បិទសារឆ្លើយឆ្លងសម្តេចតេជោប្រកាសជំហរឈប់និយាយសារនយោបាយតបនឹងលោក សម រង្ស៊ី
- ភ្នំពេញ
រាជធានីភ្នំពេញ ៖ ជាថ្មីម្តងទៀត ទោះបីជាមិនបញ្ចេញចំឈ្មោះលោក សម រង្ស៊ី ក្តីសម្តេច តេជោ ហ៊ុន សែន…
រាជធានីភ្នំពេញ ៖ ជាថ្មីម្តងទៀត ទោះបីជាមិនបញ្ចេញចំឈ្មោះលោក សម រង្ស៊ី ក្តីសម្តេច តេជោ ហ៊ុន សែន នាយករដ្ឋមន្ត្រីបានអះអាងឈប់និយាយសារនយោបាយតបតទៀតទេ ។
ការអះអាងរបស់សម្តេចតេជោ ហ៊ុន សែន នេះ ខណៈដែលលោក សម រង្ស៊ី អតីតប្រធានគណបក្សសង្គ្រោះជាតិចេះតែធ្វើការរិះគន់មកលើសម្តេចតេជោ ជារឿយៗមិនចេះដាច់ ។ ក្នុងពិធីសំណេះសំណាលជាមួយកម្មករនៅខេត្តតាកែវ នាព្រឹកថ្ងៃទី៩ ខែមករា ឆ្នាំ ២០១៩ សម្តេចតេជោ ហ៊ុន សែន បានបញ្ជាក់យ៉ាងដូច្នេះថា «នយោបាយខ្ញុំអត់និយាយទៀតទេ ព្រោះថា ខ្ញុំបាននិយាយអស់ហើយ ។
ខ្ញុំបាននិយាយអស់ហើយ! ហើយសុំឲ្យអ្នកដទៃទៀតស្តាប់ ឬមិនបានអានពេលមុន ទៅតាមដំណើរទៅអាពេលមុន ខ្ញុំមិនតមាត់ជាមួយអ្នកណាទៀតទេ » ។ សម្តេចក៏បានលើកឡើងថាកាលពីដើមឆ្នាំ២០០៤ មិនអាចបង្កើតរាជរដ្ឋាភិបាលខ្ញុំបានប្រាប់ទៅលោក ញឹក ប៊ុនឆៃ ថា ឆៃឯងប្រាប់ទៅគណបក្សលោក ឆៃ ទៅ ថា ភាសារយោធា បើនិយាយស្តាប់គ្នាមិនបានមានតែ អាញ់ឈប់និយាយរកហ្ហែង ។
ជាមួយគ្នានោះដែរនោះសម្តេចតេជោក៏បានឲ្យប្រជាពលរដ្ឋរង់ចាំតាមដានមើលសភាពការណ៍នៅកម្ពុជាទៅដល់កម្រិតណាផងដែរ ។ សម្តេចបញ្ជាក់ថា «ចាំមើលសភាពការណ៍ខ្មែរទៅដល់ណាហ្ហែងធ្វើអីធ្វើទៅ ។ យើងមិនធ្វើអីទេក្មួយៗអើយ តែសុំបង្កើតអារឿង«…» ប៉ុន្តែរឿងដដៃទៀតមានវិស័យកសិកម្ម កំពុងរីកលូតលាស់ ហើយវិស័យឧស្សាហកម្មក៏កំពុងរីកលូតលាស់ និងវិស័យសេវាក៏កំពុងរីកលូតលាស់» ។
សម្តេចក៏បានលើកឡើងថា ប្រសិនបើប្រទេសកម្ពុជាក៏មិនមានការរីកចម្រើន និងសន្តិភាពពេញលេញទេក៏បរទេសមកទស្សនានៅកម្ពុជាច្រើននោះទេ ។
គួរឮកថា ការបញ្ជាក់ជំហររបស់សម្តេចតេជោក្រោយពីសម្តេចបានផ្ញើទៅកាន់លោក សម រង្ស៊ីកាលពីចុងឆ្នាំ២០១៨ កន្លងមកយ៉ាងច្រើន ពិសេសនោះពាក់ព័ន្ធ និងការវិលចូលស្រុករបស់លោក សម រង្ស៊ី បានប្រកាសស្វាគមន៍ ប៉ុន្តែត្រូវជាប់គុក ។
សម្តេចក៏បានប្រកាសប្រាប់លោក សម រង្ស៊ី ព្រលានយន្តហោះដែលរង់ចាំដឹកលោក សម រង្ស៊ីចូលស្រុកខ្មែរផងដែរ ។ ជាងនេះសម្តេចក៏ប្រកាសឲ្យខាងជើងអាកាសចរណ៍ស៊ីវិលទាំងអស់កុំធ្វើការហាមឃាត់ លោក សម រង្ស៊ី ក្នុងវិលចូលស្រុកខ្មែរឲ្យសោះ ។
សូមជម្រាបផងដែរ កាលពីចុងឆ្នាំ២០១៨ លោក សម រង្ស៊ី អតីតប្រធានគណបក្សប្រឆាំងបានប្រកាសនឹងវិលចូលស្រុកវិញ នៅឆ្នាំ២០១៩នេះ ប៉ុន្តែលោកមិនបានបញ្ជាក់កាលបរិច្ឆេទ ច្បាស់លាស់នោះទេ ។ តែគេនៅចាំបានថាលោក សម រង្ស៊ី បានប្រកាសជាច្រើនលើកមកហើយថា លោកនឹងចូលស្រុក ប៉ុន្តែគេមិនឃើញមេបក្សប្រឆាំងនេះចូលមកស្រុកដូចការនិយាយនោះទេ ៕
ចែករំលែកព័តមាននេះ