តាមប្រភពពី Oddity Central បានឱ្យដឹងថា ក្មេងប្រុសម្នាក់បច្ចុប្បន្នត្រូវបានធ្លាក់ខ្លួនពិការ ក្រោយពីធ្វើការវះកាត់លក់តម្រងនោមម្ខាងដល់ទីផ្សារងងឹត កាលពីឆ្នាំ២០១១ ដើម្បីតែចងទិញ iPhone4 ។
Xiao Wang កាលពីឆ្នាំ២០១១ គឺមានអាយុ១៧ឆ្នាំ បានសម្រេចចិត្តលក់តម្រងនោមរបស់ខ្លួនម្ខាង ដើម្បីយកលុយទៅទិញទូរស័ព្ទ iPhone4 ។ កាលនោះ គ្រូពេទ្យប្រាប់គេថា មិនអីនោះទេ បើទោះជារស់នៅជាមួយនឹងតម្រងនោមតែម្ខាងក៏ដោយ ។ ស្រាប់តែ៨ឆ្នាំក្រោយមក (២០១៩) យុវជនអាយុ២៤ឆ្នាំ រូបនេះ បានធ្លាក់ខ្លួនពិការដេកនៅលើគ្រែ រស់ដោយពឹងផ្អែកលើការលាងឈាម ។
ហេតុតែពេលនោះ Wang ចង់បានទូរស័ព្ទដៃថ្មីមួយ ទុកអួតគេនៅសាលាក្នុងខេត្ត Chengzhou ប្រទេសចិន តែគ្មានលុយសម្រាប់ទិញ ក៏សម្រេចចិត្តទៅទាក់ទីផ្សារងងឹត ដើម្បីលក់តម្រងនោម។ ការវះកាត់ធ្វើឡើងនៅក្នុងមន្ទីរពេទ្យខុសច្បាប់មួយក្នុងខេត្ត ហើយបានផ្តល់ប្រាក់ថ្លៃតម្រងនោមចំនួន ៣២០០ដុល្លារ ដែលលើសពីគ្រប់សម្រាប់តម្លៃ iPhone4 មួយគ្រឿង។ តែការសម្រេចចិត្តនេះ គឺពិតជាឆ្កួតមែនទែន ។
ពេលនេះ Wang បានធ្លាក់ខ្លួនឈឺធ្ងន់ ដោយសារតែតម្រងនោមម្ខាង ដែលនៅសល់ មានការបង្ករោគ ហើយខូចទាំងស្រុង។ រូបគេត្រូវដេកនៅលើគ្រែ ហើយពឹងផ្អែកលើការលាងឈាម ដើម្បីរស់។ ក្រុមគ្រួសាររបស់គេមានលុយលាងឈាម ក្រោយពីដាក់ពាក្យប្តឹងមន្ទីរពេទ្យខុសច្បាប់មួយនោះ និង គ្រូពេទ្យដែលបានវះ Wang ហើយទទួលបានប្រាក់សំណងចំនួន៣២ម៉ឺនដុល្លារអាមេរិក។
លុយមិនសំខាន់ទេ ពេលនេះអ្វីដែលសំខាន់ គឺថាជីវិតយុវជនអាយុ២៤ឆ្នាំនេះ នឹងមិនដឹងជាទៅយ៉ាងណានៅថ្ងៃមុខនេះ ដោយសារតែ iPhone មួយគ្រឿងប៉ុណ្ណោះ ។
ចែករំលែកព័តមាននេះ