សម្ដេចព្រះមហាអរិយវង្ស បណ្ឌិត យ៉ន សេងយៀត ព្រះសាកលវិទ្យាធិការពុទ្ធិកសាកលវិទ្យាល័យព្រះសីហនុរាជ និងជាព្រះចៅអធិការវត្តឧណ្ណាលោមផ្ទាល់ បានចែករំលែកនៅលើបណ្តាញសង្គម នៅថ្ងៃទី០៨ ខែតុលា ឆ្នាំ២០២៥ថា…
សម្ដេចព្រះមហាអរិយវង្ស បណ្ឌិត យ៉ន សេងយៀត ព្រះសាកលវិទ្យាធិការពុទ្ធិកសាកលវិទ្យាល័យព្រះសីហនុរាជ និងជាព្រះចៅអធិការវត្តឧណ្ណាលោមផ្ទាល់ បានចែករំលែកនៅលើបណ្តាញសង្គម នៅថ្ងៃទី០៨ ខែតុលា ឆ្នាំ២០២៥ថា វត្តឧណ្ណាលោមនឹងក្លាយជាអារាមទេសចរណ៍គំរូមួយដើម្បីផ្សព្វផ្សាយសាសនា និងលើកកម្ពស់ទេសចរណ៍កម្ពុជា ។
សម្ដេចព្រះមហាអរិយវង្ស បណ្ឌិត យ៉ន សេងយៀត បានចែករំលែកថា គម្រោងនេះ គឺជាគម្រោងមួយដែល សហការរវាងវត្តឧណ្ណាលោម និងសមាគមទេសចរណ៍កម្ពុជា សំដៅជំរុញការផ្សព្វផ្សាយអំពីព្រះពុទ្ធសាសនាផង និងដើម្បីបន្ថែមជម្រើសដល់ភ្ញៀវទេសចរអន្តរជាតិ។
មកដល់ពេលនេះ វត្តឧណ្ណាលោម ត្រូវបានគេដឹងថា ជាវត្តដ៏ចំណាស់មួយនៅក្នុងប្រទេសកម្ពុជា ជាពិសេស គឺនៅរាជធានីភ្នំពេញ ។ វត្តមាននេះ មានរតនៈវត្ថុជាប្រវត្តិសាស្ត្រជាច្រើន ដូជជាកុដិអាយុ១០០ឆ្នាំ ព្រះស្រកាលេញអាយុជាង៦០០ឆ្នាំ និងប្រាសាទដ៏ចំណាស់មួយផងដែរ ។
នៅក្នុងនាមជាសម្តេចសង្ឃបណ្ឌិត ដែលមានចំណេះនិងជំនាញខាងផ្លូវលោកមួយអង្គ សម្ដេចព្រះមហាអរិយវង្ស កាលពីពេលថ្មីៗនេះក៏ធ្លាប់មានថេរដិកាអំពីតម្លៃសេដ្ឋកិច្ចនៅក្នុងវិស័យពុទ្ធចក្រផងដែរ ។
សម្តេចសង្ឃបណ្ឌិតបានមានថេរដិកាបន្តថា វិស័យពុទ្ធសាសនាមានតម្លៃ និងតួនាទីសំខាន់ណាស់នៅក្នុងសង្គម និងសេដ្ឋកិច្ច ជាក់ស្តែង គ្រាន់តែពាក់ព័ន្ធនឹង ជីវរ និងរបស់ប្រើប្រាស់របស់ព្រះសង្ឃ មួយឆ្នាំមានតម្លៃប្រមាណជា៨លានដុល្លារដែរ ។ ក្រៅពីការចំណាយទាំងនេះ នៅមានការចំណាយផ្សេងៗទៀតជាច្រើន ដែលសុទ្ធតែមានតម្លៃខាងផ្នែកសេដ្ឋកិច្ច ។
ចែករំលែកព័តមាននេះ