ឃាត់ខ្លួនជនសង្ស័យ៦នាក់ ធ្វើសកម្មភាពកា.ប់ប្ល.ន់យកម៉ូតូ១គ្រឿង នៅក្រុងប៉ោយប៉ែត
- បន្ទាយមានជ័យ
ខេត្តបន្ទាយមានជ័យ ៖ ឃាត់ខ្លួនជនសង្ស័យ៦នាក់ដែលធ្វើសកម្មភាពកាប់ប្លន់យកម៉ូតូ១គ្រឿងនៅក្រុងប៉ោយប៉ែតត្រូវបានបញ្ជូនទៅសាលាដំបូងខេត្តបន្ទាយមានជ័យកាលពីថ្ងៃទី៣០ ខែឧសភា ឆ្នាំ២០២៦។
លោកវរៈសេនីយ៍ទោ ព្រហ្ម ពិសិដ្ឋ អធិការនគរបាលក្រុងប៉ោយប៉ែតបានប្រាប់ថា៖ក្រោយទទួលពាក្យបណ្តឹងជនរងគ្រោះដែលត្រូវបានជនសង្ស័យ១ក្រុមបានធ្វើសកម្មភាពកាប់ប្លន់យកម៉ូតូ១គ្រឿងនិងបង្កអោយជនរងគ្រោះម្នាក់រងរបួសស្រាលដោយកាប់ប្លន់កាលពីយប់ទៀបភ្លឺកាលពីថ្ងៃទី២៥ ខែឧសភា ឆ្នាំ២០២៦នៅចំណុចផ្លូវបំបែកផ្សារព្រៃព្រិចស្ថិតភូមិព្រៃព្រិច សង្កាត់ផ្សារកណ្តាល ក្រុងប៉ោយប៉ែត។
លោកបានបញ្ជាក់ថា៖ក្រោយទទួលបណ្តឹងកម្លាំងអធិការដ្ឋាននគរបាលក្រុងប៉ោយប៉ែត សហការជាមួយកម្លាំងប៉ុស្តិ៍នគរបាលសង្កាត់ផ្សារកណ្តាល បានធ្វើការស្រាវជ្រាវនិងកំណត់មុខសញ្ញាឃាត់ខ្លួនជនសង្ស័យចំនួន៦នាក់ដែលជាមុខសញ្ញាប្លន់កាប់យកម៉ូតូដែលឃាត់កាលពីថ្ងៃទី២៨ ខែឧសភា ឆ្នាំ២០២៦នៅចំណុចភូមិប្រជាធម្មលិច សង្កាត់ផ្សារកណ្តាល ក្រុងប៉ោយប៉ែត។
លោកវរៈសេនីយ៍ទោ ព្រហ្ម ពិសិដ្ឋ បានបញ្ជាក់ថា៖ក្រោយឃាត់ខ្លួនជនសង្ស័យចំនួន៦នាក់ដែលចោទប្រកាន់ពីបទកាប់ប្លន់យកម៉ូតូ១គ្រឿងក្រោយសាកសួរនិងឆ្លើយសារភាពជនសង្ស័យជាមុខសញ្ញាកាប់ប្លន់យកម៉ូតូយ៉ាងសកម្មនៅក្រុងប៉ោយប៉ែត ត្រូវបានកសាងសំណុំរឿងបញ្ជូនទៅសាលាដំបូងខេត្តបន្ទាយមានជ័យដើម្បីចាត់ការតាមច្បាប់៕
ចែករំលែកព័តមាននេះ