃទី១៦ ខែមករា ឆ្នាំ២០១៩ ។ លោកវរសេនីយ៍ឯក យ៉ុគ សារ៉ាត់…
ខេត្តតាកែវ ៖ ដំណាំកញ្ឆាជាច្រើនដើមត្រូវបានកំលាំងនគរបាលស្រុកគីរីបើកយុទ្ធនាការកាប់ និងដុតបំផ្លាញចោលកាលពីវេលាម៉ោង៧និង៣០នាទីព្រឹកថ្ងៃទី១៦ ខែមករា ឆ្នាំ២០១៩ ។
លោកវរសេនីយ៍ឯក យ៉ុគ សារ៉ាត់ អធិការនគរបាលស្រុកគីរីវង់បានអោយដឹងថា ក្រោមការណែនាំពីលោកឧត្តមសេនីយ៍ទោ សុខ សំណាង ស្នងការនគរបាលខេត្ត កម្លាំងនគរបាល បានចុះរុករកកាប់ និងដុតបំផ្លាញដំណាំកញ្ឆាដែលជនខិលខូចលួចដាំដោយខុសច្បាប់ បានចំនួន៦ទីតាំង ស្មើនឹង២១១៥ដើម នៅចំណុអាងស្តុបទឹក១អាង, នៅចំណុចខ្នងបន្ទាយ និងនៅចំណុចអង់តែន ស្ថិតក្នុងភូមិជ្រោយ ឃុំព្រះបាទជាន់ជុំ ស្រុកគិរីវង ខេត្តតាកែវ ដែលមានផ្ទៃដីប្រមាណ១៥៧០ម៉ែត្រការ៉េ ។
លោកអធិការនគរបាលស្រុកបានបញ្ជាក់ថា នៅពេលនេះជំនាញកំពុងកសាងសំណុំរឿង និងស្រាវជ្រាវស្វែងរកម្ចាស់ជាអ្នកដាំដំណាំកញ្ឆាដើម្បីយកមកផ្តន្ទាទោសតាមច្បាប់។
ដោយសារនៅទីផ្សារងងឹតក្នុងប្រទេសវៀតណាមមានហាងឆេងល្អនោះ ក្រុមជនសង្គមងងឹតបានដើបំផុសដល់ប្រជាពលរដ្ឋលួចលាក់ដាំដោយប្រើគ្រប់រូបភាព ។
ក្រុមជនសង្គមងងឹតយកដំណាំកញ្ឆាក្រៀមទៅលក់ដល់ដីវៀតណាមក្នុង១គីឡូក្រាមតម្លៃ៥លានដុង ស្មើនឹង១លានរៀលលុយខ្មែរ ។
បើយើងមើលទីតាំងដែលប្រជាពលរដ្ឋលួចដាំដំណាំកញ្ឆានេះ យើងពិបាកនឹងរុករក ព្រោះនៅលើភ្នំមានលក្ខណៈស្មុគស្មាញបំផុត តែទោះបីជាយ៉ាងណា សមត្ថកិច្ចយើងនៅតែបន្តស្រាវជ្រាវដក និងដុតបំផ្លាញដំណាំកញ្ឆាដែលដាំដោយខុសច្បាប់នេះឱ្យដូចភ្លៀងរលឹម៕
ចែករំលែកព័តមាននេះ