បើទោះបីជាអ្នកកំពុងតែស្ថិតនៅក្នុងស្ថានភាពជីវិតបែបណាក៏ដោយ អ្នកអាចយកដំបូន្មានទាំងនេះទៅអនុវត្តបាន ដើម្បីឱ្យជីវិតកាន់តែប្រសើរ ព្រោះវាសុទ្ធតែជាអ្វី ដែលអ្នកមានលុយស្តុកស្តម្ភអប់រំដល់កូនៗរបស់ពួកគេ ។ ១. យល់ពីរបៀបប្រើលុយ ៖ ម្តាយឪពុកអ្នកមាន…
បើទោះបីជាអ្នកកំពុងតែស្ថិតនៅក្នុងស្ថានភាពជីវិតបែបណាក៏ដោយ អ្នកអាចយកដំបូន្មានទាំងនេះទៅអនុវត្តបាន ដើម្បីឱ្យជីវិតកាន់តែប្រសើរ ព្រោះវាសុទ្ធតែជាអ្វី ដែលអ្នកមានលុយស្តុកស្តម្ភអប់រំដល់កូនៗរបស់ពួកគេ ។
១. យល់ពីរបៀបប្រើលុយ ៖ ម្តាយឪពុកអ្នកមាន តែងតែយករឿងប្រើប្រាស់លុយជាធំ សម្រាប់អប់រំដល់កូនៗរបស់ពួកគេ ដោយសារតែវាជារឿងសំខាន់ ដែលត្រូវគិតគូរ ដើម្បីឱ្យកូនៗរបស់គេចាយលុយចេះគិត និងចាយឱ្យត្រូវកន្លែង ហើយជៀសវាងការចាយផ្តេសផ្តាស់ ។ ផ្ទុយពីអ្នកក្រត្រង់ថា អ្នកក្រមិនបានប្រាប់កូនៗរបស់ពួកគេពីរបៀបគេរកលុយ ឬចំណូលដែលគេបានមកនោះទេ ។ គេលើកយករឿងនេះមកនិយាយ តែពេលណាកូនពួកគេទារលុយចាយច្រើនៗប៉ុណ្ណោះ ។
២. ភាពខុសគ្នារវាងរបស់បង្កើនទ្រព្យ និង របស់យកលុយចេញពីហោប៉ៅ ៖ អ្នកក្រមិនបានដឹងពីការចាយលុយឱ្យចំចំណុចនោះទេ។ គេមិនដឹងថា ចាយលើអ្វីចំណេញទៅថ្ងៃក្រោយ ហើយចាយលើអ្វីធ្វើឱ្យកាន់តែខាតនោះទេ ។ កូនៗរបស់គេ ក៏មិនបានទទួលការអប់រំពីបញ្ហានេះដែរ ។
ចំពោះអ្នកមានវិញ គេតែងប្រាប់កូនៗពីរបៀបយកប្រាក់ទៅបង្កើតប្រាក់ តាមរយៈការវិនិយោគ ការទិញអចលនទ្រព្យ និង ការចំណាយទៅលើការអប់រំ ជាដើម។ វាផ្ទុយពីអ្នកក្រ ត្រង់ថា ពួកគេមិនបានយកលុយទៅទិញភាពហ៊ឺហារជាមុនទេ ។ គេត្រូវតែយកលុយបង្កើតលុយសិន ទើបហ៊ឺហារជាក្រោយ ។
៣. ការចុះសម្រុងក្នុងសង្គម និងទំនាក់ទំនង ៖ មនុស្សជោគជ័យជាច្រើនបង្រៀនកូនរបស់ពួកគេឱ្យចេះរបៀបរាប់អានមនុស្សក្នុងសង្គម តាំងពីមុនអាយុ៤ឆ្នាំ។ នេះគឺមិនមែននិយាយលេងសើចនោះទេ ។
នេះគឺស្រួលបកស្រាយណាស់។ ប្រសិនបើក្មេងម្នាក់ពូកែរាប់អានមនុស្សជុំវិញខ្លួន នោះនឹងមានក្មេងៗជាច្រើនអ្នកទៀតមករាប់អានរូបគេ។ លុះដល់ពេលកាន់តែចម្រើនវ័យទៅ កូនរបស់គេនឹងកាន់តែមានអ្នករាប់រកកាន់តែច្រើន ។
៤. បង្កើនចំណូល ជំនួសឱ្យការបន្ថយចំណាយ ៖ អ្នកមានតែងប្រាប់កូនៗឱ្យយល់ពីរបៀបប្រើលុយ ។ គេមិនឱ្យកូនរបស់គេគិតតែខំសន្សំនោះទេ ។ អ្វីដែលធ្វើឱ្យមនុស្សអាចមានស្តុកស្តម្ភបាន គឺមកពីចំណូលរបស់ពួកគេច្រើនរាប់មិនអស់ ។ ការសន្សំតែមួយមុខ នឹងមិនអាចគ្រប់ឱ្យយើងក្លាយជាអ្នកមានបានទេ ។ ដូច្នេះពួកគេតែងប្រាប់កូនឲ្យចេះបង្កើនចំណូលតាមរយៈប្រើលុយបង្កើតលុយ ។
៥.ចំណេះដឹងគឺមានតម្លៃជាងលុយ ទៅថ្ងៃមុខ ៖ ដូចពាក្យចាស់និយាយអីចឹង៖ « ចំណេះជាអាហារ ប្រាជ្ញាជាអាវុធ »។ អ្នកមានតែងឱ្យកូនរបស់ពួកគេរៀនឱ្យចេះច្រើនជំនាញ ទាំងក្នុងសាលា និងក្រៅសាលា ព្រោះថាកាលបើមានចំណេះ ចំណូលនឹងចាប់ផ្តើមមានហើយ ក្រោយយកចំណេះទៅប្រើប្រាស់។ អ្នកក្រវិញមិនគិតដូច្នោះទេ ពួកគេសុខចិត្តយកលុយទិញរបស់ល្អៗឱ្យកូនប្រើ ជាងការបង់ថ្លៃសាលាល្អៗឱ្យកូនរៀន ៕
ចែករំលែកព័តមាននេះ