ស្លឹកក្រូចសើចជាគ្រឿងផ្សំដ៏ពេញនិយមក្នុងម្ហូបអាហារខ្មែរ។ ប៉ុន្តែក្រៅពីផ្តល់រសជាតិឈ្ងុយឆ្ងាញ់ហើយ ស្លឹកក្រូចសើចក៏មានអត្ថប្រយោជន៍សុខភាពដ៏អស្ចារ្យជាច្រើនដែលអ្នកប្រហែលជាមិនធ្លាប់ដឹង។ តោះមកមើលទាំងអស់គ្នាថា តើស្លឹកក្រូចសើចអាចជួយអ្វីខ្លះបាន៖ ១. ជួយដល់បញ្ហាក្រពះពោះវៀនប្រសិនបើអ្នកមានបញ្ហា ហើមពោះ ឬ មានឧស្ម័នច្រើន…
ស្លឹកក្រូចសើចជាគ្រឿងផ្សំដ៏ពេញនិយមក្នុងម្ហូបអាហារខ្មែរ។ ប៉ុន្តែក្រៅពីផ្តល់រសជាតិឈ្ងុយឆ្ងាញ់ហើយ ស្លឹកក្រូចសើចក៏មានអត្ថប្រយោជន៍សុខភាពដ៏អស្ចារ្យជាច្រើនដែលអ្នកប្រហែលជាមិនធ្លាប់ដឹង។ តោះមកមើលទាំងអស់គ្នាថា តើស្លឹកក្រូចសើចអាចជួយអ្វីខ្លះបាន៖
១. ជួយដល់បញ្ហាក្រពះពោះវៀន
ប្រសិនបើអ្នកមានបញ្ហា ហើមពោះ ឬ មានឧស្ម័នច្រើន សូមសាកល្បងហាន់ស្លឹកក្រូចសើចរួចយកទៅស្ងោរផឹកជាមួយទឹកក្តៅឧណ្ហៗក្រោយពេលបាយ។ សារធាតុក្នុងស្លឹកក្រូចសើចនឹងជួយបណ្តេញឧស្ម័នចេញពីពោះវៀន និងកាត់បន្ថយអាការៈមិនស្រួលខ្លួន។
២. បំបាត់ក្លិនមាត់ និងក្លិនខ្លួន
ស្លឹកក្រូចសើចមានប្រេងសំខាន់ៗដែលជួយសម្លាប់បាក់តេរី។ គ្រាន់តែទំពារស្លឹកក្រូចសើចស្រស់ៗមួយសន្លឹក ក្លិនមាត់មិនល្អរបស់អ្នកនឹងបាត់ទៅវិញភ្លាមៗ ដោយមិនចាំបាច់ប្រើទឹកខ្ពុរមាត់ឡើយ។ វាថែមទាំងអាចជួយកាត់បន្ថយក្លិនខ្លួនទៀតផង។
៣. បំបាត់ក្អក និងស្លេស្ម
ស្លឹកក្រូចសើចក៏ជាឱសថបុរាណដ៏ពូកែសម្រាប់ព្យាបាលអាការៈក្អក និងស្លេស្មដែរ។ អ្នកអាចដាំស្លឹកក្រូចសើចជាមួយខ្ញី និងក្រូចឆ្មារ រួចផឹកនៅពេលដែលអ្នកឈឺបំពង់ក ឬមានស្លេស្ម។ វាអាចជួយសម្អាតបំពង់ករបស់អ្នកបានយ៉ាងមានប្រសិទ្ធភាពដោយមិនបាច់ប្រើថ្នាំ។
៤. ជួយកាត់បន្ថយភាពតានតឹង
ក្លិនក្រអូបរបស់ស្លឹកក្រូចសើចអាចជួយឱ្យអ្នកមានអារម្មណ៍ធូរស្រាល និងស្រស់ស្រាយ។ គ្រាន់តែហែកស្លឹកក្រូចសើចថ្នមៗ រួចស្រូបក្លិនវា អ្នកនឹងមានអារម្មណ៍ល្អឡើងវិញភ្លាមៗ។ អ្នកអាចដាក់វានៅក្នុងបន្ទប់គេង ឬក្នុងឡានដើម្បីបន្សាបក្លិន និងផ្តល់អារម្មណ៍ស្រស់ស្រាយដល់អ្នក។
៥. ថែទាំសម្រស់
ទឹកស្លឹកក្រូចសើច ឬម្សៅស្លឹកក្រៀមអាចយកមកធ្វើជាម៉ាសបិទមុខ ដើម្បីជួយកាត់បន្ថយបញ្ហាស្បែកដូចជា មុន និងកន្ទួលរមាស់។ វាក៏អាចប្រើជាម៉ាសបិទសក់ដើម្បីកាត់បន្ថយការរមាស់ស្បែកក្បាល និងបញ្ហាសក់មានជាតិប្រេងផងដែរ។
៦. បណ្តេញសត្វល្អិត
ក្លិនក្រអូបខ្លាំងរបស់ស្លឹកក្រូចសើចមានប្រសិទ្ធភាពក្នុងការបណ្តេញ មូស និងសត្វល្អិតផ្សេងៗ។ អ្នកអាចដាក់ស្លឹកក្រូចសើចនៅតាមបន្ទប់ដើម្បីការពារខ្លួនអ្នកពីសត្វល្អិតទាំងនោះ។
តើអ្នកត្រៀមខ្លួនហើយឬនៅដើម្បីសាកល្បងប្រើប្រាស់ស្លឹកក្រូចសើចដើម្បីសុខភាព និងសម្រស់របស់អ្នក0x017d7
ចែករំលែកព័តមាននេះ