រាជធានីភ្នំពេញ ៖ បុរសជាជនបរទេសម្នាក់មានរបួសដៃជើង និងមកដេកដួលនៅមុខស្ថានទូតតួគី ត្រូវបានប្រជាពលរដ្ឋសង្ស័យថាមានគេវាយធ្វើបាប ឬអាចវាយយកលុយ បង្កការភ្ញាក់ផ្អើលដល់សមត្ថកិច្ចចុះមកអន្តរាគមន៍សួរនាំទើបដឹងថាបុរសជាជនបរទេសខាងលើអត់មានលុយបង់ថ្លៃអូតែល ដែលហេតុការណ៍នេះបានកើតឡើងកាលពីវេលាម៉ោង១១យប់ថ្ងៃទី៨ ខែមករា ឆ្នាំ២០១៩…
រាជធានីភ្នំពេញ ៖ បុរសជាជនបរទេសម្នាក់មានរបួសដៃជើង និងមកដេកដួលនៅមុខស្ថានទូតតួគី ត្រូវបានប្រជាពលរដ្ឋសង្ស័យថាមានគេវាយធ្វើបាប ឬអាចវាយយកលុយ បង្កការភ្ញាក់ផ្អើលដល់សមត្ថកិច្ចចុះមកអន្តរាគមន៍សួរនាំទើបដឹងថាបុរសជាជនបរទេសខាងលើអត់មានលុយបង់ថ្លៃអូតែល ដែលហេតុការណ៍នេះបានកើតឡើងកាលពីវេលាម៉ោង១១យប់ថ្ងៃទី៨ ខែមករា ឆ្នាំ២០១៩ តាមបណ្តោយផ្លូវ២៥៤ នៅចំណុចមុខស្ថានទូតតួគី ស្ថិតនៅក្នុងសង្កាត់ចតុមុខ ខណ្ឌដូនពេញ ។
តាមប្រភពពត៌មានពីសមត្ថកិច្ចខណ្ឌដូនពេញបានអោយដឹងថា មុនពេលកើតហេតុ ប្រជាពលរដ្ឋធ្វើដំណើរឆ្លងកាត់បានរាយការណ៍ប្រាប់ថា ប្រទះឃើញបុរសម្នាក់ជាជនជាតិតួគី មានវ័យប្រមាណពី៣៤ទៅ៣៥ឆ្នាំ មិនស្គាល់អត្តសញ្ញាណ ហើយមិនដឹងថាគាត់មានបញ្ហាអ្វីនោះទេ តែត្រូវបានប្រជាពលរដ្ឋសង្ស័យថាមានគេវាយធ្វើបាប ឬវាយយកលុយ និងសម្ភារៈអ្វីផ្សេងៗបានជាធ្វើឱ្យបុរសជាជនជាតិទួកគីខាងមានរបួសដៃជើង និងមកដេកដួលនៅមុខស្ថានទូកតួគី ។
បន្ទាប់មកប្រជាពលរដ្ឋបានរាយការណ៍ទៅសមត្ថកិច្ចចុះមកសួរនាំ បុរសជនជាតិតួគីនោះបានប្រាប់ថា គាត់អត់មានលុយបង់អូតែល ហើយគាត់ចង់អោយខាងស្ថានទូតជួយដោះស្រាយ ។
ក្រោយពេលកើតហេតុ ខាងស្ថានទូតក៏បានជួយដោះស្រាយ ដោយខាងបុរសជាជនជាតិតួគីនោះសុំលុយតែ១៥ដុល្លារតែប៉ុណ្ណោះ ហើយខាងស្ថានទូតក៏យល់ព្រម និងដឹកគាត់យកទៅអូតែលរបស់គាត់ដើម្បីសំរាកផងដែរ ៕
ចែករំលែកព័តមាននេះ